திருநெறி

இரா.திருமாவளவன் அவர்கள் ஆற்றிய உரை இறுதிப் பாகம் காணொளி காண்க.

2011-12-31T21:14:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை இறுதிப் பாகம் காணொளி காண்க.

இரா.திருமாவளவன் அவர்கள் ஆற்றிய உரை பாகம் 6 காணொளி காண்க.

2011-12-31T21:08:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை பாகம் 6 காணொளி காண்க.

இரா.திருமாவளவன் அவர்கள் ஆற்றிய உரை பாகம் 5 காணொளி காண்க.

2011-12-31T20:59:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை பாகம் 5 காணொளி காண்க.

இரா.திருமாவளவன் அவர்கள் ஆற்றிய உரை பாகம் 4 காணொளி காண்க.

2011-12-31T20:56:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை பாகம் 4 காணொளி காண்க.

இரா.திருமாவளவன் அவர்கள் ஆற்றிய உரை பாகம் 3 காணொளி காண்க.

2011-12-31T20:53:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை பாகம் 3 காணொளி காண்க.

இரா.திருமாவளவன் அவர்கள் ஆற்றிய உரை பாகம் 2 காணொளி காண்க.

2011-12-31T20:51:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை பாகம் 2 காணொளி காண்க.

இரா.திருமாவளவன் அவர்கள் ஆற்றிய உரை பாகம் ௧ காணொளி காண்க.

2011-12-31T20:31:00.000-08:00

கிள்ளான் திருக்குறள் மன்ற ஏற்பாட்டில் நிகழ்த்தப் பட்ட திருக்குறள் விழாவில் மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் ஆற்றிய உரை பாகம் ௧ காணொளி காண்க.

தமிழ் நெறி மாணவர் பண்பாளர் விழாவில் மலேசியத் தமிழ் நெறிக் கழகத்தின் தேசியத் தலைவர் இரா.திருமாவளவன் உரை தொடர்

2011-12-22T18:07:00.000-08:00

தமிழியத் தலைமுறையை உருவாக்குவோம் தமிழினத்தை மீட்போம்! தமிழ் நெறி மாணவர் பண்பாளர் விழாவில் மலேசியத் தமிழ் நெறிக் கழகத்தின் தேசியத் தலைவர் இரா.திருமாவளவன் உரை தொடர்

தமிழன் மத வெறியனாக இருந்து தன் அடையாளத்தை இழக்க முனைகிறானே ஒழிய தமிழனாக வாழ முற்படுவதில்லை .இந்த இழிநிலையிலிருந்து தமிழனை மீட்டெடுக்க வேண்டும் குழந்தை முதலாகவே இப்பணியை மேற்கொண்டு எதிர்கால தமிழிய தலைமுறையை உருவாக்கும் முயற்சிகளுள் ஒன்றாகவே தமிழ்நெறி மாணவர் விழா கொண்டாடப்படுகிறது .
இக்கால் இவ்விழாவினை தொடக்கத்தில் பங்கேற்று சிறப்பு பெற்ற மாணவர்களே முன்னின்று நடத்துவது பெருமைக்குரியது .எதிர்காலத்திலும் ஒவ்வொரு கட்டத்திலும் வளர்கின்ற தலைமுறையினர் இவ்விழாவினை மட்டுமல்லாமல் மலேசியத் தமிழ் நெறிக் கழகத்தையே சீரிய முறையில் ஏற்று வழி நடத்துவார்கள் என்பது திண்ணம் .இத்தகு இளைய தலைமுறையை நோக்கி நாம் இளந்தையர் பயிலரங்கு , திருக்குறள் வகுப்பு , தலைமைக்குரிய பயிற்சிப் பட்டறை தமிழ்நெறி பண்பாளர் விழா முதலானவற்றை தொடர்ந்து நிகழ்த்தி வருகின்றோம் .
இவ்விழ சிறக்க எல்லா வகையாலும் உழைத்த உழைத்துக்கொண்டிருக்கின்ற நம் பொறுப்பாளர்களுக்கு நான் என் மனமுவந்தபாராட்டுகளைத் தெரிவித்துக் கொள்கிறேன் .குறிப்பாக மலேசியத் தமிழ் நெறிக் கழக தேசியப் பொதுச் செயலர் இரா .கனல்வீரன் அவர்களுக்கும் ,தேசிய அமைப்புச் செயலர் கன்னித்தமிழன் அவர்களுக்கும் ஏனைய தேசிய பொறுப்பாளர்களுக்கும் நிகழவினைப் பொறுப்பேற்று செலாமா வட்டாரத்தில் நடத்த உழைக்கும் செலாமா கிளை பொறுப்பாளர்களுக்கும் பாடாங் செராய் கிளை பொறுப்பாளர்களுக்கும் எம் வாழ்த்துகளும் பாராட்டுகளும் உரித்தாகுக ...

விழா எல்லா வகையாலும் சிறக்க பங்கேற்கும் மாணவர்களுக்கும் ஒத்துழைத்த பெற்றோர்க்கும் எம் வாழ்த்துகளும் பாராட்டுகளும் ... வாழ்க வெல்க.. தனித்தமிழியம் ..

தமிழியத் தலைமுறையை உருவாக்குவோம் தமிழினத்தை மீட்போம்! மலேசியத் தமிழ் நெறிக் கழகத்தின் தேசியத் தலைவர் இரா.திருமாவளவன் உரை

2011-12-22T08:58:00.000-08:00

தமிழியத் தலைமுறையை உருவாக்குவோம் தமிழினத்தை மீட்போம்! தமிழ் நெறி மாணவர் பண்பாளர் விழாவில் மலேசியத் தமிழ் நெறிக் கழகத்தின் தேசியத் தலைவர் இரா.திருமாவளவன் உரை

மலேசியத் தமிழ் நெறிக் கழகத்தால் ஒவ்வோர் ஆண் டும் பேரளவாகக் கொண்டாடப் படும் சிறப்பு நிகழ்வே தமிழ் நெறி மாணவர் பண்பாளர் விழாவாகும். 1999 ஆம் ஆண்டு ஒட்டு மொத்த தமிழ் குடும்பங்களையும் ஒருங்கிணைக்கும் நோக்கிலேயும் தமிழ் நெறி இளந்தலைமுறையை உருவாக்கும் மலேசியத் தமிழ் நெறிக் கழகத்தைக் கட்டமைக்கும் நோக்கிலேயும் உயர்ந்த சிந்தனையோடு தமிழ் நெறி மாணவர் பண்பாளர் விழா எம்மால் திட்டமிடப் பட்டது. மலேசியத் தமிழ் நெறிக் கழகம் வெறும் தனி மனிதர்களின் கூட்டல்ல. தனிமனிதர்கள் சார்ந்த குடும்பங்களின் கூட்டே மலேசியத் தமிழ் நெறிக் கழகமாகும். எதிர்காலத் தமிழ் நெறி தலைமுறையை உருவாக்கும் நோக்கில் கடந்த பல ஆண்டுகளாகத் தமிழியச் சிந்தனையை உணர்த்தி சிறந்த தமிழ் நெறிக் குமுகயத்தைக் கட்டமைக்கும் வகையில் நாடெங்கிலும் திருக்குறள் தமிழ் நெறி வகுப்பு சிறந்த முறையில் நடத்தப் பட்டு வருகின்றது.

தமிழனை வீழ்த்திய ஆரியம் ஒவ்வொரு நொடிப் பொழுதும் ஒவ்வொரு நாளும் ஒவ்வொரு கிழமையும் ஒவ்வொரு திங்களும் ஒவ்வோர் ஆண்டும் மீள முடியாத வகையில் பல்வேறு விழாக்களை நிகழ்வுகளை கட்டமைத்து இன்றளவும் அந்த மயக்கில் ஆழும் படிசெய்து விட்டது. எனவே சாண் முழம் சறுக்கும் வகையில் வகையில் கொஞ்சம் விழிப்புணர்ச்சி பெற்றாலும் இத்தகு ஆரிய சார்பு விழாக்களால் தமிழர்கள் ஒட்டுமொத்தமாக விழிப்புணர்வு பெறாமலேயே அழுத்தப் படுகின்றனர்.

இன்றைய ஊடகங்கள் வெறும் பண நோக்கில் இயங்கி தமிழ் தமிழர் தொடர்பான சிந்தனைகளை மேலும் முடக்கம் செய்து வருகின்றன. இதனால் தமிழனே தமிழனை மறந்து தமிழை மறந்து தமிழ் அடையாளம் இழந்து சிதைந்து வருகின்றான் என்பது ஊழ்வினையாக இன்று அமைந்திருக்கிறது. இதன் வெளிப்பாடாகத்தான் இன்றை தமிழரில் பலர் தமிழ் குழந்தைகளுக்கு தமிழில் பெயர் சூட்டுவதில்லை பொருளில்லாத பிற மொழி பெயர்களையும் ஓசைகளையும் புதுமை என்ற பெயரில் சூட்டி மகிழ்கின்றனர் . அதே போல் தம் குழந்தைகளிடம் தமிழில் உரையாடுவதில்லை குழந்தைகளை தமிழ் பள்ளிக்கு அனுப்புவதில்லை அப்படியே தமிழ் பள்ளியில் பயின்றாலும் அந்த தமிழ் பள்ளிகள் பிள்ளைகளுக்குத் தமிழ் சிந்தனையை ஊட்டுவதில்லை .உலகம் முழுமையிலும் வாழ்கின்ற தமிழர்கள் இவ்வாறுதான் இருக்கிறார்கள்.

தொடரும்..

உலகத் திருக்குறள் நாள் வாழ்த்தட்டை வெளியீடு

2011-12-22T07:36:00.000-08:00

திருக்குறள் உலக சட்டத்திற்கு வேர் மாந்தர் வாழ்வு நெறிக்கு வழிகாட்டி தமிழர் வாழ்விற்கு அடிப்படை உலக தமிழரை இணைத்துப் பிணைக்ககூடிய உயர்ந்த மறை உலகிலேயே ஒரு மாண்புமிகு நூல் இது ஒன்றே என்ற தொடக்கத்துடன் மலேசியாவில் திருக்குறள் நாள் வாழ்த்து அட்டை வெளிவந்து உள்ளது.

கடந்த 20.01.1996-ல் மலேசியாவில் நடந்த உலகத் தமிழ் மறை திருக்குறள் வாழ்வியல் மநாட்டில் ‘சனவரி முதல் நாளை திருக்குறள் நாள்’ என உலகிற்கு பரிந்துரை செய்யப்பட்டது. இந்த பரிந்துரைக்கு மிக முகாமையாகப் பங்காற்றியவர் மலேசியாவின் மூதறிஞர். தமிழ்ப்புணல் மு. மணி வெள்ளையனர் அவர்களே.

திருக்குறளால் இளைய தலைமுறையினர் அடையும் பயன், திருக்குறளின் நன்மை, அதன் முகாமையான குறிக்கோள் என்ன என்பது போன்ற உலக பொது மறை திருக்குறளின் நோக்கம் இந்த வாழ்த்து அட்டையில் நன்கு விளக்கப்பட்டுள்ளது.

இந்த அற்புதமான திருக்குறளின் வாழ்த்து அட்டையின் மூலமாக பலருக்கு பலருக்கு நன்மை கிடைத்து பயனடைவர் என்பது திண்ணம் என்கிறார் ‘உலக பொது மறை திருக்குறள்’ வாழ்த்து அட்டையை தயாரித்து வெளியீடு செய்த ரவாங்கைச் சேர்ந்த தமிழ் நெஞ்சர் அரசேந்திரன்.

மின்னல் எஃப்.எம்.மில் காலையில் திருக்குறள் விளக்க உரை வழங்கும் மலேசியத் தமிழ் நெறிக் கழக தலைவர் இரா. திருமாவளன் இந்த வாழ்த்து அட்டை சிறப்பாக அமைவதற்கு நல்ல ஆலோசனை வழங்கியதாக கூறுகிறார் அரசேந்திரன்.

ஒவ்வொருவரும் சில திருக்குறள் வாழ்த்து அட்டைகளை வாங்கி நண்பர்கள், உறவினர்களுக்கு அனுப்பி வைத்தால் திருக்குறளின் காலத்தால் அழியாத பல சிறப்புகள் இன்னும் பலருக்கு தெரிய வாய்ப்புண்டு. ஒரு வாழ்த்து அட்டையின் விலை 1.50 காசு மட்டுமே.

தொடர்புக்கு : திருமதி மல்லிகா 016-6129554,

இரா. திருமாவளவன் 016-3262479,

அரசேந்திரன் 019-3243253.

நன்றி மலேசிய இன்று

மலேசியத் தமிழ் நெறிக் கழக ஏற்பாட்டில் பாவணரின் அஞ்சல் தலை வெளியீடும் அன்னாரின் இறுதி உரை குறுவட்டு வெளியீடும் மிகச் சிறப்பாக நிகழ்ந்தேறியது

2011-07-06T03:50:00.000-07:00

அண்மையில் மலேசியத் தமிழ் நெறிக் கழக பத்துமலைக் கிளை இளைஞர் பிரிவினரின் ஏற்பாட்டில் கோலாலம்பூரில் சோமா அரங்கத்தில் மாணவர் எழுச்சி விழாவும் மொழி ஞாயிறு ஞா. தேவநேயப் பாவணரின் அஞ்சல் தலை வெளியீடும் அன்னாரின் இறுதி உரை குறுவட்டு வெளியீடும் மிகச் சிறப்பாக நிகழ்ந்தேறியது.மலேசியத் தமிழ் நெறிக் கழகத்தின் முயற்சியால் மலேசியாவில் உயிர்ப்பாடும் முக்கழகம் மொழிநூன் முனைவர் ஞா.தேவ நேயப் பாவாணருக்கு அஞ்சல் தலை வெளியீடு செய்யப் பட்டது பெருமைக்கும் போற்றுதலுக்கும் உரிய செய்தியாகும். தம் வாழ் நாள் முழுவதும் தமிழின் மீட்சிக்காகவே ஈகம் செய்து உழைத்த பேற்றுக்குரிய பேரறிஞர் பாவாணர். வேர் சொல்லாராய்ச்சித் துறையில் தனித்தன்மை பெற்று மூலமாகவும் அனைவருக்கும் பேராசானாகவும் வழிகாட்டியாகவும் விளங்குபவர் பாவாணர் ஒருவரே. தமிழே உலக முதற்றாய் மொழி . தமிழனே உலகில் முதன் மாந்தன், தமிழன் பிறந்தகம் தென் கடலுள் மூழ்கியிருக்கும் குமரிக் கண்டமே , திராவிட மொழிகளுக்கெல்லாம் தாயாகவும் உலக மொழிகளுக்கெல்லாம் வேராகவும் இருப்பது தமிழொன்றே. எனும் கோட்பாடுகளை வலியுறுத்தி அரிய நூல்கள் பலவற்றைப் பாவாணர் எழுதினார்.

கோலாலம்பூரில் 26.06 .2011 ஆம் நாள் ஞாயிற்றுக் கிழமை பிற்பகல் 2 மணிக்கு சோமா அரங்கத்தில் தமிழ் நெறி மாணவர் எழுச்சி விழாவும் பாவாணரின் இறுதிப் பேச்சு, 1964 ஆம் ஆண்டு காணப் பெற்ற நேர்காணல் குறுவட்டு வெளியீடும் பாவாணரின் சிறப்பு அஞ்சல் தலை வெளியீடும் சிறப்பாக நிகழ்ந்தது . இந்நிகழ்வில் மலேசியத் தமிழ் நெறிக் கழகத் தேசியத் தலைவர் திருமாவளவன் அவர்களும் தமிழறிஞர் இர.திருச்செல்வம் அவர்களும் , தேசியப் பொருளர் மு.தமிழ்வாணன் அவர்களும், மூத்தத் தலைவர் இரா.தமிழழகனார்
அவர்களும், பாவாணர் பெருந்தொண்டர் ஐயா பாஞ்சா சர லிங்கம் அவர்களும் சிங்கையிலிருந்து பாவாணர் பெருந்தொண்டர் ஐயா கொவலங் கண்ணனார் அவர்களைப் படிநிகர்த்து தமிழ்த் திரு கவி அவர்களும் சிறப்பாகக் கலந்து கொண்டு உரை நிகழ்த்தினர். தமிழ் நெறி மாணவர்களின் தமிழிய எழுச்சிக் குரிய ஆடல், பாடல், பேச்சு முதலான நிகழ்வுகளும் இடம்பெற்றன. பாவணரின் வாழ்க்கை வரலாற்றை மாணவர்கள் நாடகமாக நடித்துக் காட்டினர். இந்நிகழ்வு தமிழ் நெறி இளையோர்களால் சிறப்பான முறையில் வழிநடத்தப்பட்டது என்பது குறிப்பிடத் தக்கது.

''கெட்டபின் ஞானி'' - பழ. நெடுமாறன்

2011-06-28T02:59:00.000-07:00

''கெட்டபின் ஞானி''
- பழ. நெடுமாறன்

''கூடா நட்புக் கேடாய் முடியும்'' என்பது தோல்வியில் பிறந்த ஞானோதயமாகும். கூடா நட்பு என தி.மு.க தலைவர் கருணாநிதி கருதியதும் சுட்டிக்காட்டியதும் யாரை என்பது குறித்து அவரது கட்சிக்குள்ளும் வெளியிலும் விவாதங்கள் தொடர்ந்து நடந்த வண்ணம் உள்ளன.

காங்கிரஸ் கட்சியோடு தி.மு.க. கொண்டிருக்கும் உறவைக் கூடா நட்பாக அவர் கருதி இருப்பாரே யானால் அந்த தவற்றினை உணருவதற்கு நாற்பது ஆண்டு காலத்துக்கு மேலாக அவருக்கு ஆகியிருக்கிறது.

காங்கிரஸ் எதிர்ப்பில் வளர்ந்த கட்சி தி.மு.க ஆகும். அண்ணா அவர்கள் காங்கிரஸ் எதிர்ப்புக் கட்சிகளை ஒன்றிணைத்து 1967ஆம் ஆண்டில் காங்கிரசை வீழ்த்தி ஆட்சியைப் பிடித்தார். ஆனால் அண்ணா மறைந்த உடனேயே காங்கிரஸ் எதிர்ப்புக் கொள்கையையும் அவருடனேயே புதைத்தார் கருணாநிதி.

1969 ஆம் ஆண்டில் குடியரசுத் தலைவருக் கான தேர்தல் நடைபெற்ற போது காங்கிரசின் அதிகாரப்பூர்வமான வேட்பாளரான சஞ்சீவ ரெட்டியை எதிர்த்து பிரதமர் இந்திராவினால் போட்டி வேட்பாளராக நிறுத்தப்பட்ட வி.வி.கிரியை ஆதரித்து வெற்றி பெற வைத்ததில் கருணாநிதி;க்கு முக்கிய பங்கு உண்டு இத்தேர்தலில் சஞ்சீவ ரெட்டிக்கு ஆதரவு தருமாறு பெரியார் விடுத்த வேண்டுகோளை கருணாநிதி புறக்கணித்த போது இந்திராவின் நட்பு கூடா நட்பாகத்தெரியவில்லை. அந்த தேர்தலில் தி.மு.க.வின் நிலைப்பாடு மாறி இருந்து இருக்குமே யானால் இந்தியாவின் அரசியலே மாறி இருந்து இருக்கும் பின்னாளில் நேர்ந்த அவசரகால நிலமைப் பிரகடனம், மிசாக் கொடுமை போன்றவைகள் நடந்திராது.

ஆனாலும் கருணாநிதி தனது தவறைப் பிடிவாதமாகத் தொடர்ந்தார். 1971ஆம் ஆண்டு நடைபெற்ற தேர்தலில் இந்திராவின் காங்கிரசோடு கூட்டுச் சேர்ந்து வெற்றியும் பெற்றார். ஆனால் அதன் பின் விளைவுகள் மிக மோசமாக இருந்தன. 1975ஆம் ஆண்டு அவசரகால நிலைமை அறிவிக்கப்பட்டு சர்வாதிகாரத்தின் சாயல் படர்ந்தது முரசொலி மாறன், ஸ்டாலின் உட்பட ஏராளமான தி.மு.க வினர் மிசா சட்டத்தின் கீழ் கைது செய்யப்பட்டு சிறைக் கொடுமைகளுக்கு ஆளாயினர். முன்னாள் சென்னை மேயர் சிட்டிபாபு, சாத்தூர் பாலகிருட்டிணன் போன்றவர்கள் உயிரிழந்தனர். நாடெங்கும் பல கொடுமைகள் அரங்கேறின இதெல்லாம் தனது கூடாநட்பினால் விளைந்த கொடுமைகள் என்பதை உணர்ந்து கருணாநிதி திருந்தினாரா? என்றால் இல்லை என்றுதான் கூற வேண்டும்.

1980 ஆம் ஆண்டில் 'நேருவின் மகளே வருக நிலையான ஆட்சித் தருக' என்ற பதாகையைத் துாக்கிப் பிடித்து மீண்டும் காங்கிரசோடு கூட்டு சேர்ந்தவர் கருணாநிதி. சிட்டிபாபு போன்றவர்களின் மரணத்துக்குக் காரணமான காங்கிரசோடு கூடாநட்புக் கொள்ளலாமா? என்பது குறித்து அவர் கொஞ்சமும் கவலைப் படவில்லை.

கடந்த முப்பதாண்டு காலத்துக்கு மேலாக காவிரி பிரச்சினையால் தமிழக விவசாயிகள் பெரும் பாதிப்புக்கு ஆளானார்கள். குறிப்பாக கர்நாடக முதலமைச்சராக இருந்த தேவ கெளடா தமிழர்களுக்கு எதிராக வரிந்துக் கட்டிக் கொண்டு நின்றவர். காவிரி நடுவர் குழுவின் தலைவராக இருந்த சித்தோஷ் முகர்ஜி மீது தவறான வழக்கு தொடர்ந்து அவர் தானாக பதவி விலகும்படி செய்தவர் தேவகெளடா. நேர்மையானவரான அவர் பதவி விலக நேர்ந்ததால் காவிரிப் பிரச்சினையில் தமிழகத்திற்கு நீதி கிடைக்கவில்லை. ஆனால் இவற்றைப் பற்றியெல்லாம் கொஞ்சமும் கவலைப் படாமல் அதே தேவ கெளடாவை இந்தியாவின் பிரதமராக்குவதில் முன் நின்றவர் கருணாநிதியாவார்; தேவகெளடாவுடன் தனது கூடாநட்பு தமிழக விவசாயிகளுக்கு கேடாய் முடிந்ததைக் குறித்து கொஞ்சமும் கவலைப்படவில்லை கருணாநிதி.

2003 ஆம் ஆண்டு காங்கிரசோடு இவர் கொண்ட கூடாநட்பு ஈழத்தமிழர்களின் படுகொலைக்கு அடிப்படையாக அமைந்தது. இலங்கை இராணுவத்தினரில் 63 சதவிகித அதிகாரிகளுக்கும் வீரர்களுக்கும் இந்தியாவில் இராணுவப் பயிற்சிக் கொடுக்கப்பட்டது, ஆயுதங்களும் அள்ளித் தரப்பட்டன ஆனால் இவற்றைத் தடுத்து நிறுத்த கருணாநிதி சுண்டுவிரலைக்கூட அசைக்கவில்லை. 2009 ஆம் ஆண்டில் ஒரு இலட்சத்திற்கும் மேற்பட்டத் தமிழர்கள் பதைக்கப் பதைக்கப் படுகொலை செய்யப்பட்ட போது அதைத் தடுத்து நிறுத்த இவர் முன்வரவில்லை தி.மு.க வின் ஆதரவோடு மட்டுமே மன்மோகன் அரசு பதவியில் நீடித்த காலம் அது, இலங்கையில் உடனடியாகப் போர் நிறுத்தம் செய்யப்படாவிடில் ஆதரவைத் திரும்பப் பெறுவது என இவர் உறுதியான முடிவு எடுத்திருந்தால் ஒரு இலட்சம் தமிழர்களின் உயிர்களைக் காப்பாற்றி இருக்க முடியும் ஆனால் அதைவிட காங்கிரசுடன் கொண்ட கூடா நட்பே மேலானது என இவர் நினைத்தது தமிழ் இனத்திற்கே கேடாய் முடிந்தது.

2009 ஆம் ஆண்டு நடைபெற்ற நாடாளு மன்றத் தேர்தலுக்குப் பிறகு காங்கிரஸ் கட்சியின் கை ஓங்கிற்று தங்கள் ஆட்சியைத் தொடர தி.மு.க வின் தயவு காங்கிரஸ் கட்சிக்குத் தேவைப்படும் நிலை இல்லை எனவேதான் மகனுக்கும், மகளுக்கும் பேரனுக் கும் பதவி கேட்டு டில்லியில் மண்டியிட வேண்டிய நிலை ஏற்பட்டது கூடாநட்பினால் விளைந்த கேடு இது என்பதை அவர் அப்போதும் உணரவில்லை.

தமிழர்களின் இரத்தத்தால் சிவந்து கறை படிந்த இராசபக்சேயின் கரங்களைக் குலுக்குவதற்கு தனது மகள் உட்படத் தூதுக் குழுவை அனுப்புவதற்கு அவர் கொஞ்சமும் வெட்கப்பட்டதில்லை. இதன் விளைவாக உலகத் தமிழர்களின் வெறுப்பிற்கு ஆளாக நேர்ந்தது இராசபக்சேவுடன் தான் கொண்ட கூடா நட்பு தானே இந்நிலைக்குக் காரணம் என அவர் இன்னமும் உணரவில்லை.

காங்கிரசோடு தனது கூடா நட்பினால் ஈழத்தமிழர்கள் அழிக்கப்பட்ட போது கொஞ்சமும் கவலைப் படாதவர், அதே காங்கிரஸ் கட்சியின் ஆட்சியில் தனது மகள் ஊழல் புகாரில் சிறையில் அடைக்கப் பட்டப்போது கூடா நட்பு பின் விளைவு எனப் புலம்புவதில் பயன் என்ன?

நாற்பதாண்டுக் காலத்துக்கு மேலாக காங்கிரஸ் கட்சியோடு ஒட்டி உறவாடி பதவியைத் தக்க வைத்துக் கொள்வதில் கருத்தாக இருந்தாரே தவிர தமிழர்களுக்கு அதனால் விளைந்த கேடுகளைக் குறித்துக் கொஞ்சமும் கவலைப்படவில்லை.

தமிழகத்தின் முக்கிய பிரச்சினைகளான காவிரி, முல்லைப் பெரியாறு, பாலாறு போன்ற நதிநீர் பிரச்சினைகளையோ, மேற்கு நதிகளின் நீரை கிழக்கே திருப்புதல், சேதுக்கால்வாய் போன்றவற்றையோ, ஈழத்தமிழ் பிரச்சினையோ தீர்ப்பதற்கு கடந்த நாற்பது ஆண்டு காலத்தில் எதுவும் செய்ய அவரால் இயலவில்லை. இந்த நாற்பதாண்டு காலத்தில் காங்கிரஸ் கட்சியோடு இவருக்கு இருந்த நெருக்கமான நட்பும் மத்திய ஆட்சியில் இருந்த செல்வாக்கும் மேற்கண்ட பிரச்சினைகளைத் தீர்க்க கொஞ்சமும் உதவவில்லை மாறாக ஆசியாவின் மிகப் பெரிய பணக்காரக் குடும்பங் களில் ஒன்றாக தனது குடும்பத்தை உயர்த்திக் கொள்ள முடிந்தது. ''கூடா நட்பின்'' விளைந்த பயன் இது ஒன்றுதான்.

கவியரசர் கண்ணதாசன் எழுதியதைப் போல ''கெட்டபின் ஞானி'' ஆவது அவருக்கும் பயன்தராது குடும்பத்துக்கும் பயன் தராது, நாட்டிற்கும் பயன் தராது.

மலேசியாவில் மொழிஞாயிறு ஞா.தேவநேயப் பாவாணருக்கு அஞ்சல் தலை வெளியீடு இறுதிப் பேருரை குறுவட்டு வெளியீடு.

2011-06-24T17:00:00.000-07:00

மலேசியாவில் மொழிஞாயிறு ஞா.தேவநேயப் பாவாணருக்கு அஞ்சல் தலை வெளியீடு இறுதிப் பேருரை குறுவட்டு வெளியீடு.

மலேசியத் தமிழ் நெறிக் கழகத்தின் முயற்சியால் மலேசியாவில் உயிர்ப்பாடும் முக்கழகம் மொழிநூன் முனைவர் ஞா.தேவ நேயப் பாவாணருக்கு அஞ்சல் தலை வெளியீடு செய்யப் பட்டது பெருமைக்கும் போற்றுதலுக்கும் உரிய செய்தியாகும். தம் வாழ் நாள் தமிழின் மீட்சிக்காகவே ஈகம் செய்து உழைத்த பேற்றுக்குரிய பேரறிஞர் பாவாணர் வேர் சொல்லாராய்ச்சித் துறையில் தனித்தன்மை பெற்று மூலமாகவும் அனைவருக்கும் பேராசானாகவும் வழிகாட்டியாகவும் விளங்குபவர் பாவாணர் ஒருவரே. தமிழே உலக முதற்றே மொழி. தமிழனே உலகில் முதன் மாந்தன், தமிழன் பிறந்தகம் தென் கடலுள் மூழ்கியிருக்கும் குமரிக் கண்டமே , திராவிட மொழிகளுக்கெல்லாம் தாயாகவும் உலக மொழிகளுக்கெல்லாம் வேராகவும் இருப்பது தமிழொன்றே. எனும் கோட்பாடுகளை வலியுறுத்தி அரிய நூல்கள் பலவற்றைப் பாவாணர் எழுதினார்.

கோலாலம்பூரில் 26.06 .2011 ஆம் நாள் ஞாயிற்றுக் கிழமை பிற்பகல் 2 மணிக்கு சோமா அரங்கத்தில் தமிழ் நெறி மாணவர் எழுச்சி விழாவும் பாவாணரின் இறுதிப் பேச்சு, 1964 ஆம் ஆண்டு காணப் பெற்ற நேர்காணல் குறுவட்டு வெளியீடும் பாவாணரின் சிறப்பு அஞ்சல் தலை வெளியீடும் நிகழ விருக்கின்றது. இந்நிகழ்வில் மலேசியத் தமிழ் நெறிக் கழகத் தேசியத் தலைவர் திருமாவளவன் அவர்களும் தமிழறிஞர் இர.திருச்செல்வம் அவர்களும் , தேசியப் பொருளர் மு.தமிழ்வாணன் அவர்களும், மூத்தத் தலைவர் இரா.தமிழழகனார் அவர்களும், பாவாணர் பெருந்தொண்டர் ஐயா பாஞ்சா சர லிங்கம் அவர்களும் சிறப்பாகக் கலந்து கொள்ள வுள்ளனர். தமிழ் நெறி மாணவர்களின் தமிழிய எழுச்சிக் குரிய ஆடல், பாடல், பேச்சு முதலான நிகழ்வுகளும் இடம்பெற வுள்ளன. பாவணரின் வாழ்க்கை வரலாற்றை மாணவர்கள் நாடகமாக நடித்துக் காட்ட வுள்ளனர். இந்நிகழ்வு தமிழ் நெறி இளையோர்களால் வழிநடத்தப் பட வுள்ளது என்பது குறிப்பிடத் தக்கது.

கருணாநிதிக்கு ஒரு பகிரங்கக் கடிதம்

2011-06-12T06:15:00.000-07:00

கருணாநிதிக்கு ஒரு பகிரங்கக் கடிதம்
- பழ. நெடுமாறன்

மதிப்பிற்குரிய தலைவர் கருணாநிதி அவர்களுக்கு. வணக்கம். எப்படி இருந்தவர்கள் இப்படி மாறிவிட்டார்களே? என்ற தலைப்பில் மிகுந்த ஆதங்கத்துடன் எனது பழைய கடிதம் ஒன்றை எடுத்து மேற்கோள் காட்டி விடுத்திருந்த அறிக்கையைப் படித்துப் பார்த்தேன். தேர்தல் முடிவுகள் வெளிவரும் நாளில் அதைப்பற்றிக் கூட கவலைப்படாமல் எனது கடிதம் குறித்து அறிக்கை வெளியிடும் அளவுக்கு உங்கள் மனநிலை இருந்திருக்கிறது என்பது புரிகிறது. பொடா சிறையில் நான் இருந்த போது நீங்கள் எழுதிய தொல்காப்பியப் பூங்கா நூலினைக் கையெழுத்திட்டு எனக்கு அனுப்பி வைத்தீர்கள். நானும் அதைப் படித்துப் பார்த்துவிட்டுத் தங்களுக்கு ஒரு பாராட்டுக் கடிதம் அனுப்பினேன். ஆனால் தாங்கள் செய்த, செய்துவரும் தவறுகளை சுட்டிக்காட்டுவதற்கும் தங்களது இலக்கியத்தைப் பாராட்டு வதற்கும் இடையே உள்ள வேறு பாட்டினை நன்கு அறிந்திருந்தும் திசை திருப்புவதற்கு முயற்சி செய்திருக்கிறீர்கள்.

இப்போது மட்டுமல்ல, நீண்ட காலமாகவே இவ்வாறு செய்து வருகிறீர்கள். 1969 ஆம் ஆண்டில் தி.மு.க. ஆட்சியில் முதல் முதலாக என் மீது பொய் வழக்கு தொடுக்கப்பட்டது. ஆனாலும் முதலமைச்சராக அண்ணா இருந்த வரை அந்த வழக்குக் குறித்து எந்த நடவடிக்கையும் எடுக்கப்பட வில்லை. ஆனால் நீங்கள் முதலமைச்ச ரான உடனேயே என்னைக் கைது செய்து சிறையில் அடைக்க ஆணை பிறப்பித்தீர்கள். 6 மாத நன்னடத்தை ஜாமீன் கொடுத்துவிட்டு வீட்டுக்குப் போகலாம் என நீதிமன்றத்தில் அளிக்கப்பட்ட தீர்ப்பினை எனது மனசாட்சி ஏற்க மறுத்தது. எந்தக் குற்றமும் செய்யாதபோது நன்னடத்தை ஜாமீன் எழுதிக் கொடுப்பதை நான் ஏற்கவில்லை. அதன் விளைவாக ஆறு மாதம் சிறையில் இருக்க நேர்ந்தது.

காமராசர் மதுரை சிறைக்கே வந்து என்னைப் பாராட்டினார். அதைவிட சிறந்த பாராட்டு வேறு இல்லை. இதன் விளைவாக தமிழகம் முழுவதற்கும் நான் அறிமுகமானேன். இதற்குக் காரணம் நீங்களே என்பதை இன்றும் நன்றியோடு நினைவு கூர்கிறேன்.

1978ஆம் ஆண்டு எதிர்க்கட்சித் தலைவராக இருந்த இந்திரா காந்தி மதுரைக்கு வந்த போது அவருக்குக் கருப்புக் கொடி காட்டுவது என்ற பெயரில் உங்கள் தொண்டர்கள் அவரது உயிருக்கு உலை வைக்க முயன்றார்கள். உங்களால் ஏவி விடப்பட்டவர்களின் கொடூரமான தாக்கு தல்களிலிருந்து இந்திராவைக் காப்பாற்றிய பேறு எனக்குக் கிடைத்தது. அதன் மூலம் அகில இந்திய அளவில் அறிமுகமானேன். இதற்கும் நீங்களே காரணம் என்பதை உணர்ந்து உங்களுக்கு நன்றி தெரிவிக்கிறேன்.

1985ஆம் ஆண்டில் இலங்கைத் தமிழர் பகுதியில் இரகசியச் சுற்றுப் பயணம் ஒன்றினை விடுதலைப் புலிகளின் துணையுடன் மேற்கொண்டு அங்கு சிங்கள இராணுவம் இழைத்து வரும் கொடுமைகளை ஆதாரப்பூர்வமாக அறிந்து வந்து வெளியிட்ட போது நீங்கள் முரசொலி இதழில் என்னைப் பாராட்டி முழுப் பக்க அளவில் கட்டுரை எழுதினீர்கள். இப் போதும் அதை நன்றியோடு நினைவு கூர்கிறேன். ஆனால் நாம் ஒன்று கூடி உருவாக்கிய டெசோ அமைப்பை நீங்கள் தன்னிச்சையாகக் கலைத்தீர்கள். ஈழத் தமிழர் பிரச்சினையில் உங்களுக்கு உண்மையான ஈடுபாடு இல்லாமல் அரசியல் ஆதாயம் தேட முற்படுகிறீர்கள் என்பதை உணர்ந்த போது உங்களுக்கு எதிர் நிலை எடுக்க வேண்டிய அவசியம் ஏற்பட்டது.

காமராசரோடு உங்களை ஒப்பிட்டும், உங்கள் ஆட்சியை காமராசர் ஆட்சி என வருணித்தும் காங்கிரஸ் காரர்கள் சிலர் பேசுகிறார்கள். புரிந்து பேசுகிறார்களா, அல்லது புரியாமல் பேசுகிறார்களா என்பது உங்களுக்கு மட்டுமே தெரிந்த ஒன்றாகும்.

காமராசர் மக்கள் தொண்டிற்காக திருமணத்தைத் துறந்தவர். பெற்ற தாயைக் கூடத் தன்னுடன் வைத்துப் பேணாதவர். ஒன்பது ஆண்டு காலம் ஆங்கிலேயரின் கொடுமையான சிறையில் வாடியபோதும் அது குறித்து ஒரு போதும் பேசாதவர். மறையும் போது தான் உடுத்தியிருந்த துணி களைத் தவிர வேறு சொத்து இல்லாதவர். ஆனால் நீங்களோ மனைவி, துணைவி என பல்கிப் பெருகிய குடும்பங்களுடன் வாழ்பவர். அது மட்டுமல்ல ஏழைக் குடும்பமான உங்கள் குடும்பம், இன்று ஆசியாவின் மிகப் பெரிய பணக்காரக் குடும்பங் களில் ஒன்றாகத் திகழ்கிறது.

தனது தாய் உட்பட, தனது குடும்பத்தவர் எவரையும் அரசியலில் அனுமதிக்காதவர் காமராசர். அதைப் போலவே தான் உருவாக்கிய தி.மு. கழகத்தில் அண்ணா அவர்கள் தனது பிள்ளைகள் எவரையும் வாரிசாக அறிமுகப்படுத்த வில்லை. ஆனால் நீங்கள் செய்ததை நாடறியும். 1970 களில் உங்களது மூத்த மகன் மு.க. முத்துவை எம்.ஜி.ஆருக்குப் போட்டி யாக திரையுலகில் களமிறக்கினீர்கள். கட்சிக்காரர்களைத் தூண்டிவிட்டு இரசிகர் மன்றங்களை உருவாக்கினீர்கள். இறுதியில் மு.க. முத்துவை நிலை நிறுத்தவும் முடியவில்லை. எம்.ஜி. ஆரை கழகத்தில் நீடிக்க வைக்கவும் முடியவில்லை. இதன் விளைவாக 13 ஆண்டுகள் நீங்கள் பதவி இல்லாத இருளில் தடுமாற நேர்ந்தது. ஆனாலும் நீங்கள் பாடம் கற்கவில்லை. இப்போது இளம் நடிகர்கள் விஜய், சூர்யா ஆகி யோருக்குப் போட்டியாக உங்கள் பேரன் அருள்நிதியை கலை உலகில் இறக்கியிருக்கிறீர்கள். விஜயின் படங் களுக்கு பல முட்டுக் கட்டைகளைப் போட்டுத் தடுக்க நடைபெற்ற முயற்சி வெற்றி பெறவில்லை. விஜயின் பகையைத் தேடிக் கொண்டதுதான் மிச்சம். திரையுலகைக் கபளீகரம் செய்ய உங்கள் வாரிசுகள் செய்த முயற்சியின் விளைவாக ஒட்டு மொத்த திரையுலகமும் உங்களுக்கு எதிராகத் திரும்பிவிட்டதே?

அண்ணா அவர்கள் இறுதி வரை காங்கிரஸ் எதிர்ப்பாளராகவே திகழ்ந்தார். மது விலக்குக் கொள்கை யின் மீது அசைக்க முடியாத நம்பிக்கை வைத்திருந்தார். ஆனால் அண்ணா மறைந்த உடனேயே நீங்கள் மதுக் கடைகளைத் திறந்து இளைய தலை முறையின் சீரழிவிற்குக் காரண மானீர்கள். அதைப் போல 1971ஆம் ஆண்டில் காங்கிரசுடன் கை கோர்க்கத் தொடங்கி இன்றுவரை அந்த உறவை நீட்டிப்பதில் கண்ணும் கருத்துமாக இருந்து வருகிறீர்கள்.

"நேரு குடும்பத்துக்கும் தனக்கும் உள்ள உறவை யாரும் பிரித்துவிட முடியாது'' எனத் தம்பட்டம் அடிக்கிறீர் கள். 1959ஆம் ஆண்டு சென்னைக்குப் பிரதமர் நேரு வந்த போது கருப்புக் கொடி என்ற பெயரில் அவர் மீது உங்களது தம்பிகள் செருப்புகளை வீசினார்கள். 1968இல் மதுரைக்கு இந்திரா காந்தி வந்த போது கொலை முயற்சி நடைபெற்றது. அது மட்டும் அல்ல பாட்னாவில் வி.பி. சிங் தலைமை யில் நடைபெற்ற காங்கிரஸ் எதிர்ப்புக் கூட்டத்தில் கலந்து கொண்டு பேசும் போது "நான் வெளிநாட்டுப் பெண்ணை மணந்தவன் இல்லை' என ராஜீவை சாடினீர்கள். நேரு குடும்பத் தின் மீது நீங்கள் வைத்திருக்கிற அளவற்ற அன்பின் அறிகுறிகள் இவை.

பல கட்டங்களில் காங்கிரஸ் தலைமையை மிரட்டிப் பணிய வைக்க நீங்கள் முயற்சி செய்தீர்கள். மத்திய அமைச்சர் அவையில் மகனுக்கும், மகளுக்கும் இடம் கேட்டு நீங்கள் நடத்திய மிரட்டல் நாடகமும், சட்ட மன்றத் தேர்தலில் காங்கிரசுக்கு எதிராக விடுத்த மிரட்டலும் இறுதியில் உங்களின் சரணாகதியில்தான் முடிந் தது. 1971ஆம் ஆண்டு நடைபெற்ற இடைத் தேர்தலில் நாடாளுமன்றத் திற்கு ஒன்பது இடங்களுக்கு மேல் தர முடியாது. சட்ட மன்றத்தில் ஒரு இடம் கூட கிடையாது என இந்திராவையே மிரட்டிப் பணிய வைத்த நீங்கள், இன்று சோனியாவிடம் ஒவ்வொரு முறையும் சரணடைவதைப் பார்க்கும் போது பரிதாபமாக இருக்கிறது.

அதிகாரம், பணம் ஆகியவற் றின் பலத்தோடு உங்கள் மகன் அழகிரி திருமங்கலம் துணைத் தேர்தலில் கையாண்ட தில்லுமுல்லுகள் உங்கள் ஆசியோடுதானே நடைபெற்றன. அதைத் தொடர்ந்து நடைபெற்ற அத்தனை துணைத் தேர்தல்களிலும் திருமங்கலம் சூத்திரத்தின் அடிப்படை யில்தானே நீங்கள் வெற்றி பெற முடிந்தது. இதைக் கண்டு மகிழ்ந்து மகனை உச்சி முகர்ந்து பாராட்டி னீர்கள். ஆனால் தேர்தல் ஆணையம் விழிப்படைவதற்கு இவை காரண மாயிற்று என்பதை அப்போது நீங்கள் உணரவில்லை. சட்ட மன்றத் தேர்தலில் தேர்தல் ஆணையம் மிகுந்த கவனத்து டன் எடுத்துக் கொண்ட நடவடிக்கை களின் விளைவாகத்தானே உங்களால் முறைகேடுகளை அரங்கேற்ற முடியவில்லை.

தலைமைத் தேர்தல் ஆணையர் குரேஷி தேர்தல் முடிந்த பிறகு விடுத்த அறிவிப்பு நாட்டை அதிர்ச்சியில் ஆழ்த்திற்று. "வாக்காளர்களுக்கு பணங் கொடுக்க முயன்றதாக நாடு முழுவதும் 70 கோடி கைப்பற்றப்பட்டது. இதில் 60 கோடி தமிழ் நாட்டில் மட்டும் கைப்பற்றப்பட்டது. நாங்கள் ஒரு கோடி ரூபாயை கைப்பற்றியிருக் கிறோம் என்றால் 40 முதல் 50 கோடி ரூபாயை விநியோகிக்க விடாமல் தடுத்து இருக்கிறோம் என்று பொருள்' எனக் கூறியுள்ளார்.

அவர் கூற்றுப்படி பார்த்தால் தமிழ் நாட்டில் 2400 கோடி முதல் 3000 கோடி வரை பணம் விநியோகிக்க விடாமல் தடுக்கப்பட்டுள்ளது என்பது தெளிவாகிறது. சனநாயகத்தை சீரழிக்க தமிழ் நாட்டில் உங்கள் கட்சியினரால் மேற்கொள்ளப்பட்ட இந்த முயற்சி குறித்து நீங்கள் இதுவரை வெட்க மடையவில்லையே அது ஏன்?

நீங்கள் உட்பட கட்சியின் முக்கி யத் தலைவர்கள் பலரும் தொகுதி மாறி போட்டியிட்டும் பயனில்லாமல் போனது ஏன்?

தி.மு.க. வரலாறு காணாத வகை யில் மிகப்பெரிய தோல்வியைச் சந்திக்க நேர்ந்தது ஏன்? மூத்த அமைச்சர்களும் கூட்டணித் தலைவர்களும் படு தோல்வி அடைந்தது ஏன்? நீங்கள் சிந்தித்தது உண்டா? இனிமேலாவது சிந்திப்பீர்களா?

இலவசங்களை அள்ளித் தந்தும், பல ஆயிரம் கோடி ரூபாய்களை வாரியிறைத்தும் பலமான கூட்டணி அமைத்தும் களம் இறங்கிய பிறகு தோல்வியைத் தழுவியது ஏன்?

இலங்கையில் நடைபெற்ற போரில் ஒரு இலட்சத்திற்கும் மேற்பட்ட தமிழர்கள் பதைக்கப் பதைக்கப் படு கொலை செய்யப்பட்ட போது அவர் களைக் காப்பாற்றுவதற்கு எந்த முயற்சி யும் செய்யாமல் உண்ணா விரத நாடகத்தை நடத்தி காங்கிரசுக்குத் துணை போனது இந்த தோல்விக்குரிய முக்கிய காரணமென்பதை இப்போதா வது உணர்கிறீர்களா?

முள்ளிவாய்க்கால் போரின் இறு திக்கட்டத்தில் தனது மக்களைக் காப்ப தற்காக தனது மகனையே கள முனைக்கு அனுப்பிக் காவுகொடுக்க ஒரு தலைவன் முன்வந்தான். அதே காலக் கட்டத்தில் தில்லியில் தனது மகனுக்கும், மகளுக்கும் பதவி பெறுவ தற்காக மடிப்பிச்சை ஏந்தி நின்றார் ஒரு தலைவர் என்ற தீராத பழிக்கு ஆளாகிவிட்டீர்களே.

உங்களின் கடந்த ஐந்தாண்டு கால ஆட்சியில் நடைபெற்ற ஊழல் கள், இயற்கை வளங்கள் கொள்ளை, மோதல் சாவுகள், உயர்நீதிமன்ற வளா கத்தில் நீதிபதிகள் மற்றும் வழக்கறி ஞர்கள் மீது நடத்தப்பட்ட கொடூர மான தாக்குதல், அன்னிய நிறுவனங் களுக்கு தடையில்லாத மின்சாரத்தை வழங்கிவிட்டு மக்களுக்கு மின்சாரத் தடை ஏற்படுத்திய கொடுமை போன்ற வற்றை விரிக்கின் பெருகும். உங்கள் தோல்விக்கு இவையெல்லாம் துணை நின்றன.

திரைப்படங்களுக்கு வசனம் எழுதுவதில் வல்லவர் நீங்கள் என்பதை நான் மறுக்கவில்லை. நீங்கள் எழுதிய வசனங்களிலேயே என் மனதில் இன்னமும் நிற்பது "மனசாட்சி உறங்கும்போதுதான் மனக் குரங்கு ஊர் சுற்றக் கிளம்பி விடுகிறது' என பூம்புகார் படத்தில் நீங்கள் எழுதிய வசனம் - உங்களுக்கு எல்லா வகையி லும் இன்று பொருத்தமாகிறது.

ஈழத் தமிழர்களை மட்டும் நீங் கள் கைவிடவில்லை. தமிழக மீனவர் களையும் கை விட்டீர்கள். ஐநூறுக்கும் மேற்பட்ட தமிழக மீனவர்கள் தொடர்ந்து படுகொலை செய்யப்படு வதைத் தடுக்க எதுவும் நீங்கள் செய்யவில்லை.

உங்கள் மகள் கனிமொழி இராசா வுடன் கூட்டு சேர்ந்து நடத்திய ஸ்பெக்ட்ரம் ஊழலை மூடி மறைக்க நீங்கள் செய்த முயற்சி எதிர் விளைவை அல்லவா ஏற்படுத்தி விட் டது. ஈழத் தமிழர் பிரச்சினையில் துரோகம் செய்த மத்திய அரசுக்கு ஆதரவாக நீங்கள் நடந்து கொண்ட தற்கு கிடைத்த கைமாறுதானே ஸ்பெக்ட்ரம். குடும்ப நலனைக் காப்பாற்ற காங்கிரஸ் தலைமையுடன் பணிந்து போனீர்கள். ஆனால் தமிழக மக்கள் உங்களையும் காங்கிரசையும் கூட்டணி சேர்ந்த கட்சிகளையும் கூட்டாகத் தண்டித்து விட்டார்கள்.

மதம், சாதி, பிராந்திய வேறு பாடுகள் இல்லாமலும் ஒட்டு மொத்த தமிழகமும் உங்களுக்கு எதிராகத் திரண்டது ஏன்? பல காலம் உங்களின் அசைக்க முடியாத கோட்டையாகத் திகழ்ந்த சென்னை தவிடு பொடியானது ஏன்?

அண்ணா வளர்த்த கட்சி கடைசிக் கட்டத்தில் வடிவேலுவையும், குஷ்புவையும் நம்பி நிற்க வேண்டிய அவலத்திற்கு யார் பொறுப்பு?

கடந்த ஐந்தாண்டு காலத்தில் எந்த மாநில முதலமைச்சரும் சந்தித் திராத பாராட்டு விழாக்களை நடத்தி இதுவரை யாரும் பெற்றிராத விருது களையும் உங்கள் துதிபாடிகள் உங்க ளுக்கு அளித்த போது கூச்சமின்றி அவற்றை இரசித்து ஏற்றீர்களே, இன்றைக்கு அந்த துதிபாடிகள் உங்களைத் தனிமையில் விட்டுவிட்டு, அற்ற குளத்து அறுநீர்ப் பறவைகளாகப் பறந்துவிட்டார்களே.

அகில இந்திய காங்கிரஸ் தலைவராக பதவி வகித்து மிகுந்த உயர்ந்த நிலையில் இருந்த காமராசர் 1967ஆம் ஆண்டுத் தேர்தலில் தோற்ற போது "மக்கள் தீர்ப்பை மதித்து ஏற் கிறேன்' என்று கூறினார். அவருக்கு இருந்த சனநாயகப் பண்பு உங்களிடம் காணப்படாதது ஏன்? "மக்கள் ஓய்வ ளித்து விட்டார்கள்' என்று நீங்கள் கூறி யதன் மூலம் சனநாயகத்தையும் பொது வாழ்க்கையையும் மாசு படுத்தி விட்டீர்கள்.

பொது வாழ்க்கைக்கு வருகிறவர் கள் இறுதி வரை மக்களுக்குத் தொண் டாற்றுவதையே கடமையாகக் கொண்டு செயல்படுவார்கள். பதவியில் இருந்தால் மக்கள் தொண்டு, பதவியில் இல்லாவிட்டால் ஓய்வு என்று சொல்ப வர் உண்மையான மக்கள் தொண்ட ராக இருக்க முடியாது.

தமிழ்நாட்டில் காங்கிரஸ் தோல் விக்குப் பொறுப்பேற்று பதவி விலகும் பக்குவம் தங்கபாலுவுக்குக் கூட இருக் கிறது. ஆனால் பொது வாழ்க்கைக்குப் பொன் விழாக் கொண்டாடிய உங்க ளுக்கு இன்னமும் அந்த பக்குவம் வராதது ஏன்? இந்தக் கட்டத்திலே யாவது பிறரிடம் இல்லையென்றாலும் உங்கள் வாரிசிடமாவது எல்லாவற்றை யும் ஒப்படைக்கலாம் என எண்ணிய துண்டா நீங்கள்?

ஒருவரின் பெருமைக்கும் சிறு மைக்கும் அவரவர்கள் செயல்பாடே அடிப்படை என்பதை வள்ளுவர் கூறுகிறார். குறளோவியம் தீட்டிய தாங்கள் இதை உணராதது ஏன்?

பெருமைக்கும் ஏனைச் சிறுமைக்கும் தத்தம்

கருமமே கட்டளைக் கல்

தமிழகத் தேர்தல் முடிவுகள் உணர்த்தும் செய்தி என்ன?

2011-05-15T04:12:00.000-07:00

தமிழகத் தேர்தல் முடிவுகள் உணர்த்தும் செய்தி என்ன?

௧. தமிழீழ மக்கள் மீது இலங்கை பேரினவாத அரசு நிகழ்த்திய இனப் படுகொலைக்கு நேரடியாகவும் மறைமுகமாகவும் துணை நின்ற கொடியவர்களுக்கு சரியானப் பாடத்தை வழங்கியுள்ளனர்.

௨. 600 க்கும் மேற்பட்ட தமிழக மீனவர்கள் சிங்கள காடையர்களால் படுகொலை செய்யப் பட்ட பொழுது தமிழக அரசும் இந்திய அரசும் வேடிக்கை பார்த்தனரே ஒழிய தமிழ் மக்களை எவ்வகையிலும் காப்பாற்ற வில்லை. அதற்குரிய பாடத்தை வழங்கியுள்ளனர்.

௩. அரசியல் பிழைத்தோர்க்கு அறம் கூற்றாகும் என்பது தமிழரின் மெய்யியல். கலைஞர் கருணாநீதி தமிழை வைத்து பிழைப்பு நடத்தினார் . நாளொரு பேச்சு பொழுதொரு நடிப்பு. இதனை அவரோடு கூட்டு சேர்ந்த பா.ம.க. இராமதாசே கூறினார். தமிழீழ மக்கள் துடித்து அழுது கொண்டிருக்கையில் போர் நின்று விட்டதாக அறிக்கை விட்டார். தம் தம் குடும்பத்தின் நலனுக்காக மட்டுமே இவர் அதிரடி நடவடிக்கை இருக்கும். தமிழின துயர்துடைப்புக்கு இவர் கடிதம் மட்டுமே விட்டார். அதனால் இவரைக் கடித கருணாநிதி என்றும் அழைக்க லாயினர். தமிழக வழக்கறிஞர்கள் மீது காவல்துறையின் அடாவடித் தனங்கள் எல்லாரும் அறிந்தவை. மலேசியத் தமிழர்களாயினும் இலங்கைத் தமிழர்களாயினும் அவர்களுக்கு என்ன நேர்ந்தாலும் எங்களால் ஒன்றும் செய்ய இயலாது என்று இவருடைய அமைச்சர் அன்பழகன் சட்டமன்றத்தில் பேசினார். எனவே இவர்களைத் தமிழினக் காவலர்களாக உலகத் தமிழர்களே ஏற்றுக் கொள்ளவில்லை.
௪. தலைவரின் தாயார் மலேசியாவிலிருந்து தமிழகத்திற்கு மருத்துவம் நிமித்தமாகச் சென்றார். படுத்த படுக்கையாகவே இருந்த அவ்வம்மையாரை நோயாளி என்றும் மூதாட்டி என்று கூட பார்க்காமல்தமிழக மண்ணை மிதிக்க கூட விடாமல் வானூர்தியில் வைத்தே திருப்பி அனுப்பினர். கொஞ்சமாவது மனிதநேயம் இருந்ததா ? தமிழினப் பற்று இருந்ததா? செய்த பாவம் சும்மா விடுமா?
௫. இராசபக்சே தமிழின மக்களைப் படுகொலை செய்து குருதிக் கறை கூட மறையவில்லை.. அவனுக்கு கைகுலுக்கல்.. பொன்னாடை..பரிசு அவனோடு விருந்து உண்டாட்டு எல்லாம்... இதற்கெல்லாம் சேர்த்துக் கொடுத்த அடிதான் இந்த அடி.
௬. கலைஞர் முன்பு ஒன்று கூறினார்.. இந்த முறை எனக்கு ஒரு வாய்ப்பு கொடுங்கள் என்று தமிழக மக்களைப் பார்த்து முந்தைய தேர்தலில் கெஞ்சினார்.. ஆனால் வழங்கிய வாய்ப்பினை முறையாகப் பயன்படுத்தினாரா? தமிழீழம் தான் எங்கள் இலட்சியம் என்று இந்த இறுதி நேரத்திலும் ஒரு ஏமாற்றுப் பேச்சு. தமிழீழம் அமைவதற்கும் தமிழீழ மக்களைக் காப்பதற்கும் கிடைத்த ஒரு வாய்ப்பையும் நழுவ விட்டு விட்டு அவர்களின் அழிவில் இந்திய அரசோடு கைகோர்த்த வரலாற்று பிழையைச் செய்து விட்டு .... தமிழீழந்தான் எங்கள் இலட்சியம் என்றால்... உலகத் தமிழர்கள் என்ன கேணையர்களா? ...
௭. தமிழீழம் அமைய கருணாநிதி உதவியிருந்தால் எவருக்குமே கிடைக்காத வரலாற்றுப் புகழ் அவருக்குக் கிடைத்திருக்கும்.. அழிய விட்டு வேடிக்கைப் பார்த்து நாடகம் வேறு நடித்தீர்களே பெரும்பாவிகளே ... என்று தமிழ் மக்கள் நெஞ்சம் நொந்து கூறிய சொற்கள் சும்மாவா விடும்.

அரசன் அன்று கொல்வான் தெய்வம் நின்று கொல்லும் ....காலம் எல்லாவற்றுக்கும் ஒரு விடை சொல்லும்.. தமிழ் தேசியம் கண்டிப்பாய் வெல்லும்.. தமிழீழம் மலர்ந்தே தீரும்...

"ஈழத் தமிழருக்குக் கருணாநிதி இழைத்தத் துரோகம்” - பழ. நெடுமாறன் எழுதிய நூலிலிருந்து சில பகுதிகள்

2011-04-18T09:43:00.000-07:00

"ஈழத் தமிழருக்குக் கருணாநிதி இழைத்தத் துரோகம்” - பழ. நெடுமாறன் எழுதிய நூலிலிருந்து சில பகுதிகள்

குட்டிமணியைப் பிடித்துக் கொடுத்தவர்

டெலோ இயக்கத் தலைவர்களான க. ஜெகன்னாதன், (எ) ஜெகன், செ. யோகச்சந்திரன் (எ) குட்டிமணி ஆகிய இருவருக்கும் சிங்கள நீதிமன்றம் மரணதண்டனையை விதித்த செய்தி தமிழகப் பத்திரிகைகளில் பரபரப்புடன் வெளியாயிற்று. அச்செய்தியை படித்தவுடன் அளவற்ற வேதனையில் ஆழ்ந்தேன்.

தமிழ்நாடு சட்டமன்றப் பேரவையில் 8-9-82 அன்று இது குறித்து ஒரு தீர்மானம் கொண்டு வருவதென முடிவுசெய்தேன். உடனடியாக அன்று காலையிலேயே தமிழகச் சட்டமன்ற செயலாளர் அலுவலகத்திற்குச் சென்று கீழ்க்கண்ட தீர்மானத்தைக் கொடுத்தேன். இத்தீர்மானத்தில் என்னுடன் இந்தியக் கம்யூனிஸ்டுக் கட்சியின் துணைத் தலைவர் கருப்பையா, மார்க்சிஸ்டுக் கட்சியின் துணைத் தலைவர் ஆர்.உமாநாத், காங்கிரஸ் கட்சியின் துணைத் தலைவர் என்.எஸ்.வி. சித்தன் ஆகியோரும் கையெழுத்திட்டிருந்தனர். தீர்மான விவரம் வருமாறு:

"தமிழ்நாடு சட்டமன்றப் பேரவை விதி 187ன் கீழ் கீழ்க்கண்ட தீர்மானத்திற்கு முன்னறிவிப்பு கொடுக்கிறோம்.

"இலங்கையில் தமிழர் உரிமை காக்கப் போராடிய திரு. செ. யோகச்சந்திரன் என்ற குட்டிமணி, திரு. க. ஜெகநாதன் ஆகிய இரு தமிழ் இளைஞர்களுக்கு மரணதண்டனை விதிக்கப்பட்டிருப்பதை ரத்து செய்யத் தலையிட்டு ஆவன செய்யும்படி இந்தியத் தலைமை அமைச்சருக்கு சிபாரிசு செய்யும்படி தமிழக அரசை இப்பேரவை வேண்டிக்கொள்கிறது.

பிரச்சனையின் முக்கியத்துவம் குறித்து விதியில் இருந்து விலக்குக் கொடுத்து இதனை உடனடியாக எடுத்துக் கொள்ள வேண்டுகிறோம்.

அலுவலகத்தில் கொடுத்துவிட்டு உடனடியாகப் பேரவைத் தலைவர் மாண்புமிகு க. இராசாராம் அவர்களைச் சந்தித்துப் பேசினேன். பிரச்சினையின் அவசரம் கருதி இன்றைக்கே இத்தீர்மானத்தை எடுத்துக்கொள்ளவேண்டுமென வேண்டிக்கொண்டேன். அதை அவர் ஏற்றுக்கொண்டார். ஆனாலும் அனைத்துக்கட்சித் தலைவர்களின் ஆதரவைப் பெறுமாறு அறிவுரை கூறினார். தி.மு.க. தலைவர் கருணாநிதி உட்பட அனைத்துக்கட்சித் தலைவர்களிடம் ஏற்கனவே பேசிவிட்டேன் என்றும் முதலமைச்சர் எம்.ஜி.ஆரிடம் பேசியபோது சட்டமன்றத்திற்கு வந்த பிறகு சந்திக்குமாறு கூறியிருக்கிறார் என்பதையும் தெரிவித்தேன்.

காலை 9.30 மணியளவில் முதலமைச்சர் எம்.ஜி.ஆர். சட்டமன்ற வளாகத்திற்கு வந்தார். அவரது அறையில் அவரைச் சந்தித்துத் தீர்மான விவரத்தையும், அனைத்துக்கட்சித் தலைவர்களும் ஆதரவு தருவதாகக் கூறியிருப்பதையும் தெரிவித்தேன். எதிர்க்கட்சித் தலைவர் என்ன கூறினார் என்று கேட்டார். அவரும் ஆதரிப்பதாகத் தெரிவித்திருக்கிறார் என பதிலளித்தேன்.

"ஆதரவு தெரிவித்துப் பேசுவதோடு நின்றுவிடாமல் பிரச்சினைக்குரியவாறு எதாவது பேசினால் நான் பதில் சொல்லவேண்டியிருக்கும்'' என முதலமைச்சர் கூறினார்.

"இதில் பிரச்சினைக்கு இடமேயில்லை. இரு இளைஞர்களின் உயிரை எப்படியாவது காப்பாற்றவேண்டும் என்பதுதான் அனைவரின் நோக்கம். எனவே வேறு விசயங்களுக்கு இடமில்லை'' என்று கூறினேன்.

""இல்லை இல்லை. கலைஞரைப்பற்றி உங்களுக்குத் தெரியாது. எனக்குத் தெரியும். ஏதாவது வம்பு இழுக்கும் வகையில் அவர் பேசுவார். அப்படிப் பேசினால் நான் பதில் கூறவேண்டியிருக்கும்'' என முதலமைச்சர் எம்.ஜி.ஆர். கூறியபோது எனக்கு என்ன செய்வதென்று தெரியவில்லை.

முதலமைச்சர் மேசையில் வைக்கப்பட்டிருந்த ஒரு கோப்பை எடுத்து என்னிடம் கொடுத்துப் படித்துப் பார்க்கும்படி கூறினார்.

அவ்விதமே அந்தக் கோப்பைப் புரட்டிப் பார்த்தேன். 1973ஆம் ஆண்டில் குட்டிமணியை தமிழகக் காவல்துறை கைதுசெய்து காவலில் வைத்தபோது அவரைத் தங்களிடம் ஒப்படைக்க வேண்டும் என கேட்டு சிங்களக் காவல்துறை உயர் அதிகாரிகள் சென்னைக்கு வந்து வற்புறுத்தியது, இது தொடர்பாக தமிழக முதல்வராக இருந்த மு. கருணாநிதி அவர்கள் மத்திய அரசுக்கு அனுப்பிய கடிதங்கள், அங்கிருந்து வந்த பதில் போன்ற முக்கியமான ஆவணங்கள் அந்தக்கோப்பில் இருந்தன. இறுதியாக குட்டிமணியை சிங்களக் காவல்துறை அதிகாரிகளிடம் ஒப்படைக்கும் படி முதலமைச்சர் கருணாநிதி எழுதியிருந்த குறிப்பையும் நான் பார்த்தபோது அதிர்ச்சியடைந்தேன்.

"அவர் தேவையில்லாமல் பேசுவாரேயானால் இந்தக் கோப்பை நான் அப்படியே சட்டமன்றத்தில் வாசிக்க வேண்டி நேரிடும்'' என எம்.ஜி.ஆர். கூறினார்.

"அதற்கு அவசியம் இருக்காது. நான் கலை ஞரிடம் பேசுகிறேன்'' என்று கூறிவிட்டு விடைபெற்று எழுந்தேன். அவ்வாறே க. அன்பழகன் அவர்கள் மூலம் சர்ச்சைக்குரிய எதையும் பேசவேண்டாம் என்ற செய்தியை மு. கருணாநிதிக்குத் தெரிவித்தேன்.

அன்று காலை 11 மணிக்கு சட்டமன்றத்தில் எனது தீர்மானம் விவாதத்திற்கு எடுத்துக் கொள்ளப்பட்டது. தீர்மானத்தை முன்மொழிந்து நான் பேசியதைத் தொடர்ந்து அனைத்துக்கட்சித் தலைவர்களும் வழிமொழிந்து பேசினார்கள். இறுதியாக எதிர்க்கட்சித் தலைவர் என்ற முறையில் மு.கருணாநிதி அவர்கள் தீர்மானத்திற்கு ஆதரவு தெரிவித்துப் பேசினார். பேச்சின் இறுதிக்கட்டத்தில் "இலங்கையில் மரண தண்டனை விதிக்கப்பட்டுள்ள தமிழ் இளைஞர்களை விடுவிக்கவேண்டும் என்று நாம் கூறும் இந்த வேளையில் தமிழ்நாட்டிலும் போராளிகளைச் சிறையில் அடைத்து வைத்திருக்கிறோம் என்பதை மறந்துவிடக்கூடாது'' என்று கூறி தன் பேச்சை முடித்தார்.

அதாவது பாண்டி பசார் துப்பாக்கிச் சூடு நிகழ்ச்சியையொட்டி பிரபாகரன், உமாமகேசுவரன் உட்பட சில இளைஞர்கள் கைது செய்யப்பட்டு சிறையில் அடைக்கப்பட்டிருப்பதைதான் தனது பேச்சில் அவர் சுட்டிக்காட்டினார்.

பதில் கூற எழுந்த முதலமைச்சர் எம்.ஜி.ஆர். அவர்கள் எனது தீர்மானத்திற்கு முழுமையான ஆதரவு அளித்ததோடு மத்திய அரசுக்கும், தமிழக அரசின் சார்பில் வேண்டுகோள் விடுக்கப்படும் எனத் தெரிவித்தார். பிறகு "எதிர்க்கட்சித் தலைவர் அவர்கள் சாட்டிய குற்றச்சாட்டுக்குப் பதில் கூறாமல் போனால் வரலாற்று நிகழ்ச்சிகளை மறைப்பதாகிவிடும். தமிழ்நாட்டில் சட்டம் ஒழுங்குக்குப் பங்கம் விளைவிக்கும் வகையில் நடந்துகொண்ட சில ஈழ இளைஞர்களைக் கைது செய்து சிறையில் வைத்திருக்கிறோம். அவர்கள் மீதான வழக்கு நீதிமன்ற விசாரணையில் உள்ளது. ஆனால் அந்த இளைஞர்களைத் தங்களிடம் ஒப்படைக்க வேண்டுமென சிங்கள அரசு வற்புறுத்தியபோது நான் அதை ஏற்கவில்லை. ஒருபோதும் ஏற்கமாட்டேன். ஆனால் எதிர்க்கட்சித் தலைவர் முதலமைச்சராக இருந்த போது அவர் என்ன செய்தார் என்பதற்கு இந்த கோப்பு சாட்சியமாக விளங்குகிறது என்று கூறிவிட்டு. அந்தக் கோப்பிலிருந்த அனைத்தையும் படித்துக் காட்டினார். சட்டமன்றமே திடுக்கிட்டுப்போய்விட்டது. எதிர்க்கட்சித் தலைவர் பதில்கூற வழியில்லாமல் திகைத்துப்போய் உட்கார்ந்திருந்தார்.

அவைத் தலைவரான மாண்புமிகு இராசாராம் அவர்கள் உடனடியாக இந்தத் தீர்மானத்தை குரல் வாக்கெடுப்புக்கு விட்டு தீர்மானம் ஏகமனதாக நிறைவேறியதாக அறிவித்து உடனே மன்றத்தை ஒத்திவைத்துவிட்டு எழுந்து சென்றுவிட்டார். அவர் உடனடியாக அவ்வாறு செய்யாமலிருந்தால் தி.மு.க.வினர் கூச்சல் குழப்பம் எழுப்பியிருக்கக் கூடும்.

அன்று குட்டிமணியை சிங்களக் காவல்துறை அதிகாரிகளிடம் கருணாநிதி ஒப்படைத்ததன் விளைவாக 1983 ஆம் ஆண்டில் சிங்களச் சிறையில் காடையர்களால் கொடூரமான முறையில் குட்டிமணி படுகொலை செய்யப்பட்டார். சிறந்த போராளியான குட்டிமணியின் சாவுக்குக் கருணாநிதியே பொறுப்பாளியாவார்.

போராளிகள் ஒன்றுபடுவதைக் கெடுத்தவர்

1984ஆம் ஆண்டில் தமிழக முதலமைச்சர் எம்.ஜி.ஆர். அவர்கள் ஈழவிடுதலைப் போராளிகள் அமைப்புகள் அனைத்தும் ஒன்றுபடவேண்டும் என்ற கருத்தை அடிக்கடி வலியுறுத்தி வந்தார். இக்கருத்தினைச் செயல்படுத்துவதற்காக போராளி அமைப்புகளின் தலைவர்களுக்கு ஒரு பகிரங்க அழைப்பையும் விடுத்தார். குறிப்பிட்ட நாளில் தன்னை வந்து சந்திக்குமாறு அனைத்துப் போராளி இயக்கத் தலைவர்களுக்கும் தனித்தனியே கடிதங்கள் அனுப்பினார். எம்.ஜி.ஆர். அவர்களின் இந்த அழைப்பை தமிழ்நாட்டுப் பத்திரிகைகள் மிக முக்கியத்துவம் கொடுத்து வெளியிட்டன.

எம்.ஜி.ஆரின் இந்த முயற்சியை முறியடிக்கும் வகையில் தி.மு.க. தலைவர் கருணாநிதி செயல்பட்டார். எம்.ஜி.ஆரின் அழைப்பு விடுக்கப்பட்ட மறுநாளே இவரிடமிருந்து மற்றொரு அழைப்பு அனைத்துப் போராளிகளின் இயக்கத் தலைவர்களுக்கு அனுப்பப்பட்டது. போராளிகளின் தலைவர்களைச் சந்திக்க எம்.ஜி.ஆர் குறிப்பிட்ட நாளுக்கு முதல் நாளில் தம்மைச் சந்திக்குமாறு கருணாநிதி அழைப்பு விடுத்திருந்தார். இந்த அழைப்பினையும் தமிழக பத்திரிகைகள் பரபரப்புடன் வெளியிட்டன.

தமிழீழ விடுதலைப் போராளிகளின் இயக்கங்களை ஒற்றுமைப்படுத்தும் முயற்சியில் தமிழ்நாட்டில் உள்ள ஆளுங்கட்சி, எதிர்க்கட்சி ஆகியவற்றின் தலைவர்கள் போட்டா போட்டியில் இறங்கியது, போராளிகளுக்கு சிக்கலையும் சங்கடத்தையும் ஏற்படுத்திற்று. யார் அழைப்பை ஏற்பது? யாரின் அழைப்பை ஏற்க மறுப்பது? என்பது குறித்து முடிவு செய்ய இயலாத நிலைக்கு அவர்கள் ஆளாக்கப்பட்டனர்.

விடுதலைப்புலிகளைப் பொறுத்தவரை தமிழக அரசியலில் எவ்விதத்திலும் தலையிடுவதில்லை என்பது அவர்களின் நிலைப்பாடாக இருந்தது. தமிழக அரசியலில் எப்பக்கமும் சாராமல் நடுநிலை வகித்து அனைத்துத் தரப்பினரின் ஆதரவையும் பெறுவதே புலிகளின் கொள்கையாக இருந்தது. எனவே இந்த நிலைமையில் இரு தலைவர்களின் அழைப்பினை ஏற்பதா இல்லையா என்பது குறித்து பிரபாகரன் இயக்கத்தின் பிற தோழர்களுடன் கலந்தாலோசித்தார். கலைஞரின் அழைப்பை ஏற்று அவரைச் சந்தித்தால் எம்.ஜி.ஆரைப் பகைக்க நேரிடும். எம்.ஜி.ஆரைச் சந்தித்தால் கலைஞரைப் பகைக்க நேரிடும். இந்த இருதலைவர்களினதும் மற்றும் அவர்கள் தலைமை தாங்கும் கட்சிகளது ஆதரவும் அனுதாபமும் தங்களுக்கு இன்றியமையாதது எனவே பக்கச் சார்பு நிலையெடுத்து யாரையும் பகைத்துக்கொள்வது உசிதமற்றது என பிரபாகரன் முடிவு செய்தார்.

ஆனால் கருணாநிதி விடுத்த அழைப்பினை ஏற்று டெலோ, ஈ.பி.ஆர்.எல்.எஃப்., ஈரோஸ் ஆகிய இயக்கத் தலைவர்கள் அவரைச் சந்தித்தனர். ஆனால் புலிகள் இயக்கத்தலைவர் பிரபாகரனும், பிளாட் இயக்கத் தலைவர் உமா மகேசுவரனும் அவரைச் சந்திக்கவில்லை.

ஈ.பி.ஆர்.எல்.எஃப்பின் தலைவர் பத்மநாபா, ஈரோஸ் தலைவர் பாலகுமாரன் ஆகியோரை தி.மு.க. தலைவர் கருணாநிதியைச் சந்திக்க அழைத்துவந்து புகைப்படம் எடுக்க வைத்ததில் சிறீ சபாரத்தினத்தின் பங்கு மிகப்பெரியதாகும். இந்தப் படத்தை கருணாநிதி அனைத்துப் பத்திரிகை களிலும் வெளியிடவைத்தார். இதன் மூலம் ஈழத்தமிழ் போராளிகள் தனது பக்க மும் இருக்கிறார்கள் என் பதை நிலைநிறுத்த முயன்றார்.

போராளி இயக்கத் தலைவர்களை தான் சந்திப் பதற்குக் குறித்த நாளிற்கு முதல் நாளிலேயே கருணா நிதி மூன்று போராளி இயக்கத் தலைவர்களைச் சந்தித்து ஒரு அரசியல் நாடகத்தை மேடையில் ஏற்றி அதனை ஒரு முக்கிய அரசியல் நிகழ்வாக பத்திரிகைகளில் விளம்பரம் செய்தது கண்டு எம்.ஜி.ஆர். கடுங்கோபம் அடைந்தார். நல்ல நோக்கத்துடன் தான் மேற்கொண்ட ஒற்றுமை முயற்சியை தன்னல அரசியல் நோக்கத்திற்காக கருணாநிதி குழப்ப முயல்வதைக் கண்டு அவர் சினமடைந்தது இயற்கையே.

இதற்குப் பின்னர் தமிழக காவல்துறையின் உயர் அதிகாரிகளில் ஒருவரான அலெக்சாண்டர் புலிகளின் அலுவலகத்திற்குச் சென்று பாலசிங்கத்தைச் சந்தித்துப் பேசினார். தனது உன்னதமான முயற்சியை சீர்குலைப்பதற்காக கருணாநிதி விரித்த வலையில் பிற போராளி இயக்கத் தலைவர்கள் சிக்கியது குறித்து முதலமைச்சர் பெரும் வேதனை அடைந்திருப்பதாகவும், புலிகள் இயக்கத் தலைவர்களைச் சந்தித்துப் பேச அவர் ஆர்வமுடன் இருப்பதாகவும் கூறினார்.

அலெக்சாண்டர் கூறிய விவரங்களை பாலசிங்கம் பிரபாகரன் அவர்களுக்குத் தெரிவித்தார். இந்த அழைப்பையும் ஏற்க மறுப்பது நல்லதல்ல என பிரபாகரன் முடிவுசெய்தார். ஆனாலும் பிரபாகரன் சார்பில் பாலசிங்கம், இளங்குமரன், கர்னல் சங்கர்,

மு. நித்தியானந்தன் ஆகியோர் முதல்வர் எம்.ஜி.ஆரைச் சந்தித்துப் பேசுவது என்றும் பின்னர் பிரபாகரன் சந்திப்பது என்றும் முடிவு செய்யப்பட்டது.

அதற்கிணங்க பாலசிங்கம் தலைமையில் புலிகளின் குழுவினர் முதலமைச்சர் எம்.ஜி.ஆரைச் சந்தித்துப் பேசினர். புலிகளின் கோட்பாடு, செயற்பாடு ஆகியவை குறித்து எம்.ஜி.ஆர். எழுப்பிய கேள்விகளுக்கு பாலசிங்கம் திருப்திகரமான பதில் அளித்தார். சுமார் 1 மணி நேரத்திற்குமேல் நடைபெற்ற இந்த கலந்துரையாடலின் இறுதியில் புலிகள் இயக்கத்தின் மீது எம்.ஜி.ஆருக்கு இருந்த மதிப்பு பன்மடங்கு உயர்ந்தது. அதன் விளைவாக புலிகள் இயக்கத்திற்கு 2 கோடி ரூபாய் வழங்க அவர் முன்வந்தார். பிரபாகரனைச் சந்திக்கவும் அவர் விருப்பம் தெரிவித்தார். அந்தக் காலக்கட்டத்தில் எம்.ஜி.ஆர். அளிக்க முன்வந்த இரண்டு கோடி ரூபாய் என்பது மிகப்பெரிய தொகையாகும். பணப்பற்றாக் குறையினால் பெரிதும் அவதிப்பட்டுக்கொண்டிருந்த விடுதலைப்புலிகள் இயக்கத்திற்கு எம்.ஜி.ஆரின் உதவி பேருதவியாகும். தமிழ்நாட்டில் ஆயிரக்கணக்கான புலிகளுக்கு இராணுவப் பயிற்சி அளிக்கவும் அவர்களுக்கு ஆயுதங்கள் வாங்கவும் இந்த உதவி பெரிதும் பயன்பட்டது. புலிகள் இயக்கம் வலிமை வாய்ந்த இயக்கமாக உருவெடுத்ததற்கும் இந்த உதவியே அடிப்படை ஆகும்.

தன்னைச் சந்தித்த 3 போராளி இயக்கத் தலைவர்களோடு புகைப்படம் எடுத்து பத்திரிகைகளில் வெளியிட வைத்து விளம்பரம் தேடிக்கொண்ட கருணாநிதி அவர்களுக்கு உதவவோ, ஒற்றுமைப் படுத்தவோ முன்வரவில்லை. அவர்கள் எம்.ஜி.ஆரையும் சந்திக்க இயலாதபடி செய்ததுதான் கருணாநிதியின் சாதனையாகும்.

உடன்பாட்டிற்கு ஆதரவு

1987ஆம் ஆண்டு சூலை 29ஆம் தேதி இந்திய பிரதமர் இராஜீவ் இலங்கை குடியரசுத் தலைவர் ஜெயவர்த்தனா ஆகியோர் ஒரு உடன்பாட்டில் கையெழுத்திட்டனர். ஈழத்தமிழர் பிரச்சினை குறித்து இந்தியாவும் இலங்கையும் செய்துகொண்ட உடன்பாடு அடிப்படையிலேயே தவறானதாகும். ஈழத்தமிழர் பிரதிநிதிகளும் இலங்கை அரசப் பிரதிநிதிகளும் செய்துகொள்ளவேண்டிய உடன்பாட்டில் இந்தியா நடுவராக விளங்கியிருக்க வேண்டும். ஆனால் இந்தியாவே ஒரு தரப்பாக மாறி இலங்கை அரசுடன் உடன்பாடு செய்தது என்பது ஈழத்தமிழர்களுக்கு இழைக்கப்பட்ட அநீதியாகும்.

ஆனால் இந்த உடன்பாட்டினை தமிழர் விடுதலைக்கூட்டணியின் செயலாளர் - நாயகமான அ. அமிர்தலிங்கம் வரவேற்று அறிக்கை வெளியிட்டதைக்கண்டு நான் அதிர்ச்சியடைந்தேன். உடனடியாக அவரைச் சந்தித்து இந்த உடன்பாட்டில் ஈழத்தமிழர் பிரச்சினையை தீர்ப்பதற்கான வழிமுறைகள் எதுவும் காணப்படாதபோது இந்த உடன்பாட்டை ஆதரித்தது ஏன்? என்று கேட்டேன். அப்போது அவர் சொன்ன பதில் என்னைத் திடுக்கிட வைத்தது.

தி.மு.க. தலைவர் கருணாநிதி கூறியபடி தான் அறிக்கை வெளியிட்டதாக அவர் கூறினார். மேலும் அத்தகையை அறிக்கையை வெளியிட்டதற்கான பின்னணியையும் அவர் விளக்கிக் கூறினார்.

இந்த உடன்பாட்டை ஆதரித்து அறிக்கை வெளியிடும்படி இந்திய உளவுத்துறை அதிகாரிகள் தன்னை வற்புறுத்தியதாகவும் அவ்வாறு தான் அறிக்கை வெளியிட்டால் தி.மு.க. தலைவர் கருணாநிதி தன்னைக் கண்டித்தால் தன் நிலைமை என்ன ஆகும் என தான் மறுத்தபோது அந்த அதிகாரிகள் தி.மு.க. தலைவர் ஒருபோதும் அவரைக் கண்டித்து அறிக்கை கொடுக்கமாட்டார் என உறுதிகூறினர். அவர்கள் கூறியதில் அமிர்தலிங்கத்திற்கு நம்பிக்கையில்லை எனவே தி.மு.க. தலைவர் கருணாநிதி அவர்களை நேரில் சந்தித்துப் பேசினார். அப்போது கருணாநிதி அவரிடம் பின்வருமாறு கூறினார்.

"தலைவர் செல்வா காலத்திலிருந்து நீங்களும் உங்களைப் போன்ற பல தலைவர்களும் ஈழத் தமிழர்களுக்காக எண்ணற்ற தியாகம் செய்திருக்கிறீர்கள். ஆனால் நேற்றுப் பிறந்த பிரபாகரன் உங்களை யெல்லாம் புறந்தள்ளி தன்னை முன்நிறுத்தப் பார்க்கிறான். இதை ஒருபோதும் அனுமதிக்கக்கூடாது. இந்திய இராணுவம் இலங்கை சென்றுவிட்டது. இன்னும் ஒரு வார காலத்தில் பிரபாகரனுக்கு சரியான பாடத்தைப் புகட்டும். நீங்கள் எதைப்பற்றியும் கவலைப்படாதீர்கள். இந்த உடன்பாட்டை வரவேற்று அறிக்கைக் கொடுங்கள்' என்று கருணாநிதி கூறினார். அதன்பிறகே அமிர்தலிங்கம் அத்தகைய அறிக்கையைக் கொடுத்தார்.

இராஜீவ்-ஜெயவர்த்தனா உடன்பாட்டை இதுவரை தி.மு.க. தலைவர் கருணாநிதியோ, அவரது கட்சியின் செயற்குழுவோ, பொதுக்குழுவோ கண்டிக்க வில்லை என்பதை நாம் நினைவுபடுத்திக் கொள்ள வேண்டும். இந்த உடன்பாடு செய்வதற்கு முன்னா லேயே இந்திய உளவுத்துறை உயர் அதிகாரிகள் கருணாநிதியைச் சந்தித்து அவரது சம்மதத்தைப் பெற்றுவிட்டார்கள் என்பதுதான் உண்மை.

இராஜீவின் கையாள்

இந்திய இராணுவம் விடுதலைப் புலிகளின் முக்கியத் தலைவர்களைத் தேடித் தேடி அழிப்பு வேட்டை நடத்திய காலத்தில் அதிலிருந்து தப்பி பாலசிங்கமும் அவருடைய துணைவியாரும் பெங்களூரில் தலைமறைவாக வாழ்ந்து கொண்டிருந்த னர். அப்போது 1988ஆம் ஆண்டு ஏப்ரல் மாதத்தில் தமிழக முதல்வர் கருணாநிதியிடமிருந்து ஒரு அவசரச் செய்தி பாலசிங்கம் அவர்களுக்குக் கிடைத்தது. தமிழ் நாட்டில் அப்போது இரகசியமாக இயங்கிக்கொண்டி ருந்த புலிகள் மூலமாக இந்தச் சந்திப்பிற்கு ஏற்பாடு செய்யப்பட்டது. பாலசிங்கத்தை சென்னையில் தனது அலுவலகத்திலோ அல்லது வீட்டிலோ சந்திக்க கருணாநிதி விரும்பவில்லை. சேலத்தில் சந்திக்கும்படி கூறினார். அதற்கிணங்க சேலத்தில் ஒரு விடுதியில் நள்ளிரவில் யாரும் அறியாதவண்ணம் மிக இரகசிய மாக நடந்த இந்தச் சந்திப்பில் கருணாநிதியுடன் அவருடைய மருமகன் முரசொலி மாறனும் உடனிருந்தார்.

தமிழீழத்தில் நிலவும் போர் சூழ்நிலை குறித்தும் விடுதலைப் புலிகளின் தலைமை எந்த நேரத்திலும் அழிக்கப்படும் ஆபத்து இருப்பது குறித்தும் தனக்கு மிகுந்த கவலையும் வேதனையும் ஏற்பட்டிருப்பதாகக் கருணாநிதி கூறினார். வலிமை வாய்ந்த இந்திய இராணுவத்துடன் மோதி அழிந்து போவதைவிட ஆயுதங்களை ஒப்படைத்துவிட்டுச் சரணடைவது நல்லது என்றும் தமிழீழத் தனிநாடு கோரிக்கையைக் கைவிட்டு மாகாண அரசுத் திட்டத்தை ஏற்றுக் கொள்வதே சிறந்ததாகும் என்றும் அறிவுரை கூறினார்.

அத்துடன் அவர் நிற்கவில்லை. "தி.மு.க.வைத் தடைசெய்ய இந்திய அரசு சட்டம் கொண்டு வந்தபோது இலட்சியமா? கட்சியா? என்ற கேள்வி எழுந்தது அப்போது கட்சியைக் காப்பாற்றுவது என முடிவு செய்து திராவிடத் தனிநாடு கோரிக்கையை நாங்கள் கைவிட்டதால்தான் இன்றைக்கு தமிழகத்தின் ஆட்சிபீடத்தில் அமர்ந்திருக்கிறோம் என்பதையும் எண்ணிப்பார்க்கும்படி'' கூறினார்.

அவரது இந்தச் சந்திப்பின் உள்நோக்கம் என்ன என்பது பாலசிங்கத்திற்கும் அவருடன் சென்றிருந்த புலிகளுக்கும் புரிந்தது. பாலசிங்கத்துடன் வந்திருந்த மூத்த புலித் தோழர் ஒருவர் இலட்சியத்திற்காகத்தான் இயக்கம் கண்டோம். இலட்சியத்தையே கைவிட்டால் இயக்கம் எதற்கு? இத்தனை பேர் உயிர்த்தியாகம் செய்தது எதற்காக? என்று கேட்டார். அவர் இவ்வாறு கூறியதும் கருணாநிதி கடும் கோபமடைந்தார்.

அப்போது பாலசிங்கம் குறுக்கிட்டுப் பின்வருமாறு கூறினார்:

"விடுதலைப் புலிகளின் வீரம் செறிந்த போரியல் மரபில் சரணாகதி என்ற பேச்சுக்கே இடமில்லை. பிரபாகரனும் அவரது தோழர்களும் உன்னத இலட்சியத் திற்காக உயிரைத் துறக்கவும் தயாராக இருப்பார்களே யன்றி எந்தச் சூழ்நிலையிலும் எதற்காகவும் சரணடைந்து இழிவைத் தேடிக்கொள்ளமாட்டார்கள். தமிழீழ சுதந்திரப் போராளிகளாக விளங்கும் விடுதலைப் புலிகள் அஞ்சா நெஞ்சம் படைத்த வீரர்கள். இலட்சிய உறுதி கொண்டவர்கள். எத்தகைய துன்பங்களையும் சுமந்து நின்று போராடும் திராணி படைத்தவர்கள். இந்திய இராணுவத்திற்கெதிராக நீண்ட கால கொரில்லாப் போரை நடத்துவதற்கு அவர்கள் உறுதிபூண்டு நிற்கிறார்கள். போர் நிறுத்தம் செய்து சமாதானப் பேச்சுக்களை நடத்தி இந்திய அரசுடன் சமரச இணக்கப்பாட்டிற்கு வருவதற்கு எமது விடுதலை இயக்கம் தயாராக இருக்கிறது. ஆனால் இந்தியப் பிரதமர் இராஜீவ் காந்தி டெல்லியில் பிரபாகரனுக்கு அளித்த வாக்குறுதிக்கு ஏற்ப வட-கிழக்கில் ஒரு இடைக்கால அரசு நிறுவப்பட்டால் நாங்களும் எமது ஆயுதங்களை ஒப்படைத்து இந்தியாவுடன் ஒத்துழைக்க தயாராக இருப்போம்'' என்று அவருக்கு கூறினார்.

ஆனால் முதல்வர் கருணாநிதி இதை ஏற்கவில்லை. இருந்தாலும் எமது நிலைப்பாட்டை பிரதமர் இராஜிவ் காந்திக்குத் தெரிவிப்பதாகக் கூறிச் சந்திப்பை முடித்துக்கொண்டார்.

இராஜீவ் காந்தியின் சார்பில் புலிகளிடம்பேசி அவர்களைச் சரணடைய வைப்பதுதான் முதல்வர் கருணாநிதியின் உள்நோக்கமாக இருந்தது. புலிகள் தரப்பில் உள்ள நியாயத்தையோ அல்லது இந்திய இராணுவம் தமிழ் மக்களைக் கொன்று குவிப்பது குறித்தோ பிரதமர் ராஜீவிடம் தனது கண்டனத்தைத் தெரிவிக்கவோ அவர் ஒருபோதும் தயாராக இல்லை என்பதை இந்தச் சந்திப்பு அம்பலப்படுத்திவிட்டது.

வாய்ப்பைக் கெடுத்தார்

1989ஆம் ஆண்டு டிசம்பரில் இந்தியாவில் நடைபெற்ற நாடாளுமன்றத் தேர்தலில் காங்கிரஸ் கட்சி தோற்கடிக்கப்பட்டது. பிரதமராக இருந்த ராஜீவ் காந்தி பதவி விலகி வி.பி.சிங் பிரதமர் பொறுப்பை ஏற்றார்.

இலங்கையில் இந்தியா இராணுவ ரீதியாக தலையிட்டதே தவறு என கண்டித்த வி.பி.சிங் பிரதமர் பதவியை ஏற்ற பிறகு இந்திய அமைதிப் படையை உடனடியாகத் திரும்பப் பெற ஆணை பிறப்பித்தார். 1990 மார்ச் மாதத்திற்கு முன்னர் இந்தியப் படைகள் திரும்பப் பெறப்படும் என்ற அவரது அறிவிப்புக் கண்டு வடக்கு-கிழக்கு மாகாண இடைக்கால அரசின் முதல்வராக இருந்த வரதராசபெருமாள் பதட்டம் அடைந்தார். இந்தியப் படையின் பாதுகாவலில் தன்னுடைய அரசு இருந்ததால் அவருக்குக் கவலை ஏற்பட்டது இயற்கையே. எனவே அவர் உடனடியாக சென்னைக்குப் பறந்தோடி முதலமைச்சர் மு. கருணாநிதி அவர்களைச் சந்தித்து தனது மாகாண அரசைக் காப்பாற்ற உதவுமாறு வேண்டிக்கொண்டார். நடுவராக இருந்து விடுதலைப்புலிகளுக்கும் தனது அரசுக்கும் இடையே இணக்கம் ஏற்படுத்தித் தரவேண்டும் என அவர் கெஞ்சினார்.

இலங்கை இனப்பிரச்சினை தொடர்பாக சகல தரப்பினரையும் அழைத்துப் பேசி சுமூகமான முடிவு காண உதவுமாறு முதலமைச்சர் மு. கருணாநிதியை பிரதமர் வி.பி. சிங் வேண்டிக்கொண்டதோடு அத்தகைய முடிவை இந்திய அரசும் ஏற்கும் என்றும் அறிவித்தார். ஈழப்பிரச்சினையில் தீர்வு காண இந்திய அரசு எத்தகைய நடவடிக்கையை மேற்கொள்ள வேண்டும் என்பதை முடிவு செய்யும் பொறுப்பு முதல்வர் கருணாநிதியிடம் விடப்பட்டது.

இந்தச் சூழ்நிலையில் கருணாநிதி அவர்கள் கொழும்புவில் இருந்த பாலசிங்கத்துடன் தொலைப்பேசி மூலம் தொடர்புகொண்டு சென்னைக்கு வருமாறு அழைப்பு விடுத்தார். இலங்கை அதிபர் பிரமேதாசா வுடன் பேச்சுவார்த்தை நடத்திக்கொண்டிருந்த பாலசிங்கம் முதலமைச்சரின் அழைப்பைத் தட்டமுடியா மல் பிரபாகரனின் அனுமதியுடன் சென்னைக்கு வந்தார். அவருடன் யோகியும் வந்தார்.

சென்னையில் மிகுந்த பாதுகாப்புடன் அவர்கள் துறைமுக விருந்தினர் இல்லத்தில் தங்கவைக்கப் பட்டனர். முதலமைச்சரும் அவருடைய மருமகன் முரசொலி மாறனும் மட்டுமே சந்தித்துப் பேசினார்கள். தமிழகத் தலைவர்களும் பத்திரிகையாளர்களும் அவர்களைச் சந்திக்க அனுமதிக்கப்படவில்லை.

அந்த வேளையில் நான் டெல்லியில் இருந்தேன். தமிழீழத்தில் இந்திய இராணுவம் நடத்திய அட்டூழியங்கள் குறித்த விவரங்களை அங்கு சென்று சேகரித்து வந்திருந்தேன். பிரதமர் வி.பி.சிங் அவர்களிட மும் மற்ற அமைச்சர்களிடமும் அவற்றைத் தெரிவித் தேன். எனது நண்பரும் மத்திய அமைச்சருமான உன்னிக்கிருஷ்ணன் அவர்களை நான் சந்தித்த போது பாலசிங்கம் சென்னைக்கு வந்திருப்பது குறித்து என்னிடம் கேட்டார்.

முதலமைச்சர் கருணாநிதியின் அழைப்பின் பேரில் அவர் வந்திருப்பதாகவும், பிற கட்சித் தலைவர்கள், பத்திரிகையாளர்கள் போன்ற யாரையும் சந்திக்க அவரை அனுமதிக்கவில்லை என்பதையும் அவரிடம் தெரிவித்தேன். துறைமுகத் துறையும் அவரது கட்டுப்பாட்டில் இருந்தது. எனவே அவர் உடனடியாக சென்னை துறைமுகத் தலைவரை தொலைப்பேசி மூலம் தொடர்பு கொண்டார். ஆனால் அவரோ இவரிடம் உண்மை நிலையை தெரிவித்தார். துறைமுக விருந்தினர் விடுதியை தமிழக காவல்துறை தனது கட்டுப்பாட்டில் எடுத்துக் கொண்டு விட்டதாகவும் யாரையும் அனுமதிக்க மறுப்பதாகவும் தொலைப்பேசித் தொடர்பை துண்டித்து விட்டதாகவும் அவர் தெரிவித் தார். இதைக் கண்டு அமைச்சர் உன்னிக்கிருஷ்ணன் கடும் கோபம் அடைந்தார். ஆனாலும் அவரால் பாலசிங்கத்தை தொடர்பு கொள்ள முடியவில்லை.

வடக்கு-கிழக்கு மாகாண சபையில் சரிபாதி இடங்களையும் நிர்வாகத்தில் சரிபாதி பங்கும் அளிக்க ஈ.பி.ஆர்.எல்.எஃப். இயக்கம் தயாராக இருக்கிற தென்றும் அதை ஏற்று இருதரப்பினரும் ஒற்றுமையாக செயல்படவேண்டும் என்றும் மு. கருணாநிதி வேண்டிக்கொண்டார்.

இந்திய அமைதிப்படையுடன் கூட்டு சேர்ந்து ஈ.பி.ஆர்.எல்.எஃப். இயக்க உறுப்பினர்கள் தமிழ் மக்களுக்கு எதிராகப் புரிந்த கொடிய குற்றங்கள் குறித்து பாலசிங்கம் விரிவாக எடுத்துக்கூறினார். வரதராஜப்பெருமாளின் நிர்வாகம் புரிந்த தவறான செயல்களின் விளைவாக ஈழத்தமிழர்கள் அதை வெறுத்து ஒதுக்குவதாகவும் பாலசிங்கம் எடுத்துரைத் தார். முறை தவறிய தேர்தல்கள் மூலம் அதிகாரத்திற்கு வந்த ஈ.பி.ஆர்.எல்.எஃப். இயக்கம் இந்திய அமைதிப் படையின் கைப்பாவையாக இயங்கியதையும் இந்திய இராணுவத்துடன் இணைந்து அட்டுழியங்கள் புரிந்ததின் விளைவாக புலிகளே அதிகாரத்திற்கு வரவேண்டும் என்று தமிழ் மக்கள் விரும்புவதையும் புதிய தேர்தல் நடத்தி அத்தேர்தலின் மூலம் அதிகாரத்திற்கு வர புலிகள் விரும்புவதாகவும் பாலசிங்கம் எடுத்துக்கூறினார். தமிழர் தாயகத்திற்கு புதிய தேர்தல்கள் நடைபெற்றால். விடுதலைப்புலிகள் பெருவெற்றி பெறுவது திண்ணம் என்பதையும் அவர் எடுத்துக்கூறினார்.

முதலமைச்சர் கருணாநிதியின் சூழ்ச்சித் திட்டத்திற்கு இணங்க பாலசிங்கம் மறுத்துவிட்டார். உண்மையில் பிரதமர் வி.பி.சிங் அளித்த அதிகாரத்தைப் பயன்படுத்தி ஈழத்தமிழர் பிரச்சினைக்கு நிரந்தரமான தீர்வைக்காண அவர் முயற்சி செய்யவில்லை. புலிகள் மீது அவருக்கிருந்த வெறுப்பின் காரணமாக துரோகக் கும்பலுடன் இணைந்து அதிகாரத்தை புலிகள் ஏற்க வேண்டுமென அவர் வற்புறுத்தினார். இதை விடுதலைப்புலிகள் ஏற்க மறுத்ததின் விளைவாக அந்தப் பேச்சுவார்த்தை வெற்றிபெறவில்லை.

அண்டப் புளுகு

இலங்கையில் இருந்து இந்தியப்படை வெளியேறியபோது பிரபாகரனின் புகழும் உயர்ந்தது. ஒரு வல்லரசின் படையை இரண்டாண்டு காலத்திற்கு மேலாக எதிர்த்துப் போராடி இறுதியில் அந்தப் படையை வெற்றிகரமாக தனது மண்ணிலிருந்து வெளியேறச் செய்த பிரபாகரனின் அளப்பறிய சாதனையைக் கண்டு உலகமே வியந்தது.

காலமெல்லாம் பிரபாகரனின் மீதும் விடுதலைப்புலிகள் மீதும் காழ்ப்புணர்ச்சியை கொட்டி வந்த முதலமைச்சர் கருணாநிதி 1990ஆம் ஆண்டின் இறுதியில் பிரபாகரனின் சாதனையைப் பாராட்டிப் பேசினார். அப்போது "யார் இந்த பிரபாகரன்? 1971 தேர்தலில் நான் சைதைப் பகுதியில் வேட்பாளராகப் போட்டியிட்டபோது எனக்காக இரவு பகலாக வேலை செய்த தம்பிதானே? என்று உரிமை கொண்டாடினார். அவரது இந்தப் பேச்சு முரசொலியிலும் வெளிவந்தது.

1991ஆம் ஆண்டில் தம்பியின் அழைப்பை ஏற்று நான் தமிழீழம் சென்றபோது இந்த முரசொலி இதழையும் என்னுடன் எடுத்துச்சென்றேன். 21-2-91 அன்று தம்பியுடன் சாவகாசமாக இருந்த வேளையில் முரசொலியை அவரிடம் கொடுத்து அவர் கருத்தறிய விரும்பினேன். கருணாநிதியின் பேச்சை படித்துப் பார்த்துவிட்டுச் சிரித்தார். பிறகு பின்வருமாறு கூறினார்:

"உங்களுக்கோ வைகோ அண்ணாவுக்கோகூட நான் தேர்தலில் வேலை செய்யவில்லை. தமிழகத் தேர்தல்களிலிருந்தும் அரசியலிலிருந்துமே எப்போதும் நாங்கள் விலகியிருக்கிறோம். ஒருபோதும் அதில் தலையிட்டது இல்லை' என்று கூறி மீண்டும் சிரித்தார்.

கருணாநிதியின் குணவியல்புக்கு இது ஒரு எடுத்துக்காட்டாகும். காலமெல்லாம் தன்னால் பழிக்கப்பட்ட ஒருவர் உயர்ந்த நிலைக்கு வந்துவிட்டால் உடனடியாகப் பல்டி அடித்து சொந்தமும் உரிமையும் கொண்டாடுவது அவருக்கே ஆகிவந்த கலையாகும்.

காயமடைந்தோரைக் கைது செய்தவர்

தமிழ்நாட்டில் தமிழீழ விடுதலை ஆதரவாளர் ஒருங்கிணைப்புக்குழுவின் சார்பிலும் அதன் அங்கம் வகித்த அமைப்புகளின் சார்பிலும் ஈழத்தமிழர்களுக்கு உதவ மருந்துகள் திரட்டப்பட்டன. தமிழகத்தின் பல்வேறு பகுதிகளில் பணியாற்றிய மருத்துவர்களும், மருத்துவக் கடைகளின் உரிமையாளர்களும் ஏராளமான மருந்துகளை வாரி வாரி வழங்கினார்கள். இவ்வாறு சேகரிக்கப்பட்ட மருந்துகள் தமிழகத்திலிருந்து பத்திர மாக படகுகளின் மூலம் தமிழீழம் அனுப்பிவைக் கப்பட்டன.

அதே வேளையில் தமிழக முதலமைச்சராக இருந்த கருணாநிதியை விடுதலைப்புலிகளின் தூதர்கள் சந்தித்து தமிழகத்தில் காயமடைந்த போராளிகள் சிகிச்சை பெறவும், தேவையான மருந்துகளை வாங்கிச் செல்லவும் அனுமதிக்குமாறு வேண்டுகோள் விடுத்தனர். அவரும் அதற்குச் சம்மதம் தெரிவித்தார். ஆனால் அதை நம்பி தமிழகம் வந்து பல்வேறு தனியார் மருத்துவமனைகளில் சிகிச்சை பெற்றுவந்த போராளிகளை தேசியப் பாதுகாப்புச் சட்டத்தின் கீழ் கைதுசெய்து சிறையில் அடைத்தவரும் கருணாநிதியே ஆவார். அதைப்போல தமிழகத்தில் மருந்துகள் வாங்குவதற்காக புலிகள் கொண்டுவந்த பலஇலட்ச ரூபாய் பணத்தையும் பறிமுதல் செய்தவர் கருணா நிதியே. இதுகுறித்து 23-7-97 அன்று எனக்குப் பிரபா கரன் எழுதிய கடிதத்தில் தன்னுடைய வேதனையை வெளிப்படுத்தினார்.

"மருந்துப் பொருட்கள் எடுப்பதற்காக அங்குவந்த எமது போராளிகள் பிடிபட்டு இதுவரை 50 இலட்சம் வரையான பணம் தமிழ்நாட்டு போலீசால் கைப்பற்றப் பட்டுள்ளது. எமக்கு இங்கிருக்கும் எவ்வளவோ பண கஷ்டத்தின் மத்தியிலும் மருந்துப் பொருட்கள் வாங்க அனுப்பிய பணம் தமிழ் தமிழ் என முழங்கும் கலைஞரின் ஆட்சியிலே பறிக்கப்படுவதுதான் வேதனையைத் தரு கிறது. ஆனாலும் உங்கள் உதவி எமக்கு ஒரு நம்பிக் கையையும் ஆறுதலையும் தருகிறது. எங்களுக்கு இங்கு இப்போது தேவையானது மருந்துப் பொருட்கள்தான். தொடர்ந்தும் இதுபோல எமக்கு மருந்துப் பொருட்கள் கிடைக்க உதவி செய்யுங்கள் அது இங்கு எமது போராட்டத்திற்கு உதவியாக இருக்கும்.'

அதைப் போல 19-3-98 அன்று எனக்கு பிரபாகரன் எழுதிய மற்றொரு கடிதத்தில் பின்வருமாறு குறிப்பிட்டிருந்தார்:

"எமது போராளிகள் பலர் அதுவும் படுகாய மடைந்து, ஊனமடைந்தவர்கள் இன்னும் தமிழகச் சிறைகளுக்குள் அநியாயமாக அடைப்பட்டுக்கிடப்பது எமக்கு ஆழ்ந்த வேதனையைக் கொடுக்கிறது. 90இல் கலைஞரின் காருணியத்தை நம்பி அவரது வேண்டு கோளின் பேரில் அனுப்பப்பட்ட எமது போராளிகள் தொடர்ந்தும் சிறைகளில் பூட்டிவைக்கப்பட்டிருப்பது மனிதாபிமானமற்ற அநீதியான செயல். ஜார்ஜ் பெர்ணான்டஸ் அவர்களின் இல்லத்தில் சமீபத்தில் நிகழ்ந்த ஈழத்தமிழர் ஆதரவு மாநாட்டில் இப்போராளிகள் விடுதலைசெய்யப்பட்டு அவர்களது சொந்த தாயகத்திற்கு அனுப்பிவைக்கப்படவேண்டும் என ஒருதீர்மானத்தை நிறைவேற்றியிருந்தீர்கள். இத்தீர்மானத்தின்படி இவர்களை விடுவிப்பதற்கு பெர்ணான்டசுடன் கலந்தாலோசித்து ஆவன செய்வீர்கள் என எதிர்பார்க்கிறோம்.'

டில்லியில் பெர்ணான்டஸ் கூட்டிய மாநாட்டில் நிறைவேற்றப்பட்ட தீர்மானம் அகில இந்தியாவின் கவனத்தைக் கவர்ந்தது. அதற்குப்பின்னர் இதுகுறித்து தேசிய மனித உரிமை ஆணையத்திடம் நான் புகார் செய்தேன். போரில் ஊனமடைந்த ஈழத்தமிழர்களை தேசியப் பாதுகாப்புச் சட்டத்தின்கீழ் கைதுசெய்து கருணாநிதி அரசு கொடுமைப்படுத்துவதை புகைப்படங் களுடனும் ஆதாரங்களுடனும் அனுப்பிவைத்தேன். எடுத்துக்காட்டாக இட்லர் என்ற இளைஞர் ஒரு குண்டு வெடிப்பில் இரு கண்களையும் பறிகொடுத்தார். இரு கைகளையும் பறிகொடுத்தார். அவர் உணவு உண்ணவேண்டும் என்றாலும் அடுத்தவரின் தயவு இல்லாமல் செய்ய முடியாது. ஆனால் இந்திய நாட்டின் பாதுகாப்புக்கு அவர் ஆபத்தானவர் என்று குற்றம்சாட்டி அவருக்கு எதிராக தேசிய பாதுகாப்புச் சட்டத்தை இந்திய அரசு ஏவியிருப்பதை நான் சுட்டிக்காட்டினேன். இதன் விளைவாக தேசிய மனித உரிமை கமிசன் இந்தப் பிரச்சினையில் தலையிட்டு எனது குற்றச்சாட்டுகள் அனைத்தும் உண்மை என்பதை உணர்ந்து அனைவரையும் விடுவிக்க வேண்டும் என ஆணை பிறப்பித்தது. அதற்குப் பின்னரே அவர்கள் விடுதலை செய்யப்பட்டனர். ஆனால் தமிழினத்தலைவர் என தனக்குத்தானே தம்பட்டம் அடித்துக்கொள்ளும் கருணாநிதி ஊனமடைந்த தமிழர்களிடம் இறுதிவரை இரக்கம் காட்டவே இல்லை.

புலிகள் மீது பழி

1990ஆம் ஆண்டு மே 8ஆம் தேதி தேசவிரோத நடவடிக்கைகளில் கருணாநிதி ஈடுபடுவதாக சட்டமன்றத்தில் காங்கிரஸ் கட்சியினர் குற்றம் சாட்டியபொழுது முதலமைச்சராக இருந்த கருணாநிதி பின்வரும் பதிலை அளித்தார்:

"மத்திய-மாநில அரசுகளுக்கிடையே பிளவு ஏற்படுத்த "ரா' உளவுத்துறை தொடர்ந்து செயல்படுகிறது. இலங்கையில் உள்ள பல்வேறு போராளிக்குழுக்களிடையே பிளவும் மோதலும் ஏற்பட்டதற்கு "ரா' உளவுத்துறையே காரணம் என்றும் அவர் பகிரங்கமாகக் குற்றம்சாட்டினார்.

இவ்வாறு சட்டமன்றத்திலேயே பகிரங்கமாக அறிவித்தவர். சகோதரச் சண்டைக்குக் காரணம் "ரா' உளவுத்துறையே எனக் குற்றம் சாட்டியவர் பிற்காலத்தில் தனது நிலைப்பாட்டை மாற்றிக்கொண்டு விடுதலைப்புலிகள் மீது பொய்யான பழியைச் சுமத்த முயன்றார். இன்னமும் முயலுகிறார்.

நாடகம்

தமிழீழத்தில் முள்ளி வாய்க்கால் பகுதியில் தமிழர்களை சிங்கள இராணுவம் சுற்றி வளைத்து குண்டு மழை பொழிந்தபோது இலங்கைத் தமிழர் பாதுகாப்பு இயக்கத்தின் சார்பில் உடனடியாகப் போர் நிறுத்தம் வேண்டும் என்ற கோரிக்கையை முன் வைத்துப் பல்வேறு போராட்டங்கள் நடத்தப்பட்டன. தமிழக மக்கள் எழுச்சியுடன் இந்தப் போராட்டங்களில் பங்கெடுத்தார்கள். இந்திய அரசுக்கு எதிரான உணர்வு பெருகிக் கொந்தளிப்பான நிலையை எட்டியது.

இந்த இக்கட்டான நிலையிலிருந்து இந்திய அரசையும் தன்னையும் பாதுகாக்க வேண்டும் என்பதற்காக தமிழக முதலமைச்சர் மு. கருணாநிதி அவர்கள் 14-10-08 அன்று சர்வ கட்சிக் கூட்டம் ஒன்றினைக் கூட்டினார். இக்கூட்டத்தில் இலங்கையில் உடனடியாகப் போர் நிறுத்தம் ஏற்பட இந்திய அரசு ஆவன செய்யாவிட்டால் மத்திய அரசில் அங்கம் வகிக்கும் தமிழக அமைச்சர்கள் அனைவரும் பதவி விலக வேண்டும் என பல்வேறு கட்சித் தலைவர்களும் வற்புறுத்தினார்கள். ஓரிருவரைத் தவிர வேறு யாரும் இதற்கு எதிராக இல்லை.

நிலைமை சரியில்லாததைக் கண்ட கருணாநிதி உடனடியாகப் பல்டி அடித்தார். அமைச்சர்கள் என்ன, தமிழகத்தைச் சேர்ந்த 40 நாடாளுமன்ற உறுப்பினர் களுமே பதவி விலக வேண்டும் என்ற தீர்மானத்தை முன்மொழிந்தார். அனைத்துக்கட்சிகளும் அதை வரவேற்றன. ஏகமனதாக தீர்மானம் நிறைவேற்றப்பட் டது. இச்செய்தி உலகமெல்லாம் இருந்த தமிழர்களின் உள்ளங்களில் உற்சாகத்தையும் நம்பிக்கையையும் ஊட்டியது.

ஆனால் 12 நாட்கள் கழிவதற்குள் கருணாநிதி தலை கீழான நிலையெடுத்தார். 26-10-08 அன்று இந்திய வெளியுறவுத்துறை அமைச்சர் பிரணாப் முகர்ஜி சென்னைக்குப் பறந்து வந்து கருணாநிதியைச் சந்தித்தார். இருவரும் என்ன பேசினார்கள் என்பது வெளியிடப்படவில்லை. போர் நிறுத்தம் கொண்டு வருவதற்கான முயற்சியில் இந்திய அரசு தீவிரமாக ஈடுபட்டிருக்கிறது. எனவே நாடாளுமன்ற உறுப்பினர் கள் பதவி விலக வேண்டிய அவசியம் இல்லை என செய்தியாளர்கள் கூட்டத்தில் முதல்வர் கருணாநிதி அறிவித்தார்.

நாடாளுமன்ற உறுப்பினர்கள் பதவி விலக வேண்டும் என்ற தீர்மானம் அனைத்துக்கட்சிக் கூட்டத் தில் நிறைவேற்றப்பட்டதாகும். மத்திய வெளியுறவுத் துறை அமைச்சர் பிரணாப் முகர்ஜி ஏதாவது வாக்குறுதி கொடுத்திருந்தால் அதன் மீது முடிவு எடுக்க வேண்டிய அதிகாரம் அனைத்துக்கட்சித் தலைவர் களுக்குத்தான் உண்டு. தன்னிச்சையாக முடிவெடுக்கும் அதிகாரம் முதலமைச்சர் கருணாநிதிக்கு கிடையாது. அவர் அனைத்துக்கட்சிக் கூட்டத்தை மீண்டும் கூட்டி அதில் பிரணாப் முகர்ஜியுடன் பேசிய விவரங்களைத் தெரிவித்து அனைத்துக்கட்சிகளின் சம்மதத்தைப் பெற்றிருக்க வேண்டும். ஆனால் அவ்வாறு செய்யா மல் தனது கூட்டணிக் கட்சியான காங்கிரசைக் காப்பாற்றுவதற்காக கருணாநிதி அனைத்துக்கட்சிகள் கூடி நிறைவேற்றிய தீர்மானத்தைக் குப்பைக்கூடையில் வீசியெறிந்தார்.

இலங்கையில் போர் நிறுத்தம் செய்வதற்கு இந்திய அரசு சிங்கள அரசை வற்புறுத்தியிருந்தது என்பது உண்மையானால் அங்கு பல்லாயிரக் கணக்கான மக்கள் தொடர்ந்து கொல்லப்பட்டிருக்க மாட்டார்கள். இலங்கை அதிபர் இராசபக்சேயின் தம்பியும் பாதுகாப்புத் துறைச் செயலாளருமான கோத்தபாய இராசபக்சே பகிரங்கமாக பின்வருமாறு கூறினார். இந்திய அரசு ஒருபோதும் போர் நிறுத்தத்தை வலியுறுத்தவேயில்லை என்றார். அப்படியானால் கருணாநிதி தமிழக மக்களை ஏமாற்றுவதற்காக நாடாகமாடினார் என்பதுதானே உண்மை.

சிங்கள அரசு போரை நிறுத்த முன்வந்தால் விடுதலைப்புலிகளும் போரை நிறுத்த வேண்டுமென இந்தியக் கம்யூனிஸ்டுக் கட்சியின் தமிழ் மாநிலச் செயலாளர் தா. பாண்டியன் 7-11-08 அன்று வேண்டுகோள் விடுத்தார். அன்றிரவே விடுதலைப்புலிகளின் அரசியல் பிரிவுப் பொறுப்பாளர் நடேசன் இவ்வேண்டுகோளை ஏற்பதாகப் பகிரங்கமாகத் தெரிவித்தார்.

அதன் பின் தமிழக சட்டமன்றம் கூடி உடன டியாகப் போரை நிறுத்தவேண்டும் என்ற தீர்மானத்தை ஏகமனதாக நிறைவேற்றியது. சட்டமன்றத்தில் அங்கம் வகிக்கும் அத்தனை கட்சிகளும் இத்தீர்மானத்திற்கு ஆதரவு தந்தன. அதன்பின் 25-11-08 அன்று போர் நிறுத்தத்தை வலியுறுத்தி மத்திய அரசு அலுவலகங் களுக்கு முன்பாக அனைத்துக்கட்சிகளின் மறியல் போராட்டங்கள் நடைபெற்றன.

இலங்கையில் போர்நிறுத்தம் செய்யவேண்டு மென்ற கோரிக்கையை முன் வைத்து 29-01-09 அன்று முத்துக்குமார் தீக்குளித்து உயிர்த்தியாகம் செய்தார். அதைத் தொடர்ந்து 23-03-09 வரை தமிழகத்தில் 14 பேர் தங்கள் உயிர்களைத் தியாகம் செய்தனர்.

இலங்கையில் நிலைமை மேலும் மேலும் மோசமாயிற்றே தவிர சீர்திருந்தவில்லை. தமிழக மக்களின் போராட்டங்களும் நாளுக்கு நாள் வலுத்தன. எனவே கருணாநிதி மற்றொரு நாடகத்தை நடத்தினார். 4-12-08 அன்று அவர் தலைமையில் அவருடைய தோழமை கட்சிகளை மட்டுமே கொண்ட குழு ஒன்று தில்லி சென்று பிரதமர் மன்மோகன் சிங்கை சந்தித்தது. 14-10-08 அன்று அவர் கூட்டிய சர்வகட்சிக் கூட்டத் தில் கலந்துகொண்ட தலைவர்களில் பெரும்பாலோ ருக்கு தெரிவிக்காமலும் அழைக்காமலும் தனக்கு வேண்டிய சில கட்சித் தலைவர்களை மட்டும் அழைத் துக்கொண்டு பிரதமரைச் சந்திக்க கருணாநிதி சென்றார்.

இந்திய கம்யூனிஸ்டுக் கட்சியின் தமிழ் மாநில செயலாளரான தா. பாண்டியன் அப்போது மாஸ்கோ சென்றிருந்தார். செய்தியறிந்து அங்கிருந்து விரைந்து திரும்பி பிரதமரைச் சந்திக்கச் சென்ற குழுவினருடன் அவரும் சென்றார். அவர் வருகையைச் சற்றும் எதிர் பார்க்காத கருணாநிதி தனது அமைச்சர்களில் ஒருவரை அவரிடம் அனுப்பி பிரதமரிடம் எதுவும் கோபமாகப் பேசிவிடவேண்டாம் என்று வேண்டிக்கொண்டார். ஆனால் தா.பாண்டியன் பிரதமரிடம் தமிழக மக்களின் கோபத்தையும் ஆதங்கத்தையும் கண்டனத்தையும் தெரிவிக்கத் தயங்கவில்லை. கருணாநிதியின் சார்பில் பிரதமரிடம் அளிக்கப்பட்ட மனு ஏற்கனவே விடுக்கப் பட்ட வேண்டுகோளைப் பின்பற்றியே எழுதப்பட்டி ருந்தது. தமிழக மக்களின் கோபத்தைத் திசை திருப்புவதற்காக பிரதமர் சந்திப்பு நாடகத்தை நடத்தினாரே தவிர இலங்கையில் போர் நிறுத்தப்பட வேண்டும் என்பதற்கு எதுவும் செய்யவில்லை.

இறுதியாக ஒரு உச்சக்கட்டமான நாடகத்தை அரங்கேற்றினார். 27-4-09 அன்று திடீரென காலை 6 மணிக்கு அண்ணா நினைவிடத்திற்குச் சென்று சாகும்வரை பட்டினிப்போராட்டம் நடத்தப்போவதாக முதலமைச்சர் மு. கருணாநிதி அறிவித்தார். இலங்கையில் உடனடியாகப் போர் நிறுத்தம் வேண்டும் என்பதற்காகவே இந்தப் போராட்டம் எனக் கூறினார். இலங்கையில் போர் நிறுத்தம் செய்வதற்கு இந்திய அரசு வலியுறுத்தி வருகிறது எனக்கூறி நாடாளுமன்ற உறுப்பினர்களின் பதவி விலகலைத் தடுத்து நிறுத்தியவர். இப்போது திடீரென இந்திய அரசுக்கெதிராக சாகும்வரை பட்டினிப் போராட்டம் நடத்த முன்வந்தார். அண்ணா நினைவிடத்திற்கு முன்னால் அவருடைய கட்சிக்காரர்கள் திரட்டப்பட்டு தங்கள் தலைவரின் உன்னதமான தியாகப் போராட் டத்திற்கு ஆதரவாக முழக்கங்கள் எழுப்பினார்கள். ஆனால் பகல் 11 மணியளவிலேயே மத்திய நிதியமைச்சர் ப. சிதம்பரம் இலங்கையில் போர் நிறுத்தம் ஏற்பட்டுவிட்டதாகத் தமக்கு செய்தியனுப்பி உள்ள தாகக் கூறி உண்ணா நோன்பை முடித்துக்கொண்டார். ஆக காலை உணவிற்குப் பிறகு பட்டினிப் போராட் டத்தைத் தொடங்கி பிற்பகல் உணவு வேளைக்கு முன்பாக அதை முடித்துக்கொண்ட சாதனையாளர் இவர் மட்டுமே.

ஆனால் அன்று மாலையிலேயே முள்ளி வாய்க்கால் பகுதியில் சிங்கள இராணுவ விமானங்கள் குண்டு மழை பொழிந்து ஆயிரக்கணக்கான மக்களைக் கொன்று குவித்தன.

இராசபக்சேக்கு உதவி

இலங்கையில் நடைபெறும் மனித உரிமைகள் சீர்குலைவு பற்றி ஆராய வேண்டும் என ஐ.நா. மனித உரிமை ஆணையத்திற்கு சுவிட்சர்லாந்து நாடு ஒரு விண்ணப்பத்தை அனுப்பியது. ஆனால் அந்த விண்ணப்பத்தை மறுத்து இலங்கைத் தூதர் ஒரு தீர்மானத்தை அனுப்பினார். இலங்கையின் உள்நாட்டு நடவடிக்கைகளில் மற்ற நாடுகள் தலையிடக்கூடாது என்பதுதான் அந்தத் தீர்மானமாகும். 27-5-09 அன்று ஐ.நா. மனித உரிமை அமைப்புக் கூட்டத்தில் இலங்கை யின் தீர்மானத்திற்கு இந்தியாவும் சீனாவும் இணைந்து நின்று ஆதரவு திரட்டின. இதன் விளைவாக அத் தீர்மானத்திற்கு 29 நாடுகளின் ஆதரவு கிடைத்தது. 12 நாடுகள் மட்டுமே எதிர்ப்புத் தெரிவித்தன. 6 நாடுகள் வாக்கெடுப்பில் கலந்துகொள்ளவில்லை. இலங்கையில் ஒரு இலட்சத்திற்கு மேற்பட்ட மக்கள் படுகொலை செய்யப்பட்ட விவரமும். 3 இலட்சத்திற்கு மேற்பட்டவர் கள் எந்த அடிப்படை வசதியும் இல்லாத முகாம்களில் அடைக்கப்பட்டு போதுமான உணவோ, குடிநீரோ, சுகாதார வசதிகளோ இல்லாமல் சித்திரவதை செய்யப்படுவதும் அண்டை நாடான இந்தியாவுக்குத் தெரியாமல் இல்லை. அப்படியிருந்தும் இந்தியா இலங்கைக்கு ஆதரவாகச் செயல்பட்டது.

இந்திய அரசின் இந்தப் போக்கை கண்டித்துத் திருத்த வேண்டிய தமிழக முதலமைச்சர் மு. கருணாநிதி அவர்கள் சிங்கள அரசுக்கு ஆதரவான நடவடிக்கையே மேற்கொண்டார்.

முள்வேலி முகாம்களில் முடக்கப்பட்டிருக்கும் மக்கள் குறித்து தமிழகத்தில் பெரும் கொந்தளிப்பு உருவானதால் அதை நீர்த்துப்போகச் செய்வதற்காக முதல்வர் கருணாநிதி அவர்கள் தி.மு.க. கூட்டணிக் கட்சிகளைச் சேர்ந்த நாடாளுமன்ற உறுப்பினர்களைக் கொண்ட தூதுக்குழு ஒன்றை இலங்கைக்கு அனுப்பினார். 10-10-09 அன்று சென்ற இந்தத் தூதுக்குழு 14-10-09 அன்று திரும்பியது. சிங்கள அரசு எங்கெங்கு அழைத்துச்சென்று முகாம்களைக் காட்டியதோ அங்கே மட்டும் இந்தக் குழுவினர் சென்றனர். போரில் படுகாயமடைந்தவர்கள் அங்ககீன மானவர்கள், இயலாத முதியவர்கள், குழந்தைகள் ஆகியோருக்குப் போதுமான மருத்துவ வசதிகளும் சத்துள்ள உணவும் அளிக்கப்படுகிறதா என இந்தக் குழுவினர் ஆராயவில்லை. குடும்பங்கள் பிரிக்கப்பட்டு வெவ்வேறு முகாம்களில் பிரிந்து வாழ்பவர்களை ஒன்றாக வைக்கும்படி இக்குழுவினர் வற்புறுத்தினார் களா என்ற கேள்விக்கும் விடையில்லை. போரின் கடைசிக்கட்டத்தில் இறந்தவர்கள் மற்றும் காணாமல் போனவர்களின் விவரப்பட்டியலை இக்குழுவினர் கேட்டுப்பெற்றார்களா என்றால் இல்லை. முகாம்களில் உள்ளவர்களின் முழுமையான பட்டியல் இருக்கிறதா என்று கேட்டு அவ்வாறு இருந்தால் அதைப் பார்வையிட்டு தாங்கள் விரும்பும் சிலரையாவது அழைத்துப் பேசினார்களா என்றால் அதுவும் இல்லை. இராசபக்சே அளித்த விருந்தினை உண்டு விட்டு அவர் தந்த பரிசுப்பொருட்களையும் பெற்றுக்கொண்டு திரும்பினர்களே தவிர, இந்தியா உட்பட உலக நாடுகள் அளித்த உதவி எவ்வாறு செலவிடப்படுகிறது என்று கண்காணிக்க சர்வதேசக் குழு அமைக்கப்பட வேண்டும் என்று வற்புறுத்தத் தவறிவிட்டார்கள். இக்குழு திரும்பியதும் முதலமைச்சர் கருணாநிதி பின்வரும் அறிக்கையை வெளியிட்டார்.

1. 15-10-09 அன்றிலிருந்து 15 நாட்களில் 58 ஆயிரத்திற்கு மேற்பட்ட மக்கள் முகாம்களில் இருந்து விடுவிக்கப்பட்டு அவரவர் ஊர்களில் மீள்குடியேற்றம் செய்யப்படுவார்கள்.

2. ஆதரவற்ற குழந்தைகள் உடல் ஊனமுற்றோர் ஆகியோர் தொண்டு நிறுவனங்களில் பராமரிப்பில் ஒப்டைக்கப்படுவார்கள்.

3. அனைத்து மக்களும் 3 மாதங்களுக்குள் முழுமையாக முகாம்களிலிருந்து விடுவிக்கப்பட்டு அவரவர்கள் வீடுகளுக்கு அனுப்பப்படுவார்கள்.

ஆனால் அதற்குப்பிறகு 16 மாதங்கள் கடந்துவிட்டன. வடக்கு மாநிலத்தில் 2,60,000 தமிழர் வீடுகள் முழுமையாக சேதமடைந்துவிட்டதாக சர்வதேச செஞ்சிலுவைச் சங்கம் குற்றம் சாட்டியுள்ளது. ஒரு வீட்டில் 5 பேர் கொண்ட குடும்பத்தினர் வாழுகிறார்கள் என்று வைத்துக்கொண்டால். 13 இலட்சம் மக்கள் உள்நாட்டிலேயே வீடிழந்து இடம்பெயர்ந்துள்ளனர்.

முகாம்களிலிருந்து விடுவிக்கப்பட்டதாகச் சொல்லப்பட்ட மக்கள் தங்கள் ஊர்களுக்கு திரும்ப முடியவில்லை. வழியில் ஆங்காங்கே தடுத்து நிறுத்தப் பட்டு சிறுசிறு முகாம்களில் அடைக்கப்பட்டுள்ளனர். யாரும் அவர்கள் வீடுகளுக்குத் திரும்ப முடியவில்லை. அவர்கள் வீடுகளும் நிலங்களும் சிங்களருக்கு அளிக் கப்பட்டு கூட்டங் கூட்டமாக குடியேற்றப்படுகிறார்கள்.

முகாம்களில் உள்ள இளைஞர்கள் கடத்தப்பட்டு படுகொலை செய்யப்படுகிறார்கள். இளம்பெண்கள் பிரிக்கப்பட்டு பாலியல் வன்முறைக்கு ஆளாக்கப் படுகிறார்கள்.

மேற்கண்ட உண்மைகளை மூடி மறைத்து முதலமைச்சர் கருணாநிதி வெளியிட்ட இந்த அறிக்கையை சிங்கள அரசு தனக்குச் சாதகமாகப் பயன்படுத்தியது. ஐ.நா. மனித உரிமை ஆணைய கூட்டத்தில் இந்த அறிக்கையை ஆதாரமாகக் காட்டி சிங்களப் பிரதிநிதி வாதாடினார். இலங்கைக்கு அருகேயுள்ள தமிழ்நாட்டின் முதலமைச்சர் வெளியிட்ட அறிக்கையில் முகாம்களின் நிலைமை ஓரளவு நன்றாக இருப்பதாகக் குறிப்பிட்டுள்ளார். விரைவில் அந்த மக்கள் விடுதலை செய்யப்பட்டு அவரவர்கள் ஊருக்கு அனுப்பப்படுவார்கள் என்ற நம்பிக்கையும் தெரிவித் துள்ளார். ஆனால் இலங்கையில் இருந்து பல ஆயிரம் அப்பால் உள்ள நாடுகள் இந்தப் பிரச்சினையின் உண்மை புரியாமல் மனித உரிமைகள் சீர்குலைக்கப் படுவதாக குற்றம் சாட்டுவது தவறு என்று வாதாடினார்.

உலக நாடுகளின் கண்டனத்திலிருந்து இலங்கை தப்புவதற்கு கருணாநிதி வெளியிட்ட அறிக்கை உதவி இருக்கிறதே தவிர அந்த மக்களைக் காப்பாற்றுவதற்கு உதவவில்லை.

டப்ளினில் கூடிய மக்கள் தீர்ப்பாயம் இராசபக்சே கும்பலை போர்க் குற்றவாளிகள் என 16-1-10 அன்று தீர்ப்பளித்து சர்வதேச நீதிமன்றம் அவர்களை விசாரிக்க வேண்டும் எனக் கூறியது. ஆனால் இதுவரை தமிழக முதல்வர் மு. கருணாநிதி இராசபக்சேயை போர்க் குற்றவாளி என குற்றம் சாட்ட முன்வரவில்லை. முள்வேலி முகாம்களில் இருந்து எமது மக்களை விடுவிப்போம். போர்க் குற்றவாளிகளைக் குற்றவாளிக் கூண்டில் ஏற்றுவோம் என்று அனைத்துத் தமிழர்களின் சார்பில் முழங்க வேண்டியவர் வாய்மூடி மவுனம் சாதிக்கிறார். ஐரோப்பிய நாடுகளும் வேறு சில நாடுகளும் போர்க் குற்றங்களுக்கு எதிராக எழுப்பியுள்ள குரல்களைக் கண்டு நடுங்கும் இராசபக்சே தமிழ்நாட்டிலிருந்து இந்த குரல் எழுந்திருக்குமானால் அடங்கி ஒடுங்கி இருந்திருப்பார்.

அமெரிக்காவைச் சேர்ந்த எலின் சாண்டர் "ஈழத்தில் கொன்று குவிக்கப்பட்ட தமிழ்ச் சொந்தங்களுக்காக நியாயம் கேட்கும் பொறுப்பு மற்ற எவரையும் காட்டிலும் தமிழ்நாட்டுத் தமிழர்களுக்கு அதிகம், என்றார். அவருக்கு இருந்த இந்த உணர்வு தமிழக முதலமைச்சருக்கு இல்லாமல் போயிற்று.

சர்வதேச நீதிமன்றத்தில் இராசபக்சே கும்பலைப் போர்க் குற்றவாளிகளாக நிறுத்தி விசாரிக்க வேண்டும் என்பதை வலியுறுத்துவதற்காக உலகத் தமிழர் மாநாடு ஒன்றினை நடத்தி அதன் மூலம் உலகத் தமிழர்களை ஒன்றுபடுத்திக் குரல் எழுப்ப வேண்டிய கருணாநிதி அதற்குப் பதில் இந்தப் பிரச்சினையைத் திசை திருப்பவும் நீர்த்துப் போக வைக்கவும் கோவையில் உலகச் செம்மொழி மாநாட்டினை நடத்தினார்.

இராசபக்சேக்கு கோபம் வரும் வகையில் யாரும் எதுவும் பேசிவிட வேண்டாம் என்றும் தமிழர்களுக்கு அறிவுரை கூறவும் கருணாநிதி தயங்கவில்லை. அது மட்டுமல்ல "நம்முடைய மெளன வலி யாருக்குத் தெரியப் போகிறது என்று நீலிக்கண்ணீர் வடிக்கவும் அவர் தயங்கவில்லை. இத்துடன் அவர் நிற்கவில்லை. முறையாகத் திட்டமிட்டு நடவடிக்கைகளை மேற் கொள்ள புலிகள் தவறிவிட்டதாகவும் அதன் விளைவாகவே ஒரு இலட்சம் தமிழர்கள் படுகொலை செய்யப்பட்டதாகவும் பிரபாகரன் மீது பழி சுமத்தவும் அவர் தயங்கவில்லை.

தமிழீழத்தில் நடந்த அப்பட்டமான இனப்படு கொலைக்கு காங்கிரஸ் அரசுதான் முழுமையான பொறுப்பு என்பதை அடியோடு மறைக்க அவர் படாத பாடு படுகிறார். அதற்காக பிரபாகரன் மீது குற்றம் சுமத்தவும் அவர் தயங்கவில்லை. இராசபக்சே கும்பல் நடத்திய இனப்படுகொலைகள் குறித்தோ போர்க் குற்றங்கள் குறித்தோ ஒரு வார்த்தைகூட கண்டிக்க கருணாநிதி இதுவரை முன்வரவில்லை. மாறாக புலிகள் மீது புழுதி வாரித் தூற்ற அவர் கொஞ்சமும் தயங்கவில்லை.

தாய்க்குத் துரோகம்

பிரபாகரனைப் பெற்றெடுத்த அன்னையும் 83 வயது நிறைந்த மூதாட்டியுமான பார்வதி அம்மையார் தமிழகத்திற்கு சிகிச்சைபெறவந்தபோது நெஞ்சில் ஈரமில்லாமல் அவர் வந்த விமானத்திலிருந்து கீழே இறங்கவிடாமல் அவரைத் திருப்பி அனுப்பிய நிகழ்ச்சியே ஈழத் தமிழருக்கு கருணாநிதி செய்த துரோகத்திற்கெல்லாம் சிகரம் வைத்தது போல் ஆகும்.

இலங்கையில் சிங்கள இராணுவ முகாமில் பல்வேறு கொடுமைகளுக்கு ஆளாகி பிரபாகரன் அவர்களின் தந்தை வேலுப்பிள்ளை அவர்கள் காலமான செய்தியின் விளைவாக அதிர்ச்சிக்குள்ளான பார்வதி அம்மையார் அவர்கள் மனநிலை பாதிப்புக்கு ஆளானார். அவரது மூத்த மகன் டென்மார்க் நாட்டிலும், அவரது இரண்டு புதல்விகள் வெளிநாடுகளிலும் வாழக்கூடிய நிலைமையில் அவர்கள் தங்கள் தந்தைக்கு இறுதி அஞ்சலி செலுத்தவோ அல்லது தங்களின் தாயாருக்குப் பணிவிடை செய்யவோ இலங்கை திரும்ப முடியாத நிலை. அவர்கள் இலங்கை திரும்பினால் அவர்களுக்கு என்ன நடக்கும் என்பதைச் சொல்ல முடியாது. எனவே கணவரையும் இழந்து பிள்ளைகளையும் பார்க்க முடியாமல் பிரிந்து பரிதவித்த பார்வதி அம்மையார் அவர்களை முன்னாள் நாடாளுமன்ற உறுப்பினரான சிவாஜிலிங்கம் அவர்கள் பொறுப்பெடுத்துக்கொண்டு பாதுகாத்தார். அரசிடம் போராடி அவரை விடுவிக்க வைத்து. வல்வெட்டித் துறையில் உள்ள அரசு மருத்துவமனையில் சேர்த்து சிகிச்சை அளிக்க ஏற்பாடு செய்தார்.

இந்த நிலையில் அவர் தமிழகத்தில் இருந்த காலத்தில் எங்கள் குடும்பத்துடன் மிகநெருங்கிப் பழகியவர். எனவே அவரை அழைத்து வந்து எங்கள் வீட்டிலேயே வைத்து தக்க சிகிச்சை அளித்து பராமரிப்பதின் மூலம் அவருக்கு மனஆறுதல் கிடைக்குமென நம்பினேன். இதை விளம்பரம் இல்லாமல் செய்யவும் திட்டமிட்டேன். ஏனென்றால் அம்மையாரின் வருகையை அறிந்தால் தமிழகமே அவரைக் காண கூடிவிடும். அது அவருடைய உடல் நிலைக்கும், மன நிலைக்கும் ஒவ்வாது என்பதால் இந்த விசயத்தை இரகசியமாக வைத்தேன்.

ம.தி.மு.க. பொதுச்செயலாளர் வைகோ அவர்களுக்கும், தமிழீழ உணர்ச்சிக் கவிஞர் காசி ஆனந்தன் அவர்களுக்கு மட்டுமே இதை தெரிவித்தேன். அவர்களும் எனது திட்டத்திற்கு ஒப்புதல் அளித்தனர்.

அம்மையாரை இலங்கையில் இருந்து மலேசியா அழைத்துச் சென்று அங்கு சில நாட்கள் மருத்துவமனையில் வைத்திருந்து சிகிச்சையளித்த பிறகு தமிழகம் அழைத்துவர திட்டமிட்டோம். அதற்கிணங்க நண்பர் சிவாஜிலிங்கம் அவர்கள் அம்மையாரை மலேசியாவுக்கு அழைத்துச் சென்று தக்கவர்கள் வசம் ஒப்படைத்துத் திரும்பினார்.

பிறகு மலேசியாவில் உள்ள இந்தியத் தூதரகம் அம்மையாருக்கு இந்தியா வருவதற்கான ஆறுமாத விசாவை அளித்தது. அதன் பின்னர் 14-4-2010 அன்று மலேசியாவில் இருந்து விமானம் மூலம் சென்னைக்கு அவர் வந்தார். ஏற்கனவே திட்டமிட்டபடி சகோதரர் வைகோ, உணர்ச்சிக் கவிஞர் காசிஆனந்தன், இளவழகன், என் மகள் பூங்குழலி ஆகியோர் மட்டும் விமான நிலையம் சென்று காரிலேயே காத்திருந்தோம். விமானம் வருவதற்கு சற்று நேரத்திற்கு முன்னால் லாரி லாரியாக காவல் படையினர் கொண்டு வந்து இறக்கப்பட்டனர். சென்னை புறநகர் காவல்துறை ஆணையரான ஜாங்கிட்டும் அங்குவந்து இறங்கினார். ஏதோ தவறான நடவடிக்கை நடக்கப்போகிறது என்ற அச்சம் எங்கள் உள்ளத்தில் எழுந்தது. எனவே இனிமேலும் காத்திருக்க வேண்டாம் என்பதற்காக நாங்கள் இறங்கி விமான நிலைய வரவேற்பாளர் பகுதிக்குச் செல்வதற்கு முனைந்தோம். காவல்துறை அதிகாரிகள் எங்களை வழிமறித்தனர். விமான நிலையத்திற்குள் செல்லக்கூடாது என்று கெடுபிடி செய்தனர். முறையான அனுமதி சீட்டுக்கள் இருக்கும்போது எங் களைத் தடுக்க முடியாது என்று கூறிவிட்டு நாங்கள் உள்ளே சென்ற போது காவலர்கள் பெருங்கூட்டமாக மறித்து நின்றனர். சிறிது நேரம் வாதப்பிரதிவாதங்கள் நடந்த பிறகு வரவேற் பாளர் பகுதியில் நாங்கள் அமர்வதற்கு அனுமதிக் கப்பட்டோம்.

சரியாக இரவு 10.30 மணிக்கு மலேசி யாவில் இருந்து வந்த விமானம் கீழே இறங் கியது. சிறிது நேரத்தில் பயணிகள் ஒவ்வொருவராக வெளியே வந்தனர். நாங்களும் வழிமேல் விழி வைத்துக் காத்திருந்தோம். ஆனால் பார்வதி அம்மையாரோ அவருக்கு துணைக்கு வந்த பெண்ணோ வரவில்லை. என்ன நடக்கிறது என்பதும் எங்களுக்குத் தெரியவில்லை. இரவு 2 மணி வரை நாங்கள் காத்திருந்த பிறகு விமான நிலைய அதிகாரி ஒருவர் எங்களிடம் இரகசியமாக "அம்மையாரை அதே விமானத்தில் திருப்பியனுப்பி விட்டார்கள்' என்று கூறினார். இரவு 1 மணியளவில் அம்மையார் மீண்டும் மலேசியா திரும்பி விட்டதாக அங்கிருந்த நண்பர்கள் எங்களுக்குத் தெரிவித்தனர்.

முறையான அனுமதி பெற்று சென்னை வந்த பார்வதி அம்மையாரை அதே விமானத்தில் திருப்பி அனுப்பியது குறித்து எதிர்க்கட்சிகள் தமிழக சட்டமன்றத்தில் கடும் கண்டனம் தெரிவித்தன. அதைப் போல தமிழ்நாட்டிலும் உலகத் தமிழர் நடுவிலும் இந்நிகழ்ச்சி கொதிப்புணர்வை ஏற்படுத்தியுள்ளது. இதைக் கண்டு முதலமைச்சர் கருணாநிதி தவறான தகவல்களை வெளியிட்டு மக்களைக் குழப்புவதற்கு முயற்சி செய்தார்.

பார்வதி அம்மையார் வருவது குறித்து தனக்கோ தமிழக அரசுக்கோ எத்தகைய தகவலும் இல்லை என்று முதலமைச்சர் பொறுப்பில் இருக்கக்கூடிய ஒருவர் சொல்லுவது வேடிக்கையானது. வெளிநாட்டிலிருந்து வருபவர்கள் அந்த நாட்டில் உள்ள இந்தியத் தூதுவர் அலுவலகத்தில் விசா பெற்று வருவதுதான் வழக்கம். அப்படி வருபவர்கள் தமிழக அரசுக்கும் தெரிவிக்க வேண்டிய அவசியம் இல்லை.

மறுநாள் காலை பத்திரிகைகளைப் படித்த பிற்பாடுதான் தனக்கு விவரம் தெரியும் என்று முதலமைச்சர் முதலில் கூறிவிட்டு பிறகு இரவு 12 மணிக்கு தனக்கு தகவல் கிடைத்து விமான நிலையத்துடன் தொடர்பு கொண்டபோது பார்வதி அம்மையார் திரும்ப அனுப்பப்பட்டதை தெரிந்து கொண்டதாக முன்னுக்குப் பின் முரணாகக் கூறியிருக்கிறார். மலேசியாவிலிருந்து வந்த விமானம் இரவு 10.45 மணிக்குத்தான் வந்தது. ஆனால் அதற்கு முன்னாலேயே சென்னை புறநகர் காவல் துறை ஆணையாளரான ஜாங்கிட் தலைமையில் பெரும் காவலர் படையொன்று விமான நிலைய வாசலில் கொண்டுவந்து குவிக்கப்பட்டது. 10.15 மணியளவில் வைகோவும் நானும் விமான நிலையத்திற்கு வந்த போது எங்களை உள்ளே விடாமல் அதிகாரிகள் தடுப்பதற்கு பெருமுயற்சி செய்தார்கள். முதலமைச்சரின் உத்தரவில்லாமல் அவர்கள் அவ்வாறு செய்திருக்க முடியாது. ஆக இதற்கு சில மணி நேரங்களுக்கு முன்பாகவே முதலமைச்சருக்கு உளவுத்துறையின் மூலம் தகவல் கிடைத்து அதன் பின்னர்தான் காவலர் படையை அனுப்ப அவர் உத்தரவிட்டிருக்க வேண்டும்.

2003ஆம் ஆண்டில் தமிழக அரசின் சார்பில் மத்திய உள்துறைக்கு எழுதப்பட்ட கடிதத்தில் பிரபாகரனின் பெற்றோர் இந்தியாவிற்குள் நுழைய தடைவிதிக்க வேண்டும் என்று எழுதி அதன் காரணமாக அவர்கள் பெயர் கருப்புப் பட்டியலில் இடம்பெற்றதாக முதலமைச்சர் கூறியிருக்கிறார். இது உண்மையானால் கருப்புப் பட்டியலில் இடம் பெற்றவருக்கு மலேசிய-இந்தியத் தூதுவர் அலுவலகம் இந்தியா வருவதற்கு ஆறு மாத கால விசா கொடுத்தது ஏன்? தவறுதலாகக் கொடுத்திருந்தால் அந்த அதிகாரி மீது எடுக்கப்பட்ட நடவடிக்கை என்ன?

ஜெயலலிதா காலத்தில் இழைக்கப்பட்ட அநீதியைச் சுட்டிக்காட்டுவதன் மூலம் தனது தவறை மறைப்பதற்கு முதலமைச்சர் முயற்சி செய்கிறார். ஜெயலலிதா ஈழத்தமிழர் பிரச்சினையில் எதிராக இருந்தவர். ஆனால் கருணாநிதி அவர்களோ ஆதரவாக இருப்பது போல் காட்டிக்கொண்டு எதிராகவே செயல்படுபவர்.

தி.மு.க. வின் தொடக்க காலத்தில் அதன் வளர்ச்சிக்காக பிரச்சார நாடகங்களில் நடித்தவர் கருணாநிதி. ஆனால் இப்போது முதலமைச்சராக இருக்கும்போதும் சட்டமன்றத்திலேயே நடிப்பது வெட்கக்கேடானது. பார்வதி அம்மையாருக்கு இழைக்கப்பட்ட அநீதி இவருக்குத் தெரியாமல் நடக்கவில்லை. அதை மறைப்பதற்கு இவர் செய்யும் முயற்சி ஒருபோதும் வெற்றிபெறப்போவதுமில்லை.

வள்ளுவர் காட்டும் வாழ்க்கை நெறி 2 - இரா.திருமாவளவன்

2011-04-14T09:06:00.000-07:00

அழுக்காறு அவா வெகுளி இன்னாச்சொல் நான்கும் இழுக்கா இயன்றது அறம் மனிதன் புரிகின்ற எண்ணுகின்ற நல்லன அனைத்தும் அறம் என்று சொல்லப்படும். இந்த அறத்திற்குப் புறம்பான நான்கு கூறுகள் நம்மிடம் இருக்கக் கூடாதவை. இவை அறமாகா. அவை அழுக்காறு, அவா, வெகுளி, இன்னாச்சொல் என்பன. அழுக்காறு என்பது பிறருடைய வளர்ச்சியைக் கண்டு ஏற்றுக் கொள்ள முடியாத மனப் பண்பாகும். இதனை பொறாமை என்றும் கூறுவார்கள். ஒருவருக்கு அழுக்காறு இருந்தால் யார் மீது அது ஏற்பட்டிருக்கின்றதோ அவர்க்குக் கெடுதல் செய்ய முற்பட்டு விடுவார். அடுத்து அவா. இதனைப் பேராசை என்றும் சொல்லுவோம். அவா என்னும் பேராசை உடையவர், தாம் மட்டுமே தமக்கு மட்டுமே என்ற தன்னலத்தால் பிறர்க்கு உரியதையும் பறித்துக் கொண்டு அவர்க்குக் கெடுதல் செய்து விடுவார். மூன்றாவது வெகுளி எனப்படுகின்ற தன்னை மறக்கின்ற சீற்றம், ஆத்திரம். ஆத்திரக்காரனுக்குப் புத்தி மட்டு என்பார்கள். இந்த வெகுளியால் ஒருவர் தன்னறிவை இழந்து என்ன செய்கிறோம் ஏது செய்கின்றோம் என்பது கூட அறியாமல் பிறர்க்குக் கேடு செய்துவிடுவார்கள். சில வேளை கொலை கூட செய்து விடலாம். நான்காவது இன்னாச்சொல். தனக்குப் பிடிக்காதவருடைய மனத்தைப் புண்படுத்துகின்ற வகையில் அவரைப் பற்றி இல்லாததையும் பொல்லாததையும் சொல்லித் துன்புறுத்துவது. இன்னல் படுத்துவது இன்னாச்சொல் எனப் படும். இவ்வாறு தமக்கும் பிறர்க்கும் பெருந்துன்பத்தைத் தருகின்ற பெருங்கேட்டினை ஏற்படுத்துகின்ற நான்கு கேடுகளையும் விட்டொழித்து தம்மைப் போல பிறரையும் எண்ணி மனித நேயம் பேணுவது சிறப்பல்லவா.

வள்ளுவர் காட்டும் வாழ்க்கை நெறி 1 - இரா.திருமாவளவன்

2011-03-20T08:43:00.000-07:00

வள்ளுவர் காட்டும் வாழ்க்கை நெறி 1 - இரா.திருமாவளவன்

சென்ற இடத்தால் செலவிடா தீதொரீஇ
நன்றின்பால் உய்ப்ப தறிவு

நம் மனத்தைப் போகின்ற திசைகளில் எல்லாம் போக விடாது , தீமைகளை நீக்கி நன்மையின் பக்கம் செலுத்துவது அறிவின் பணியாகும் . மனம் ஒரு குரங்கு போல ;ஆசைக்கு ஆட்பட்டது ; அதைக் கட்டுப்படுத்த தவறிவிட்டால் எதை எதையெல்லாம் விரும்பிகிறதோ அதை அடைய எண்ணும்; இதனால் நமக்குத் துன்பமே ஏற்படும் ; கண் போன போக்கிலே கால் போகலாமா? கால் போன போக்கிலே மனம் போகலாமா ? மனம் போன போக்கிலே மனிதன் போகலாமா ? மனிதன் போன பாதையை மறந்து போகலாமா ? என்பது நல்வழி காட்டும் ஒரு பழைய பாடல் . மனிதனை மனிதப் பண்புகளோடு வாழச் செய்வது அவனிடம் உள்ள அறிவு. அவன் மனம் போன போக்கிலே வாழ முற்பட்டால் அவனுக்கும் பிறருக்கும் துன்பத்தையே விளைவித்து விடுவான் ; கடிவாளம் இன்றி செல்லும் உணர்வினை நெறிப்படுத்தி ஒழுங்கு படுத்தி நல்லவற்றின் பக்கம் படியச் செய்கின்ற பொழுதுதான் ஒரு மனிதன் பிறருக்கு எந்தக் கெடுதலையும் செய்ய மாட்டான் . இவ்வாறு ஒரு மனிதனை மனிதனாக நெறியாளனாக, பண்பாளனாக, ஒழுங்குடையவனாக எண்ணிப் பார்க்கக் கூடியவனாக நல்லவனாக உருவாக்கக் கூடியது அறிவு ; எனவே ஆசைக்கு அடிமையாகி பெரும் சிக்கலுக்குள் மாட்டாமல் அறிவு வழிபட்டு நின்று நன்மை புரியுங்கள் இதனால் துன்பம் நீங்கும் , எல்லா உயிரும் இன்புற்று வாழும்.

சென்ற இடத்தால் செலவிடா தீதொரீஇ
நன்றின்பால் உய்ப்ப தறிவு

திருக்குறளை அறியாதவர்கள் இலக்கியவாதிகளே அல்லர். மகாத்மா காந்தி

2011-03-19T22:48:00.000-07:00

1943 ஆம் ஆண்டு மகாத்மா காந்தி அவர்களை அலகாபாத்தில் நடந்த ஓர் இலக்கிய மாநாட்டிற்கு பேச அழைத்திருந்தனர். அவ்வழைப்பினை ஏற்றுக் கொண்ட காந்தி மாநாட்டில் பேசச் சென்றார்.

மாநாட்டில் பேசும் போது காந்தி அவர்கள் வருகையாளர்களைப் பார்த்து பின்வருமாறு கேட்டார்.
"அன்பர்களே இங்கு பல்வேறு நிலைகளில் அறிவு பெற்றோர் வந்திருப்பதைக் கண்டு நான் மகிழ்ச்சி அடைகின்றேன். ஆய்வாளர்கள், இலக்கியவாதிகள் எனப் பல தரப்பட்டாரும் இங்கு வந்துள்ளீர்கள். உங்களோடு பேசுவது எனக்கு மிகுந்த பெருமையையும் மகிழ்ச்சியையும் தருகின்றது. இந்தச் சூழ்நிலையில் நான் உங்களிடம் ஒரு வினாவினைத் தொடுக்க விரும்புகின்றேன். இந்த வினாவிற்கு நீங்கள் ஏற்புடைய விடையளிப்பீர்களேயானால் நான் அளவிடற்கரிய மகிழ்ச்சி அடைவேன்.
உங்களில் எத்தனை பேர் திருக்குறளைப் படித்திருக்கிறீர்கள்? எத்தனை பேர் திருக்குறளை ஆய்வு செய்திருக்கிறீர்கள்? எனக்குத் தெரியப் படுத்துங்கள். உங்களில் எத்தனைப் பேருக்குத் திருக்குறளைத் தெரியும்?
அந்த அரங்கம் ஒரே அமைதியில் ஆழ்ந்தது. ஒருவர் கூட எழுந்து விடைகூற முன் வரவில்லை.
ஒருவர் கூட இதற்கு உரிய விடையைக் கூற முன் வராதது கண்டு நான் மிகவும் வருந்துகின்றேன். திருக்குறளை அறியாத நீங்கள் உங்களைக் கல்வியாளர்கள் என்று வேண்டுமானால் கூறிக் கொள்ளுங்கள் ஆனால் ஒரு போதும் இந்த இலக்கிய மாநாட்டில் கலந்து கொண்டுள்ள உங்களை இலக்கிய வாதிகள் என்று கூறிக் கொள்ளாதீர்கள். உங்களுக்கு அந்தத் தகுதி இருப்பதாக நான் கருதவில்லை. திருக்குறளை அறிந்திருப்பவர்களையே நான் உண்மையான இலக்கியவாதிகளாக நான் கருதுவேன் என்றாராம்.

காந்தியும் உருசிய எழுத்தாளாரான லியோ தால்சுதாயின் திருக்குறள் பற்றினை அறிந்தே இந்த உணர்வுக்கு வந்தார் என்று அறியமுடிகின்றது. நான் மீண்டு பிறவி எடுத்தால் திருக்குறளைப் படிப்பதற்காக ஒரு தமிழனாகப் பிறக்க விரும்புகின்றேன் என்று காந்தி கூறியுள்ளார்.

காந்தியின் இந்தக் கூற்றுகள் தமிழர்க்கு திருக்குறளைப் புரட்டிப் பார்க்க ஆராய அதன் படி வாழ ஒரு விழிப்புணர்ச்சியை ஏற்படுத்தட்டும்.

திருமாவளவன்

Pop of Thirukkural by Navaneethan

2011-03-19T04:50:00.000-07:00

Pop of Thirukkural by Navaneethan

Hi all,

Thirukkural is the tolerable one for specially for Tamilian’s life,Becasue It has the description of ”How the Ideal life or family should be“

“What we have to do to get the idealness in our society” which is great thing to make the peple saint after their’s life

It s my pleasure to explore about thirukkural….I m enjoying

One Small story about the pop-of-THIRUKKURAL Leo Tolstoy is one of the greatest persons in the world especially he was a good writer,He had written many books

Once our Father-Of-Nation Respected Mahathma Gandhiji was reading his book(that book was written by tolstoy).At that time Gandhiji had red line that is ” People have to do help or goodthing even for their enemies ” “They should not be remain their actions (Enemies action) which may be affect you but you should be able to do help or being good to your enemy”

These lines which was attracted by Gandhiji

Gandhiji suddenly wrote a letter to tolstoy “These lines are very nice I like more than other lines”

Tolstoy replied that “the Respected Gandhiji These lines are taken from The great tool THIRUKKURAL

(kural starts )

Inna Seitharai oruthal……..

Gandhiji at that time got pleasure and he whispered to others “If I were possible to born at next generation then I would be very glad when i am having my mother tongue is TAMIL“

Moral

The Tamil is very good language which has all specialities …But we people can’t able to understand the pop of tamil

We are migrating to other languages like English or Hindhi etc….

We should be ready to feel for that

shortly I m saying (please read the belowth lines like tamil pronun)

” Puriyatha piriyam
Pirium pothu purium”

At least we have to do whatever we can for tamil growth!!

கிரந்தச் சூழ்ச்சியை முறியடிப்போம்!

2011-03-16T06:34:00.000-07:00

தென்மொழி இதழ், மீனம்,2042

கிரந்தச் சூழ்ச்சியை முறியடிப்போம்!

திரு இரமணசர்மாவும், திரு கணேசனும் கொடுத்த முன்மொழிவுகள் இந்திய அரசால் ஏற்கப்பட்டு ஒருங்குகுறி ஆணையத்திற்கு 06 -09- 2010-இல் அனுப்பியது. இந்திய அரசின் கிரந்த – தமிழ்க் கலப்புக் குழுவில் பங்கேற்ற காஞ்சி மட சர்மா போதும் போதாதற்கு 27-10-2010- அன்று, தனிப்பட்ட முறையிலும் கிரந்த ஒருங்கு குறி வேண்டுமென்று இந்திய அரசின் வரைவை அனுப்பியும் வைத்தார். தவறி அரசியல் அழுத்தங்களின் விளைவாக அரசு திரும்பப் பெற்றாலும் தன் வரைவின் அடிப்படையில் கிரந்தம் இடம்பெற்றாக வேண்டும் என்பதற்காக!

நாம் கேட்டவை என்ன?

மேலும் தமிழக அரசும், ஏன் இந்திய அரசும் எதிர்த்தாலும் கூட கிரந்தக் குறியீட்டை யூனிகோடுதரமாக அறிவிக்கப் போவது என்னவோ திண்ணம். யூனிகோடு குறியீடுகளில் எண்ணற்ற பல பழைய பட எழுத்துகள், சிந்து சமவெளிக் குறிகள் உட்பட, தரப்பாட்டுக்குள் வந்து கொண்டு இருக்கின்ற போது, கிரந்தம் மட்டும் கூடாது என்ற கூக்குரலுக்கு அறிவுசார் சான்றுகள் எவையும் இல்லை. தமிழுக்குக் கேடுசெய்யும் கிரந்தம் வந்தே தீரும்

என்று சில தமிழர்கள் கூறிவருகிறார்கள். காஞ்சிமடமோ, ஆரியக் கூட்டமோ கூறியிருந்தால் கூட அது அவர்களின் கருத்து; எதிர்ப்பது நம் கடமை என்று இயல்பாக எண்ணியிருக்கலாம்!

எதிர்காலத்தில் இந்திய அரசும் கிரந்தத்தையே இந்திய மொழிகளுக்கு (தமிழுக்கும்) எழுத்தாக்கிவிடும் எண்ணம் உள்ளது. இதனை திரு. வா.செ.கு. அவர்கள்,

“காந்தியடிகள் காலம் முதற் கொண்டு தேவநாகரி வரிவடிவத்தை இந்திய மொழிகட்குப் பொது வரிவடிவம் ஆக்க வேண்டும் என்ற கோரிக்கை இருந்து வருகிறது. இது காலப் போக்கில் வலுவடையக் கூடும். அதற்கு மாற்றான வரிவடிவமானத் திரவிட மொழிக் குடும்பத்தினர்க்குக் கிரந்த வரிவடிவம் அமையக் கூடும் என்பதே என் கணிப்பு.” (வா.செ.கு. – 12-02-2011)

திரு இரமண சர்மாவும் திரு நா.கணேசனும் கூறியதைத் திரும்பப் பெறுவதுபோல் கூறி, இரண்டு பேர் கூறியதையும் இணைத்து கிரந்தத்தைத் தனியே கொண்டுவந்து தமிழ் உள்ளிட்ட தென்னாட்டு மொழிகளை கிரந்ததிற்கு எதிர்காலத்தில் மாற்றத்திட்டமிட்டுள்ளனர். இதற்கு இர்மண சர்மாவும் காஞ்சிமடமும் இந்திய அரசுக்குத் துணைபோகின்றனர்; அறியாத நம்மவர்களும் உடந்தையாக உள்ளனர். தமிழின் வீழ்ச்சிக்கு வித்திட்டது கிரந்தமே என உணரின் அன்றோ தமிழின் மீட்சிக்கு இன்றைய ஆங்கிலமும் கமுக்க கிரந்தத் திணிப்புமே எதிரிகள் என உணரமுடியும்.

“தமிழை நவீனப்படுத்துவதை விட்டுவிட்டு இவர்கள் தமிழை தேவநாகிரிக்கேற்ப மாற்றுகிறார்கள். இது தமிழுக்கு மட்டுமல்ல, தேவநாகிரி மொழி அற்ற சகல மொழிகளையும் மாற்றும் முயற்சியில் தான் இந்திய அரசு ஈடுப்பட்டுக்கொண்டுள்ளது. இந்திய அரசு, ஒட்டுமொத்த இந்திய மொழிகளின் வரிசையை தேவநாகிரி வரிசைக்கேற்ப ஒழுங்கு மாற்றி ஒருங்குறியில் ஏற்றியதிலிருந்தே இதைப் புரிந்துகொள்ளலாம். அத்தனை தேவநாகிரி எழுத்துக்களுக்கும், ஒரு "தமிழ்" எழுத்தை உருவாக்கியே இந்த முயற்சியை அவர்கள் கைவிடுவார்கள். ( திரு. காபிடல், கனடா; 28-11-2010 )

கிரந்தம் கலந்த கல்வெட்டுகளின் மூலமாக வரலாற்றை அறியக் கிரந்தத்தை ஒருங்கு குறியில் சேர்க்கவேண்டும் என்று சில தமிழர்கள் கூறுகின்றனர். கல்வெட்டில் உள்ளவை தமிழ் எழுத்துக்களும் , வருக்கக் குறியீடுகளும்தான்! தமிழல்லாத கிரந்தக் குறியீடுகளையும் பாரதிதாசன் பல்கலைக்கழக முன்னாள் துணைவேந்தர் பொன்னவைக்கோ, மேடவாக்கக் கூட்டத்தில் கூறியவாறு அதனைத் தொழில் நுட்பத் துணையுடன் பட வடிவில் (கிளிஃப்) பதிவு செய்து தமிழில் வெளியிடலாம் ! மணிப்பிரவாள நடையில் உள்ள ஈட்டுரைகளைத் தமிழ் எழுத்துகளிலேயே மாற்றிச் சென்னைப் பல்கலைக் கழகம் வெளியிட்டுள்ளது!அறிவியல், வரலாற்று, பிறமொழிச் சொற்களைத் தவிர்க்கவியலா இடங்களில் குறிக்க வேண்டுமானால், மலேசியக் கணினி அறிஞர் முத்துநெடுமாறன் குறிப்பிட்டது போல மீக்க்குறியெண்களால் குறிக்கலாம்,அல்லது பிரான்சுத் தமிழறிஞர் லெபோ கூறியது போல மொழியியல் குறியீடுகளைப் பயன்படுத்திக் கொள்ளலாம்.கிரந்தக் கேட்டை வரவேற்கத் தேவையில்லை.

தமிழில் கலந்துள்ள 6 கிரந்த எழுத்துகளால் தமிழில் எண்ணற்ற பிறமொழிச்சொற்கள் நுழைந்து கேடு செய்து வருவதால் அவற்றைக் களைய நாம் பாடுபட்டுவருகிறோம்; மேலும் பொருந்தாத வடமொழி வல்லொலிகளைத் திணிக்கக் கிரந்தம் வரக்கூடாது; கிரந்தம் ஒரு மொழியில்லை, வழக்கிலும் இல்லை;அது ஒரு மொழியல்ல என்றாலும் கூட, பிற வரலாற்றுக் குறியீடுகள் போல் தனியே வரலாம் என்று நம்மவர்களே எதிரிக்குத் துணைபோகிறார்கள்; அப்படி அக்கிரந்தம் தனியே வரும், வந்தே தீரும் எனில் , எம் தமிழ் எழுத்துக்கள் 31 தமிழ் ஒலிகள் இல்லாமல் வெறும் வர்க்கக்குறியீடுகள் 15 மட்டும் கொண்டு வரட்டும்! தமிழர்களே ! கிரந்ததைத் தடுக்காமல் தூங்காதீர்கள்!ஏமாறாதீர்கள்!

-------------------------------------------------------------------------------------

தமிழ் உருவில் தமிழ்ப் பகைவர் இருக்கின்றார் - அவர்
தமிழர்களின் தாலிகளை அறுக்கின்றார்!
கட்சிபேசும்; தலைமை தாங்கும் தமிழால் - பெருங்
கயவர்களின் கூட்டஞ் சேர்க்கும் தமிழால்!
எச்சிலைக்கு நாக்கை நீட்டிப் படுக்கும் - மேல்
இருப்பவர்க்கே இனத்தைக் காட்டிக் கொடுக்கும்!

-பாவலரேறு பெருஞ்சித்திரனார்.

முகம் தமிழே - முனைவர் கு. அரசேந்திரன்

2011-03-02T06:06:00.000-08:00

முகம் தமிழே - முனைவர் கு. அரசேந்திரன்

'முகம்' சொல்லின் மூலத்தைத் தமிழில் காணமுடிகிறதா அல்லது வட மொழியில் காணமுடிகிறதா என்பதே இங்கு ஆய்வு. உடம்பின் ஓர் பகுதியைச் சுட்டும் face என்னும் 'முகம்' ஆகிய இவ்வுறுப்பு எதனால் இப்பெயரைப் பெற்றது? சமற்கிருத வேர்ச்சொல் ஆய்வாளர்களில் முன்னவர் - மூலவர் மானியர் வில்லியம்சு ஆவார். அவர், இச்சொல் வரலாற்றை எப்படி விளக்கு கிறார்? 'mukha' என்னும் ஒலிப்பில் இச்சொல்லை வடமொழியில் ஒலிக்க வேண்டும். அவர் இச்சொல்லிற்கு உரைக்கும் முதற் பொருள் mouth; இரண்டாவது பொருள் face .

மானியர் வில்லியம்சு 'mukha' ஆகிய சொல்லிற்கு வாய் (mouth) ஆகிய பொருளை முதற்பொருளாகக் கூறுவதிலிருந்து நாம் எதைத் தெரிந்து கொள்கிறோம்! சமற்கிருதத்தில் 'முக' என்பதற்கு முதற்பொருள் 'வாய்' என்பதுதானே!

வாய் என்ற பொருளை அச் சொல்லிற்கு மானியர் வில்லியம்சு எதன் அடிப்படையில் கண்டுபிடித்தார்? mukha ஆகிய சொல்லை அவர் mukhan என்ற வடிவ வழியது என்று உணர்ந்தார். அதனால் அவரால் 'வாய்' என்ற பொருளைக் கூறமுடிந்தது. 'மு' என்பதை ஓர் முன்னொட்டாகக் கொண்டு கன் - (கன்னம் = துளை) என்பதற்குத் துளை என்றொரு பொருள் இருப்பது கண்டு முன்னுள்ள துளை அதாவது 'வாய்' என அவர் எண்ணிப் பார்த்திருக்கிறார். இந்த எண்ண ஓட்டமே அவர் முகத்திற்கு 'வாய்' என்ற பொருள் தந்ததற்கு அடிப்படை. 'keras' ஆகிய கிரேக்கச் சொல் 'கொம்பு' என்னும் பொருளது. இது இலத்தீனில் ceras எனக் க-ச திரிபில் திரியும். கொம்பைக் குறித்த இக் கிரேக்கச் சொல்தான் வடமொழியில் பிறகு சிரசு எனக் கொம்புள்ள இடத்தை அதாவது தலையைக் குறித்தது. இதைப் போலவே மு-கன் என்பது முதலில் வாயைக் குறித்துப் பின் வாயுள்ள இடத் தைக் குறித்திருக்கலாம். இவை நிற்க.

தமிழில், முகம் எவ்வாறு பிறந்தி ருக்கின்றது என்பதை இனி எண்ண வேண்டும். 'முகம்' என்ற சொல் முதலில் face ஆகிய உடற்பகுதியைக் குறிக்கத் தோன்றவில்லை. அது, முன் பகுதி, முதற்பகுதி என்ற பொருளி லேயே முதற்கண் கருக்கொண்டு உருக்கொண்டது.

'முல்' என்பது முதன்மை குறிக் கும் சொற்கள் பல ஈனும் வேர்ச்சொல். இது முல்-முன்; முல்+து-முது-முது+ அல்-முதல்; முல்-முள்-முள்+து-முட்டு -மொட்டு; முல்+கு=முகு-முகை; முகு+இல்-முகில்-முகிழ்; முகு-முகன். முகனை-மொகனை; முகு-முக்கு; முகு-முகுடி-முகடி=முன்தோன்றிய மூதேவி; முகு-முகுடு; முகடு-மோடு; முகட்டெருமை-மோட்டெருமை; முகு-முகுப்பு-முகப்பு என்றெல்லாம் முதன்மையானது; தலைமையானது என்ற பொருள்தரும் பலப் பல சொற்களை உருவாக்கும்.

corn என்ற ஆங்கிலச் சொல் கொம்பினைக் குறிக்கும். corn இதுதான் பிறகு கொம்புபோல் முன்துருத்திக் கொண்டிருக்கும் பகுதியைக் குறிக்க corner என்ற சொல்லையும் அளித்தது. தமிழின் முக்குச் சொல்லும் தெருவின் முன்துருத்திய மூலைப்பகுதியையே குறிக்கும்.

இல்லின் முன் உள்ள பகுதி முன்+இல்=முன்னில் - முன்றில் என்று கூறப்படும். இந்த முன்றில்-முற்றில்- முற்றம் என்றும் தமிழில் வழங்கப்படும். முன்றில் - முற்றம் ஆகிய இவ் வீட்டுப் பகுதியை 'முகப்பு' என்றும் சொல்கி றோம். இங்கு முகப்பு முன்உள்ளது என்ற பொருளில் மட்டும் வழங்கப் படு கிறது. வீட்டிற்கும் வாய் உண்டு. அது, இல்வாய்; வாய்+இல்-வாயில் என்றெல் லாம் அழைக்கப் பெறுவதுண்டு.ஆனால் வீட்டு முகப்பு என்பது வீட்டின் முன் பகுதி மட்டுமே சுட்டும் தனிச் சொல்.

பருவம் வந்த பெண்ணின் உறுப்புமாற்றம் அகநானூற்றுப்பாடல் (பா:7) ஒன்றில் சொல்லப்படும். ''மார்பு முகம் செய்தன'' என்பது அப்பாடலின் தொடரில் ஒன்று. இங்கு மார்பின் முன்பகுதியே 'முகம்' எனப்படுதல் காண்க. கோயில்களில் முன்னே உள்ள மண்டபம் முகமண்டபம் என்று அழைக்கப்படுகிறதல்லவா? அந்த முக மண்டபம் முன்மண்டபத்தைத் தானே குறிக்கிறது. யாப்பில்-செய்யுளில் 'மோனை' என்ற சொல் உள்ளதே அது முதல் ஒத்து வருதலைக் குறிப்பது. இம் 'மோனை'ச் சொல்லானது முக- முகனை-மொகனை-மோனை என்று 'முகன்' வழி வந்தது. இங்கு வந்த 'முகன்' முன்மைப் பொருளதல்லவா?

எனவே, தமிழில் 'முகம்' என்பது 'துளை' என்ற பொருளில் தோன்றிய சொல் அன்று என்பதை முதற்கண் உணர்தல் வேண்டும். முகம் ஆகிய உடற்பகுதி மாந்தனுக்கு முகப்பான பகுதி அதாவது முதன்மையான பகுதி என்ற பொருளில் தமிழில் தோன்றியது என்பதே பொருத்தமாகத் தெரிகிறது. முகம் சொல் பெற்றிருக்கும் பிறபிற பொருள்களெல்லாம் உடல் உறுப்பு குறித்ததன்பின் தோன்றிய அதன்வழிப் பொருள்களே. இடம் என்ற பொருளை இம்முகம் குறித்ததைத் திரு.வீ இராம மூர்த்தி குறித்துள்ளார். உடல் உறுப்பு குறித்த சொற்களாகிய பல இடப்பொரு ளைக் குறிப்பதை இவ்விடத்துச் சுட்டலாம். கண், கால், தலை, இடை, வாய் ஆகிய சொற்களெல்லாம் உடல் உறுப்புகளைக் குறிப்பதுடன் இடப் பொருள்களைக் குறிக்கும் ஏழாம் வேற் றுமை உருபாகவும் வருவதை எண்ணுக.

'கல்' (கல்லு), தோண்டுதற் பொருள் தரும் ஓர் தமிழ் வேர். இது, கல்-கலம்; மரக்கலம்; மட்கலம்; கல்-கல்லுவம்-கலுவம்; கல்-கன்-கன்னம் போல் பலப்பல துளைப் பொருட்சொற் களை உருவாக்கும். ஆதலின், மு-கன் (முன் உள்ள துளை அதாவது வாய்) என மானியர் பிரித்தது சரியெனக் கொண்டாலும் அதன் துளை உணர்த் தும் 'கன்' ஓர் தமிழ்வேர் வழியது என்பதும் இங்கு குறிப்பிடத்தக்கதாகும்.

மலேசியத் தமிழ் நெறிக் கழகத்தால் மலேசியாவில் பல இடங்களில் திருக்குறள் வகுப்புகள் நடத்தப் படுகின்றன.

2011-03-02T05:16:00.000-08:00

நாடு முழுமையிலும் பல்வேறு இடங்களில் மலேசியத் தமிழ் நெறிக் கழகம் திருக்குறள் தமிழ் நெறி வாழ்வியல் வகுப்புகளை நடத்தி வருகின்றது. பத்துமலை, தெலுக் பங்க்லிமா காராங், காப்பார், கோலா குபு பாரு, பாடாங் செராய் , கூலிம் பாய பெசார், சிறி கூடாய் சொகூர், லெமா கெடாய் சொகூர், செமினி, ஊத்தான் மெலிந்தாங் பேராக் முதலான இடங்களில் நடக்கும் திருக்குறள் வகுப்புகளில் கலந்து கொண்டு பயன் பெறுமாறு அன்பர்களை வேண்டுகின்றோம்.

தொடர்புக்கு : தமிழ்வாணன் 0164171441,
நிலவன் : 0133185423
கதிரவன் :0163559550,
கன்னித்தமிழன் : 0167316944

மலேசியத் தமிழ் நெறிக் கழகத்தின் தமிழ்நெறி மாணவர் பண்பாளர் விழா 2010

2010-12-15T05:34:00.000-08:00

மலேசியத் தமிழ் நெறிக் கழகத்தின் முதன்மை ஆண்டு நிகழ்வுகளில் குறிப்பிடத் தக்க ஒன்றாக விளங்கும் நிகழ்வே தமிழ் நெறி மாணவர் பண்பாளர் விழாவாகும் . கடந்த பதினோரு ஆண்டுகளாக மிகச் சிறப்பாக நிகழ்த்தப் படும் இந்நிகழ்வில் நாடு தழுவிய அளவில் வாழ்கின்ற இயக்க குடும்பங்களும் இயக்கப் பிள்ளைகளும் மிகுந்த ஈடுபாட்டுடன் கலந்து கொண்டு பங்களித்துச் சிறப்பு செய்யவர்.

கலந்து கொள்ளும் மாணவர்கள் அனைவரும் தூய தமிழ்ப் பெயரையே சூட்டியிருப்பர். இவர்களில் பெரும்பாலோர் பிறப்பு ஆவணத்திலேயே தூயதமிழ்ப் பெயரைத் தாங்கியவர்கள் என்பது குறிப்பிடத் தக்கது. தூய தமிழ்ப் பாடல் போட்டி, தமிழிய சிந்தனை தாங்கிய பேச்சுப் போட்டி, தமிழ், தமிழர், தமிழீழப் பாடல்களுக்கான எழுச்சி நடனங்கள், கணினி ஒளிககீற்றுப் போட்டி, சுவரொட்டி வரையும் போட்டி, தமிழுணர்வு நாடகங்கள் முதலானவை இந்நிகழ்வில் சிறப்புற நடைபெறும். தமிழர் வரலாற்றை வெளிப்படுத்தும் திரட்டேடு

அணியப் போட்டியும், தமிழ் கொள்கை வரிகளைத் தாங்கிய தட்டி உருவாக்கும் போட்டி, வண்ணம் தீட்டும் போட்டி முதலானவையும் இடம்பெறும்.

இம்முறை 12 ஆவது முறையாக மலேசியாவில் சொகூர் மாநிலத்தில் யாக்யா அவாள் தமிழ்ப் பள்ளியில் இவ்விழா நிகழ்வுறும். குறள்நெறிச்செல்வர் டத்தோ ஈசுவரன் ( விங் ஆப் நிறுவன நிருவாக இயக்குனர்) அவர்கள் விழாவை திறந்து வைத்து திறப்புரை நிகழ்த்துவார். செந்தமிழ்ச் செல்வர் ஓம்ஸ் தியாகராசன் அவர்கள் நிறைவு செய்து நிறைவுரை நிகழ்த்துவார். மலேசியத் தமிழ் நெறிக் கழகத் தேசியத் தலைவர் இரா.திருமாவளவன் அவர்கள் தலைமையேற்று தலைமையுரை நிகழ்த்துவார். இத்திங்கள் 18 .12 .2010 ஆம் நாள் காரிக் கிழமை காலை 8 .30 லிருந்து மாலை 6 .வரை நிகழ்வுறும் இந்நிகழ்விற்கு தமிழ் உணர்வாளர்கள் கலந்து கொண்டு தமிழின்பம்

பெற அழைக்கப் படுகின்றார்கள்.

ந.மு .வேங்கடசாமி நாட்டார் கல்லூரி அமைப்பாளர் தமிழறிஞர் விருத்தாச்சலனார் மறைவு .. திருநெறி ஆழ்ந்த இரங்கல்

2010-12-02T06:07:00.000-08:00

தமிழவேள் உமாமகேசுவரனார் கரந்தைக் கலைக்கல்லூரியின் முன்னாள் முதல்வரும், நாவலர் ந.மு.வேங்கடசாமி நாட்டார் திருவருள் கல்லூரி நிறுவனருமான தமிழறிஞர் உலகப் பெருந்தமிழர் பேராசிரியர் பி. விருத்தாசலனார் அவர்கள் 18-11-2010 அதிகாலை இயற்கை எய்தினார்.

பேராசிரியர் பி. விருத்தாசலம் அவர்கள் தனது இறுதி மூச்சு வரை தமிழுக்காகவும், தமிழருக்காகவும் அயராது போராடியவர் ஆவார். தமிழ் வழிக் கல்வி இயக்கத்தின் தலைவராகப் பணியாற்றி தமிழ் வழிக் கல்விக்காக பல மாநாடுகளை நடத்தியவர்.

புகழ்பெற்ற கரந்தைப் புலவர் கல்லூரியின் முதல்வராக 28 ஆண்டுகள் அவர் பணிபுரிந்தபோது ஆயிரக்கணக்கில் உணர்வுள்ள தமிழாசிரியர்களை உருவாக்கினார். சென்னைப் பல்கலைக் கழகத்தின் பேரவை உறுப்பினராக இருந்தபோது பல்கலைக் கழக இலச்சினையில் இடம்பெற்றிருந்த ஆங்கில வாசகங்களை அகற்றி 'தொட்டனைத்தூறும் அறிவும் ஆற்றலும்' என்ற தமிழ்ச் சொற்றொடரை இடம்பெறச் செய்தார். 1982ஆம் ஆண்டு முதல் பாரதிதாசன் பல்கலைக் கழகத்தின் ஆட்சிக்குழு, பேரவை, பாடத்திட்டக் குழுக்களில் இடம்பெற்று அரிய தொண்டுகள் பல செய்தார். நாவலர் ந.மு. வேங்கடசாமி நாட்டாரின் நூற்றாண்டு விழாவைச் சிறப்பாகக் கொண்டாடினார். உலக நாடுகள் மற்றும் தமிழகத்தில் நடைபெற்ற உலகத் தமிழ் மாநாடுகளில் சங்க இலக்கியம் குறித்து சிறப்பான ஆய்வுரைகள் நிகழ்த்தியுள்ளார்.

இவரது தமிழ்த்தொண்டினைப் பாராட்டி மதுரை காமராசர் பல்கலைக் கழகம் தமிழ்ப் பேரவைச் செம்மல் என்ற விருதினை வழங்கியது. 2009ஆம் ஆண்டு தஞ்சையில் நடைபெற்ற சதயத் திருவிழாவில் இவருக்கு இராசராசன் விருது வழங்கப்பட்டது. 2010ஆம் ஆண்டு சனவரியில் தஞ்சையில் நடைபெற்ற உலகத் தமிழர் பேரமைப்பின் ஏழாம் ஆண்டு நிறைவு மாநாட்டின் போது இவருக்கு உலகப் பெருந்தமிழர் விருது வழங்கப்பட்டது.

வாழ்நாள் முழுவதிலும் தமிழுக்கும் தமிழருக்கும் தொண்டாற்றுவதையே தனது கடமையாகக் கொண்டு வாழ்ந்த உலகப் பெருந்தமிழர் பி. விருத்தாசலனாரின் மறைவு தமிழ்கூறும் நல்லுலகிற்கு மிகப்பெரிய இழப்பாகும். அவரின் பிரிவினால் வருந்தும் அவரது குடும்பத்தினருக்கு நமது ஆழ்ந்த இரங்கலைத் தெரிவித்துக்கொள்கிறோம்.

உலக குமுகம் வழங்கிய வாக்குறுதியை நிறைவேற்றுதற்கே அமைதியைப் பேணி வருகின்றோம் ... புலிகள் மாவீரர் நாள் செய்தி..

2010-11-27T08:29:00.000-08:00

உலக குமுகம் வழங்கிய வாக்குறுதியை நிறைவேற்றுதற்கே அமைதியைப் பேணி வருகின்றோம் ... புலிகள் மாவீரர் நாள் செய்தி..

மாவீரர்நாள் அறிக்கை
26-11-2010
தமிழீழம்

எமது அன்புக்கும், மதிப்புக்குமுரிய தமிழீழ மக்களே,

தேச விடுதலை என்ற அதியுயர் இலட்சியக் கனலை நெஞ்சில் சுமந்து, மரணத்தை வெற்றிகொண்டு, எமது இதயங்களில் நித்திய வாழ்வுபுரியும் மாவீரர்களை நினைவேந்தல் செய்யும் தேசிய மாவீரர் வாரம் இது.

சத்தியத்தை சாட்சியாக வரித்து சத்தியப் போர்புரிந்த எமது மாவீரர்களை நாமனைவரும் பூசிக்கும் தூயஏழல் இது. விடுதலையின் முதல் வித்தாக விழிமூடிய லெப்.சங்கர் என்ற அக்கினிக்குழந்தையின் வழித்தடம் நடந்து சத்திய வேள்வியில் தம்மை ஆகுதியாக்கிய ஆயிரமாயிரம் வீரப்புதல்வர்களையும், வீரப்புதல்விகளையும் தமிழினம் ஆராதிக்கும் இந்த நாட்களில் தனியரசுப் பாதையில் மாவீரர்களின் ஆன்மீக வல்லமை வேண்டி நாமனைவரும் உறுதிபூண்டு நிற்கின்றோம்.

மரணம் என்பது மாவீரர்களுக்கு உரித்தானதன்று. அக்கினிப் பிழம்பாக, தீமைகளைச் சுட்டெரிக்கும் எரிமலையாக தமிழீழ தேசம் முழுவதும் வியாபித்து நிற்கும் மாவீரர்களை சாவு தீண்டுவதில்லை. காற்றோடு காற்றாகவும், கடலோடு கடலாகவும், மண்ணுக்குள் விதையாகவும் நித்தியத் துயில் கொள்ளும் எங்கள் வீரமறவர்கள் சாவை வென்ற சரித்திரநாயகர்கள்.

எமது மாவீரர்களின் வாழ்வும், வரலாறும் வார்த்தைகளுக்கும், வர்ணனைகளுக்கும் அப்பாற்பட்டது. எமது மாவீரர்களின் அடியும், முடியும் எவராலும் அளவிட முடியாதது. எமது பெருந்தலைவனின் வழிகாட்டலில் களமாடி எமது மாவீரர்கள் புரிந்த சாதனைகள் எண்ணிலடங்காதது. அடங்கிக் கிடந்த தமிழினத்திற்கு முகவரியளித்த எமது தேசியத் தலைவரின் எண்ணங்களுக்கு செயல்வடிவம் கொடுத்து எமது மாவீரர்கள் புரிந்த ஈகங்களின் அர்த்தபரிமாணங்கள் மனிதகுல வரலாற்றில் என்றுமே நீடித்து நிலைத்துநிற்கும்.

காலநதியின் ஓட்டத்தில் உலக ஒழுங்கு கட்டவிழ்ந்து செல்கின்றது. புதுப்புது முடிச்சுக்களுடன் கட்டவிழும் உலக ஒழுங்கில் ஓயாத பயணமாக எமது விடுதலைப் போராட்டமும் முடிவின்றித் தொடர்கின்றது. எமது தேசியத் தலைவரின் வழிகாட்டலில் இருபது ஆண்டுகள் இயங்கிய தமிழீழ நடைமுறை அரசு எதிரியால் சிதைக்கப்பட்டு, இருண்ட பூமியாக இன்று எமது மண் மாற்றப்பட்டுள்ளது. அடங்காப்பற்றாக வணங்காது தலைநிமிர்ந்து நின்ற வன்னிமண் இன்று அந்நிய ஆக்கிரமிப்பின் உறை விடமாக அழிவுற்றுக் கிடக்கின்றது. ஈழத்தமிழினத்தின் வரலாற்றுப் பெருமைகூறும் யாழ்ப்பாணமும், திருகோணமலையும், மட்டக்களப்பும், அம்பாறையும் இன்று தமது வரலாற்றுப் பெருமைகளை இடிபாடுகளுக்குள் தொலைத்து நிற்கின்றன.

தமிழினத்தின் வரலாற்று வழிபாட்டுத் தலங்கள் இடிக்கப்பட்டு அங்கெல்லாம் பௌத்த விகாரைகளும், சிங்களப் பண்பாட்டுச் சின்னங்களும் முளைவிடுகின்றன. தமிழ் நிலங்களை புத்தர் சிலைகளும், அந்நிய ஆக்கிரமிப்புச் சின்னங்களும் ஆட்சிசெய்கின்றன. எமது மக்களின் பொருண்மிய வாழ்வும், வளங்களும் அந்நியர்களிடம் விலைபேசப்படுகின்றன. பேச்சுரிமை இழந்து, உயிர்வாழும் உரிமையும் மறுதலிக்கப்பட்டு அழிக்கப்பட வேண்டிய இனம் என்ற வரையறைக்குள் ஈழத்தமிழினத்தை சிங்களம் பகுத்துள்ளது.

யுத்த வெற்றிக் களிப்பில் திளைத்து நிற்கும் சிங்களம், ஆணவத்தின் உச்சத்தில் ஏறிநின்று தமிழீழ மண்ணையும், தமிழீழ மக்களையும், தமிழ் மொழியையும் துடைத்தழிக்கும் வெறிகொண்டு இனவழிப்பை அரங்கேற்றுகின்றது. தென்னிலங்கையில் ராஜபக்ச குடும்பத்தின் காட்டாட்சி நர்த்தனமாட, தமிழீழ தாயகத்தில் சிங்களத்தின் பேயாட்சி தலைவிரித்தாடுகின்றது.

அதியுச்ச படைவலிமையுடனும், ஈவிரக்கமற்ற படைக்கலப் பிரயோகத்துடனும் எமது மக்களைக் கொன்றுகுவித்து எமது தாய்மண்ணை ஆக்கிரமித்த சிங்களம், எமது மாவீரர்கள் நித்தியத் துயில் கொள்ளும் கல்லறைகளையும் விட்டுவைக்கவில்லை. மாவீரர் நினைவாலயங்களை இடித்து வீழ்த்திய சிங்களம், மாவீரர் துயிலும் இல்லங்களை உழுதெறிந்து மாவீரர்களின் உறைவிடங்கள் மீது படைத்தளங்களையும், விமான ஓடுபாதைகளையும் நிறுவிக் குரூரத் திருப்தியடைந்துள்ளது.

துட்டகாமினியின் மறுபிறப்பாக தன்னை முன்னிறுத்தி மகாவம்ச மனவுலகில் முடிசூடியிருக்கும் சிங்கள அதிபர் ராஜபக்ச, தனது மூதாதையரை விஞ்சிய இனவெறியராகத் தன்னை அடையாளப்படுத்துவதில் பெருமிதம் கொள்கின்றார். அன்று எல்லாளனை சூழ்ச்சியால் வெற்றிகொண்ட துட்டகாமினிகூட எல்லாளனுக்கு சமாதியமைத்து தமிழ் மன்னனின் வீரத்திற்கு மதிப்பளித்து நற்பெயர் தேடினான். ஆனால் துட்டகாமினியின் இரத்தவாரிசாகத் தன்னை அடையாளப்படுத்தும் ராஜபக்சவோ மாவீரர்களின் உறைவிடங்களை உழுதெறிந்து பௌத்தத்தின் காவலனாக தன்னை நிலைநிறுத்திக் கொண்டுள்ளார்.

இனவெறிகொண்டு மாவீரர்களின் உறைவிடங்களை சிங்களம் உழுதெறிந்தாலும்கூட, எமது மண்ணுக்குள்ளேயே அந்த வீரமறவர்கள் நித்தியத்துயில் கொள்வதை சிங்களத்தால் தடுக்க முடியவில்லை. எமது தேசத்தை ஆகர்சித்து நிற்கும் மாவீரர்களின் ஆன்மீக வல்லமையை முடக்கவும் இயலவில்லை. கல்லறைகளில் கண்ணீர் சொரிந்து, வாசமலர்களைப் பொழிந்து, மாவீரர்களுக்கு ஈகைச்சுடரேற்றும் எமது மக்களின் உரிமையை ஆயுதவலிமையால் இன்று சிங்களம் தடுத்து நிறுத்தினாலும், தமது இதயங்களில் மாவீரர்களுக்கு எமது மக்கள் அகச்சுடரேற்றுவதை சிங்களத்தால் தடுத்து நிறுத்த முடியவில்லை. உலகெங்கும் ஒரேநேரத்தில் தமிழினம் அணிதிரண்டு அக்கினிப்பிழம்பாக மாவீரர்களைத் தரிசிப்பதையும் சிங்களத்தால் முடக்க இயலவில்லை.

எமது அன்பார்ந்த மக்களே,

வரலாறு காணாத மிகப் பெரும் சோதனையை இன்று ஈழத்தமிழினம் சந்தித்து நிற்கின்றது. போரை வெற்றிகொண்டு அமைதியை நிலைநாட்டியிருப்பதாக உலகிற்குப் பிரகடனம் செய்திருக்கும் சிங்களம், கடந்த ஒன்றரை ஆண்டுகாலப் பகுதியில் எமது மண் மீதும், மக்கள் மீதும் புதிய வடிவில் போர்தொடுத்துள்ளது.
படைக்கல வலிமையில் கடந்த ஆறு தசாப்தங்களாக வெளிப்படையாக சிங்களம் அரங்கேற்றிய தமிழின அழிப்பு என்பது இன்று சத்தம்சந்தடியின்றி நிகழ்ந்தேறுகின்றது. அபிவிருத்தியின் பெயரால் எமது வளங்கள் அந்நியர்களிடம் தாரைவார்க்கப்படுகின்றன. மீள்குடியேற்றத்தின் பெயரால் எமது மண் கபளீகரம் செய்யப்படுகின்றது. அதியுயர் பாதுகாப்பு வலயங்களின் பெயரால் எமது குடிநிலங்கள் வல்வளைப்புச் செய்யப்படுகின்றன. இன நல்லிணக்கத்தின் பெயரால் கடுகதியில் எமது மண்ணில் சிங்களக் குடியேற்றங்கள் வேரூன்றுகின்றன. பௌத்த தர்மத்தின் பெயரால் எமது மக்களின் பண்பாட்டு வாழ்வு சிதைக்கப்படுகின்றது. தன்னாட்சியுரிமைக்கும், அதனடிப்படையிலான தனியரசுக்கும் உரித்தான எமது இனம், சிறுபான்மையினமாக சிறுமைப்படுத்தப்பட்டு எமது மக்களின் பொருண்மிய வாழ்வும், உரி மைகளும் பறிக்கப்படுகின்றன.
மறுபுறத்தில் தனது ஆயுதப் படைகளின் ஆட்பலத்தைப் பெருக்குவதிலும், படைக்கல வலிமையை தக்கவைப்பதிலும் கவனம்செலுத்தித் தனது யுத்தப்பாதீட்டிற்குப் பெரும்தொகையில் நிதியை ஒதுக்கீடு செய்திருக்கும் சிங்களம், தமிழீழ தாயகப் பகுதிகளை முழுஅளவில் படைவலயங்களாகக் கட்டமைத்து வருகின்றது.

இருந்த பொழுதும் தமிழினத்தின் இதயங்களில் தணியாத தாகமாக, அணையாத தீயாகக் கொழுந்துவிட்டெரியும் தமிழீழ தனியரசுக்கான இலட்சியக் கனலை சிங்களத்தால் அணைத்துவிட முடியவில்லை.

எமது பாசத்துக்குரிய மக்களே,

சிங்களம் எக்காளமிடுவது போன்று நாம் அழிந்துவிடவில்லை. எமது இலட்சியப் பயணம் ஓய்வுக்கு வந்துவிடவுமில்லை. காலநதியின் ஓட்டத்திற்கேற்ப, வரலாற்றின் வழிகாட்டலுக்கு இணங்க எமது போராட்ட வடிவம் புதுமெருகூட்டப்பட்டுப் பரிணமித்துள்ளதே தவிர எமது இலட்சியம் மாறிவிட வில்லை.
நாம் போர் வெறியர்கள் அல்ல. நாம் அமைதியை விரும்பும் ஒரு தேசிய இனம். எமது சொந்த மண்ணில், எமது சொந்த மொழியையும், பண்பாட்டையும், பொருண்மிய வாழ்வையும் பேணி உலகின் ஏனைய இனங்களுடன் நல்லுறவைப் பேணி சகவாழ்வு புரிவதற்கே நாம் விரும்புகின்றோம். காலனித்துவ ஏகாதிபத்தியத்திடம் பறிபோய், இன்று சிங்களம் ஆக்கிரமித்திருக்கும் எமது இறையாண்மையை நிலைநாட்டி, எமது சொந்தமண்ணில் தனியரசு அமைத்து எம்மை நாமே ஆட்சிசெய்வதற்கே நாம் விரும்புகின்றோம்.

ஆயுதத்தின் மீது அலாதிப்பிரியம் கொண்டு எமது இனம் ஆயுதப் போர்புரியவில்லை. தந்தை செல்வாவின் வழிகாட்டலில் அறவழி தழுவி அன்று எமது மக்கள் போராடினார்கள். அன்று சமவுரிமை கோரிய எமது மக்கள் மீது குண்டர்களின் அடக்குமுறையை ஏவிச் சிங்களம் கலகம்புரிந்தது. பின்னர் சுயாட்சி கோரி அறப்போரை தீவிரப்படுத்திய எமது மக்கள் மீது ஆயுத அடக்குமுறையை ஏவி அரச பயங்கரவாதத்தை சிங்களம் கட்டவிழ்த்து விட்டது. அறவழியில் எமது உரிமைகள் மறுக்கப்பட்ட நிலையிலேயே அன்றைய எமது இளைய தலைமுறை ஆயுதமேந்துவதற்கு நிர்ப்பந்திக்கப்பட்டது. ஆயுதப் போராட்டத்திற்கான புறச்சூழலை நாம் தோற்றுவிக்கவில்லை. எமது மக்கள் மீது திணிக்கப்பட்ட சிங்கள ஆயுத அடக்குமுறையே எமது இளைய தலைமுறையை தற்காப்புப் பாதையில் ஆயுத மேந்துவதற்கு நிர்ப்பந்தித்தது. எமது தேசத்தின் மீது சிங்களம் ஏவிய வன்முறைப் புயலே எமது விடுதலை இயக்கத்தின் தோற்றத்திற்கும், எழுச்சிக்கும் காலாக அமைந்தது.

இருந்த பொழுதும் அமைதிவழியில் எமது உரிமைகளையும், தேசிய விடுதலையையும் வென்றெடுப்பதற்கு கிடைத்த ஒவ்வொரு சந்தர்ப்பத்தையும், ஒவ்வொரு இடைவழியையும் நாம் தவறவிட வில்லை. திம்புவில் இருந்து ஜெனீவா வரை நிகழ்ந்தேறிய ஒவ்வொரு அமைதி முயற்சிகளிலும் நாம் பங்குபற்றினோம். போருக்கு ஓய்வு கொடுத்து அமைதிவழியில் தீர்வு காண்பதற்கு முன்னர் இந்தியப் பேரரசும், பின்னர் நோர்வேயும், இணைத்தலைமை நாடுகளும் அளித்த ஒவ்வொரு வாய்ப்புக்களையும் இதயசுத்தியுடன் நாம் அணுகினோம். இறுதியாக நோர்வேயின் அனுசரணையுடன் இடம்பெற்ற சமாதானப் பேச்சுவார்த்தைகளில் பல விட்டுக்கொடுப்புக்களை எமது மக்களும், நாமும் புரிந்தோம். எமது இலட்சியத்தில் உறுதியாக நாம் நின்ற பொழுதும், உலகின் வேண்டுகைக்கு செவிசாய்த்தும், மதிப்பளித்தும் நெகிழ்வுப் போக்குடன் நாம் நடந்து கொண்டோம்.

எனினும் எமது மக்களின் வாழ்வியல் பிரச்சினைகளைப் புறந்தள்ளிவிட்டு அரசியல் தீர்வு என்ற மாயைக்குள் எமது போராட்டத்தை மழுங்கடிப்பதிலேயே சிங்களம் குறியாக நின்றது. போர்நிறுத்தத்தின் விதிகளை அப்பட்டமாக மீறி எம்மை சீண்டியிழுப்பதற்கு சிங்களம் முற்பட்டது. அரசியலமைப்பு என்ற சட்டகத்திற்குள் நின்றவாறு கடும்போக்கைக் கடைப்பிடித்து பேச்சுவார்த்தைகளுக்கான புறச்சூழலை படிப்படியாக சிங்களம் இல்லாதொழித்த பொழுதுகூட நாம் பேச்சுவார்த்தைகளை முறித்துக் கொள்ளவில்லை. எந்தவொரு விடுதலை இயக்கமும் புரிந்திராத புதுமையாக நாமேயொரு இடைக்கால நிர்வாக வரைபைத் தயாரித்து உலகிற்கும், சிங்கள தேசத்திற்கும் முன்வைத்தோம்.

எமது நெகிழ்வுப் போக்கை தவறாகப் புரிந்து கொண்ட சிங்களம் எம்மால் சமர்பிக்கப்பட்ட இடைக்கால வரைபு பற்றிப் பேச மறுத்தது. ஒட்டுக்குழுக்களைக் கட்டமைத்து எமக்கு எதிராக நிழல் யுத்தத்தை தொடுத்தது. இருந்த பொழுதும் போர்நிறுத்த உடன்படிக்கையை நாம் முறித்துக் கொள்ளவில்லை. சமாதானத்தின் மீது கொண்ட எமது பற்றுறுதியை வெளிப்படுத்தும் நிமித்தம் உலகின் அழைப்பிற்கு மதிப்பளித்து ஜெனீவா பேச்சுவார்த்தைகளில் நாம் பங்குபற்றினோம்.

எனினும் பேச்சுவார்த்தைகளில் காணப்பட்ட இணக்கப்பாட்டிற்கு முரணாக எமது தேசத்தின் மீது அறி விக்கப்படாத யுத்தத்தை சிங்களம் தொடுத்தது. பேசித்தீர்க்க வேண்டிய மாவிலாறு நீர்ப் பிரச்சினையைப் பூதாகரப்படுத்தி எமது மண் மீது நில ஆக்கிரமிப்புப் போரை சிங்களம் ஏவிவிட்டது. ஈற்றில் போர்நிறுத்த ஒப்பந்தத்தையும் சிங்களம் கிழித்தெறிந்தது.

ஆயுதப் போராட்டமும், போரும் நாம் விரும்பியேற்ற தெரிவுகளல்ல. இவையிரண்டும் எம்மீது திணிக்கப்பட்டவை. வன்னிப் போர் உக்கிரமடைந்த பொழுதுகூட போர்நிறுத்தம் செய்வதற்கான பற்றுறுதியை மீண்டும் மீண்டும் நாம் வெளிப்படுத்தினோம். எமது மக்களுக்காகத் தமது உயிரை வேலியாக்கிக் களமாடிய எமது வீரர்கள், மக்களுக்காக எந்தவொரு அதியுச்ச ஈகத்தையும் புரிவதற்குத் தயாராகவே இருந்தார்கள். அந்நிய ஆக்கிரமிப்பால் எமது நிலப்பரப்பு சுருங்கிய பொழுதுகூட மக்களைக் காத்து, மக்களின் துயர்துடைப்பதற்காகவே எமது வீரர்கள் அரும்பணி புரிந்தார்கள். எமது மக்களுக்காக உயிரையே ஈகம்செய்யத் துணியும் எமது விடுதலை இயக்கம், எமது மக்களின் பாதுகாப்பை உலகம் பொறுப்பெடுக்கும் என்ற நம்பிக்கையில் முள்ளிவாய்க்காலில் அதியுயர் ஈகங்களைப் புரிந்தார்கள்.

எமது அன்பார்ந்த மக்களே,

போராட்ட இலட்சியத்தைக் கைவிட்டு சிங்களத்திடம் நாம் மண்டியிடவில்லை. எமது மக்களின் உரிமைகளைக் காற்றில் பறக்கவிட்டு சலுகைகளுக்காக சிங்களத்தை நாம் யாசிக்கவுமில்லை. மென்வழி தழுவி எமது மக்களின் உரிமைகளை வென்றெடுப்பதற்கும், எமது மக்களின் பாதுகாப்பை உறுதி செய்வதற்கும் உலக சமூகம் வழங்கிய வாக்குறுதியை நிறைவேற்றுவதற்கு வாய்ப்பளித்தே கடந்த ஒன்றரை ஆண்டாக ஒருதலைப்பட்சமான முறையில் நாம் அமைதியைப் பேணி வருகின்றோம்.

நாம் எடுத்திருக்கும் இந்தத் தெரிவு மிகவும் கடினமானது. நோர்வே அரசின் அனுசரணையுடன் இடம்பெற்ற சமாதானப் பேச்சுவார்த்தைகளில் நாம் புரிந்த விட்டுக்கொடுப்புக்களை விட இது உன்னதமானது. அக்காலப் பகுதியில் நாம் சந்தித்த இழப்புக்களை விட இது அதிக அளவிலானது.

முள்ளிவாய்க்கால் போரில் எமது மக்களைப் பாதுகாப்பதற்காக நிராயுதபாணிகளாகப் பேசச் சென்ற எமது அரசியல் போராளிகளை நயவஞ்சகமான முறையில் சிங்களம் படுகொலை செய்தது. களத்தில் விழுப்புண்ணெய்தி குற்றுயிராகத் துடித்த எமது போராளிகளை சிங்களம் சிறைப்பிடித்தது. உலகை நம்பி முள்ளிவாய்க்கால் கடலோரத்தில் காத்துநின்ற எமது மக்களை வகைதொகையின்றி சிங்களம் நரபலிவேட்டையாடியது. எஞ்சிய மக்களை விலங்குகளை விடக் கேவலமான முறையில் வதைமுகாம்களில் அடைத்துக் கொடும்வதை புரிந்தது. எமது பெண்கள் மீது பாலியல் வன்கொடுமை ஏவிவிடப்பட்டது. முள்வேலி முகாம்களுக்குள் எமது மக்கள் சந்தித்த துயரங்கள் வார்த்தைகளில் விபரிக்க முடியாதவை. அவலங்கள் அளவிட முடியாதவை. உலகின் மனச்சாட்சி மீது நம்பிக்கை கொண்டு, மென்வழி தழுவி நின்ற எமது மக்களுக்கு சன்மானமாக சாவையே சிங்களம் பரிசளித்தது.
இருந்த பொழுதும் உலகின் மனச்சாட்சி மீதும், தர்மத்தின் மீது நாம் நம்பிக்கை இழந்து விடவில்லை. எமது மக்களின் உரிமைகளை வென்றெடுப்பதற்கும், எமது சொந்த மண்ணில் தமிழீழத் தனியரசை அமைத்து நாம் வாழ்வதற்கும் உலகம் வழிசமைக்கும் என்று நாம் நம்புகின்றோம். பொறுமையின் எல்லைக்கு இன்று எமது தேசத்தை சிங்களம் இட்டுச்சென்றாலும்கூட உலகின் நீதியான அணுகுமுறை மீதான எமது நம்பிக்கை தளர்ந்துவிடவில்லை.

எமது தேசத்தின் தனியரசு உரிமையை உலக சமூகம் பகிரங்கமாக ஏற்க மறுத்தாலும்கூட, எமது மக்களின் அரசியல் உரிமைகளுக்காக அடிக்கடி உலகத் தலைவர்கள் குரல்கொடுப்பது எமக்கு ஆறுதலை அளிக்கின்றது. எமது தேசத்தின் மீது இனவழிப்பை சிங்களம் கட்டவிழ்த்து விட்டிருப்பதை ஒப்புக்கொள்வதற்கு உலக சமூகம் பின்னடித்தாலும்கூட, போர்க்குற்றங்கள் பற்றி உலகத் தலைவர்கள் பேசுவது எமக்குத் தென்பூட்டுகின்றது. இந்த வகையில் ஈழத்தீவில் தமிழினத்தை வேரோடு துடைத்தழிக்கும் இனவழித்தொழிப்பு நிகழ்ச்சித் திட்டத்தை கடந்த ஆறு தசாப்தங்களாக நடைமுறைப்படுத்தி வரும் சிங்களத்திடமிருந்து இனியும் எந்தவொரு அரசியல் தீர்வையும் தமிழினம் எதிர்பார்ப்பது அபத்தமானது என்பதைப் புரிந்து கொண்டு, நீதியின்பால் நின்று எமது தேசத்தின் அரசியல் சுதந்திரத்திற்கு உலகத் தலைவர்கள் வழிவகை செய்வார்கள் என்ற நம்பிக்கை எமக்கு உண்டு.

சிங்கள தேசத்திற்கு உரித்தான மண்ணைப் பிரித்தெடுத்து அரசமைப்பதற்கு நாம் முற்படவில்லை. அன்றி பயங்கரவாத வெறிகொண்டு நாம் பிரிவினைவாதம் பேசவுமில்லை. நாம் பயங்கரவாதிகளோ அன்றி இனச்சுத்திகரிப்பை சித்தாந்தமாகக் கொண்ட பிரிவினைவாதிகளோ அல்லர். நாம் எமது மக்களின் அரசியல் உரிமைகளுக்காக, அரசியல் சுதந்திரத்திற்காக, ஐக்கிய நாடுகள் சபையும், உலகின் வளர்ச்சியடைந்த தாராண்மைத்துவ நாடுகளும் போற்றிப்பேணும் தேசிய தன்னாட்சியுரிமையின் அடிப்படையில் எமது தேசத்தின் இறைமையை நிலைநாட்டுவதற்காகப் போராடும் ஒரு தேசிய விடுதலை இயக்கம்.

இந்த மெய்யுண்மையைப் புரிந்து கொண்டு எமது தேசத்தின் தன்னாட்சியுரிமையை அங்கீகரித்து, தமிழீழத் தனியரசுக்கான புறநிலைகளை தோற்றுவித்து எமது மக்களின் விடிவிற்கு வழிவகை செய்யுமாறு உலக சமூகத்திற்கு நாம் அறைகூவல் விடுக்கின்றோம். இதேநேரத்தில் எமது மக்கள் மீது இனவழிப்புப் போரைத் திணித்த சிங்கள ஆட்சியாளர்களை போர்க்குற்றவாளிகளாக்கித் தண்டிக்குமாறும் உலக சமூகத்தை நாம் வலியுறுத்துகின்றோம்.

முள்ளிவாய்க்கால் போரில் நயவஞ்சகமான முறையில் சிறைப்பிடிக்கப்பட்ட எமது போராளிகளையும், எமது விடுதலை இயக்கத்திற்கு உறுதுணை நின்ற மக்களையும் கண்காணாத இடங்களில் சிங்களம் சிறைவைத்துள்ளது. இதேபோன்று பயங்கரவாதத் தடைச்சட்டத்தின் கீழும், அவசரகால நடைமுறை யின் கீழும் வகைதொகையின்றி கைதுசெய்யப்பட்ட எமது மக்களை நீதிவிசாரணைகள் இன்றி சிங்களம் சிறைவைத்துள்ளது. நீதிக்குப் புறம்பான முறையில் சிங்களம் சிறைவைத்துள்ள போர்க்கைதிகளையும், அரசியல்கைதிகளையும் நிபந்தனையின்றி விடுதலை செய்வதற்கு நடவடிக்கை எடுக்குமாறு உலக சமூகத்தை நாம் வேண்டி நிற்கின்றோம்.

உலக சமூகத்தின் நீதியான அணுகுமுறை மீது நம்பிக்கை கொண்டு நிற்கும் எமது மக்களின் உணர்வுகளை புரிந்து கொண்டு காலம் தாழ்த்தாது எமது தேசத்தின் அரசியல், சமூக, மனித உரிமைகளை உறுதிசெய்வதற்கான காத்திரமான நடவடிக்கைகளை உலகத் தலைவர்கள் எடுப்பார்கள் என்பதில் எமக்கு அசையாத நம்பிக்கையுண்டு.
இத்தருணத்தில் எமது தேசிய விடுதலைப் போராட்டத்தின் பெரும்தூணாக விளங்கும் புலம்பெயர்வாழ் தமிழீழ மக்களை தமது தேசியப் பணியைத் தொடர்ந்தும் முன்னெடுக்குமாறு உரிமையுடன் நாம் கோருகின்றோம்.

தாய்மண்ணை விட்டுத் தொலைதூரம் புலம்பெயர்ந்தாலும், தமிழீழ தாயகத்திலேயே ஒவ்வொரு புலம்பெயர்வாழ் தமிழர்களின் வேரும் ஆழப்பதிந்து நிற்கின்றது. தாயக மண்ணைவிட்டுப் பிரிந்த வலியை நன்கு உணர்ந்தவர்கள் என்ற வகையில், தமிழீழ தேச விடுதலைக்காக ஓயாது குரலெழுப்பி உலக சமூகத்தின் மனச்சாட்சியை தட்டியெழுப்பித் தேச விடுதலையை வென்றெடுக்கும் பொறுப்பு இன்று ஒவ்வொரு புலம்பெயர்வாழ் தமிழரையும் சார்ந்துள்ளது.

இதுவரை காலமும் எமது விடுதலைப் போராட்டத்தையும், மக்களையும் தாங்கிநின்ற புலம்பெயர்வாழ் உறவுகள், தொடர்ந்தும் எமது தாயக உறவுகளுக்கான மனிதநேய உதவிகளை வழங்கி, அவர்களின் அவலங்களைத் துடைத்து, இயல்புவாழ்வை தோற்றுவிப்பதற்கான பணிகளை தொடருமாறு வேண்டுகின்றோம்.

சோதனைகள் மிகுந்த இன்றைய காலகட்டத்தில் புகலிட உறவுகளைப் போன்று எமது மக்களின் விடிவிற்காக அயராது குரலெழுப்பும் தமிழகத் தலைவர்களுக்கும், எமது தொப்புள்கொடி உறவுகளாகிய தமிழக உறவுகளுக்கும் எமது நன்றிகளை உரித்தாக்குகின்றோம். காலத்தின் தேவையறிந்து காலம்காலமாக எமது தொப்புள்கொடி உறவுகள் புரியும் தார்மீக உதவி தமிழீழ தேசத்தின் வரலாற்றில் பொன்னெழுத்துக்களால் பதியப்பட வேண்டியது. எமது போராட்டத்திற்கான இந்தியப் பேரரசின் தார்மீக ஆதரவைப் பெற்றுத்தரும் பணியை தமிழக உறவுகள் தொடர்ந்தும் முன்னெடுக்க வேண்டும் என்று நாம் உரிமையுடன் கோருகின்றோம்.

சத்திய இலட்சியத்தை உயிர்மூச்சாக வரித்துக் கொண்ட எமது மாவீரர்களின் ஆன்மீக வல்லமை மகத்தானது. அந்த சரித்திரநாயகர்களை நினைவுகூரும் மாவீரர் வாரத்தின் இறுதி நாளாக முகிழ்க்கும் தமிழீழ தேசிய மாவீரர் நாளாகிய நவம்பர் 27ஆம் நாளன்று உலகத் தமிழினத்தை அணிதிரண்டு மாவீ ரர்களுக்கு ஈகைச்சுடரேற்றுமாறு உரிமையுடன் அழைப்பு விடுக்கின்றோம். அன்றைய நாளில் அந்நிய ஆக்கிரமிப்பில் சுடரேற்றும் வாய்ப்புக்கள் மறுதலிக்கப்பட்ட எமது உறவுகளை தமது இதயங்களில் அகச்சுடரேற்றி மாவீரர்களை நினைவுகூருமாறு அழைப்பு விடுக்கின்றோம்.

எத்தனை தடைகளை எதிர்கொண்டாலும், எத்தனை இடர்களுக்கு ஆளானாலும் எம்தலைவனின் வழிகாட்டலில், மாவீரர்களின் இலட்சியப் பாதையில் பயணித்து தமிழீழத் தனியரசை நிறுவுவோம் என உறுதிபூணுவோமாக.

நன்றி.

“புலிகளின் தாகம் தமிழீழத் தாயகம்”

அனைத்துலகத் தொடர்பகம்,
தமிழீழ விடுதலைப் புலிகள்,
தமிழீழம்.

2010-11-27T02:59:00.001-08:00

2010-11-27T02:52:00.001-08:00

பாவாணரின் என் அண்ணாமலை நகர் வாழ்க்கை வரலாறு..

2010-11-18T06:36:00.000-08:00

அண்ணாமலைப் பல்கலைக்கழகத்தில் பாவாணர் பணியாற்றிய போது தமிழுக்கு எதிர்ப்பாக செயற்பட்ட தமிழ்ப் பகைவர்களை எதிர்த்து தன்மானத்துடன் இம்மியளவு விட்டுக் கொடுப்பும் இல்லாமல் தம் பணி துறந்து தனித்தன்மையுடன் வெளியேறிய வரலாற்று நிகழ்வு நாடகமாக்கப் பட்டுள்ளது. மலேசிய தமிழ் நெறிக் கழகச் செல்வங்களின் அரிய படைப்பு.. காண்க

இலங்கை அரசு தமிழர் மீது நிகழ்த்திய மனிதப் படுகொலைக் காட்சிகள். அல் யசிரா தொலைக்காட்சி அம்பலப் படுத்தியது...

2010-11-11T04:47:00.000-08:00

இலங்கை அரசு தமிழர் மீது நிகழ்த்திய மனிதப் படுகொலைக் காட்சிகள். அல் யசிரா தொலைக்காட்சி அம்பலப் படுத்தியது... காண்க

தமிழிசை வளம் - 1

2010-11-10T05:33:00.000-08:00

தமிழிசை வளம் - 1

இசைஅறிஞர் வீ.பா.கா. சுந்தரம் அவர்களின் இக்கட்டுரை ஐந்தாம் உலகத் தமிழ் மாநாட்டின் போது தமிழகப் புலவர் குழுவின் சார்பில் முத்தமிழ்க் காவலர் கி.ஆ.பெ.வி. அவர்களின் ஆதரவில் வெளியிடப்பட்டது........

1. சென்ற பல நூறாண்டுகளிலும் வட சொல்கள்:

பத்தாம் நூற்றாண்டுக்கு மேல் தமிழகத்தில் இசைத் துறையில் வட சொல்கள் மிகவும் வழக்குக்க வந்து வளர்ந்தோங்கிப் படிப்படியாய்த் தமிழிசைத் துறைச் சொல்களை அழியத் செய்துவிட்டன. இன்று தமிழ் நாட்டின் இசைக் கல்லூரிகளில் நூற்றுக்கு 95 விழுக்காடு வடமொழிச் சொற்களே பயன்படுத்தப்பட்டு வருகின்றன. மேலும் இசைக் கல்லூரிகளில் தமிழிசைக்கு மூலம் வடமொழியில் எழுதப்பட்ட நூல்கள் என்று ய பரும்பாலும் சொல்லி வருகின்றார்கள். வடமொழிச் செய்யுட்களையே மேற்கோள்கள் காட்டி வருகின்றார்கள். வடமொழிச் செய்யுட்களையே மேற்கோள்கள் காட்டி வருகின்றார்கள். வடமொழிச் சொற்கள் இல்லை யயனில் தமிழிசை இலக்கணத்தை விளக்கவே முடியாது என்னும் கருத்தும் உளது. தென்னக இசைக்கல்லூரிகளில் பாடமாக வைத்துள்ள இசையியல் நூல்களில் எல்லாம் நூற்றுக்கணக்கான வடமொழிச் சொல்கள் வழங்கி வருகின்றன.

2. பிறதுறை நூல்களில் புதுமலர்ச்சி:

தமிழக அரசு‡சென்ற ஆண்டுகளில் பெரிதும் முயன்று கலைச் சொல் அகராதிகள் வெளியிட்டுள்ளது. அறிவியல், நிலவியல், மெய்யியல், பயரியல், உயிரியல், ஆட்சியியல் முதலிய இயல்களுக்குத் தமிழ்த்துறைச் சொல் அகராதி வெளியிட்டுள்ளது தமிழக அரசு. ஆனால் இசையியலுக்குத் தமிழ்த் துறைத்சொல் அகராதி வெளியிடவில்லை.வெளியிடும் திட்டமும் வகுத்துத் தெரியப்படுத்ததவில்லை. தமிழக அரசு‡தமிழ் இசைத்துறைக்குச் செய்து வரும் ஆக்கப் பணிகளுள், இசைத்துறைச் சொல் அகராதித் திட்டமும் சேருதல் நலமாகும்.

3. தமிழிசை இயக்கம் செய்துள்ள தொண்டு:

அண்ணாமலையில் தோன்றி, நாளொரு மேனியாய் வளர்ந்து, வளம் நல்கி வரும் தமிழிசை இயக்கம் தமிழகத்திற்கு விழிப்புணர்ச்சி ஊட்டியது; அரும் தொண்டு ஆற்றியுள்ளது. தமிழிசை இயக்கம் ஒரு பறவை எனலாம். அதற்கு இரு இறக்கைகள். ஓர் இறக்கை, கீர்த்தனை யாத்தலும் இசையமைத்தலும். மற்றோர் இறக்கை ‡ இசை இலக்கணம், இசையியல். இசையிலக்கணத்தை இன்று வரை உரிய தமிழ்த்துறைச் சொற்களைக் கொண்டு எழுதி வெளியிட்ட நூல் ஒன்று கூட இல்லை.

இசையியில் பகுப்பு:

தமிழக இசையியலைக் கீழ்க்கண்டவாறு பகுத்து அமைக்கலாம்:
1. கோவை இயல் (சுவர சாஸ்திரம்)
2. ஒத்து இயல் (ஸ்ருதி சாஸ்திரம்)
3. பாலை இயல் (இராகம் உண்டாக்கும் முறை)
4. பண் இயல் (இராக சாஸ்திரம்)
5. பண் பகுப்பு வகையியல் (மேளகர்த்தா ஜன்ய ராகங்கள்)
6. ஆளத்தி நெறிமுறைகள் (இராகம் பாடும் இலட்சணம்)
7. தானம், பல்லவி பாடும் நெறிமுறைகள்
8. தாளவியல் (இது பல பகுப்புடையது)

4. தமிழிசை வரலாறு:

தமிழிசையியல் வரலாறு, தமிழிசைப் புலவர்கள் வரலாறு, முதலிய நூல்கள் நெறிமுறையாக வெளிவரவில்லை. ஆக்ஃச் போர்டுப் பல்கலைக் கழகம் ‡ வெளியிட்டுள்ள இசைககலைக் களஞ்சியம் போன்று ,(வீஜுe நுமுக்ஷூலிrd ளீலிதுஸ்ரீழிஐஷ்லிஐ மிலி னிற்விஷ்உ - ய்ஷ்rவிமி edஷ்மிஷ்லிஐ 1938; விeஸeஐமிஜு edஷ்மிஷ்லிஐ 1947) ஒரு இசைக் கலைக் களஞ்சியம்வெளியிடுதல் வேண்டும். இதனை அரசு வெளியிடாமல் போகுமோ என்ற கவலை நமக்கு வேண்டாம். இறையருள் கூட்ட இசைக் கலைக் களஞ்சியம் மலரும். ஒரு நாளில் நம் நாட்டுப் பெருமைகளுள் பண் அமைப்பும் தாளக் கொட்டு முழக்கு அமைப்புக்களும் தனிப்பெரும் சிறப்புடையன; உலக நாடுகட்கு நாம் கற்பிக்கத் தக்கன.

5. தமிழிசைக்கு மூலக் குறிப்புடைய நூல்கள்:

உயர்தனிச் செவ்விசை(உயிழிவிவிஷ்உழியி துற்விஷ்உ) பற்றிய குறிப்புகள் ஆயிரக் கணக்கில் பழந்தமிழ் நூல்களில் உள்ளன. அவற்றை ஆராய்ந்து தொகுத்தும் வகுத்தும் விளக்கியும் நூல்கள் எழுதுதல் வேண்டும். பழந்தமிழ்ச் செவ்விசை தொல்காப்பியத்தில் கருவாகவும், பத்துப்பாட்டில் பத்துமாதம் வளர்ந்து பிறந்த குழந்தையாகவும், சிலப்பதிகாரத்தில் சீரிய குமரிப் பெண்ணாகவும், சிலம்பின் செப்பரிய இரு பெரும் உரைகளிலே மண முடித்துச் சேய் ஈன்ற தாயாகவும் காட்சி அளிக்கின்றாள்.
இசை ஆராய்ச்சிக் கடலில் பயிற்சி பெற்றவர்கள் முறையாக நெறியாக நடுநிலை பூண்டு மூழ்சினால், கொற்கை முத்திலும் நற்பெரும் இசைமுத்துகள் கிடைக்கப் பெறலாம். தமிழைப் புறக்கணிக்காமல், இகழ்நத தள்ளாமல் இரக்கப்பட்டுக் கூடி ஆராயும் உள்ளம் வேண்டும்.

( இசை அறிஞர் வீ.ப.கா. சுந்தரம் எழுதிய தமிழிசை வளம் என்னும் நூலிலிருந்து..)

போராளிகளைப் பிளவுபடுத்தியவரே கருணாநிதிதான் பழ.நெடுமாறன் வெளியிட்ட உண்மை

2010-11-10T05:27:00.000-08:00

போராளிகளைப் பிளவுபடுத்தியவரே கருணாநிதிதான்
பழ.நெடுமாறன் வெளியிட்ட உண்மை

நீண்ட இடைவெளிக்குப் பிறகு திடீரென ஈழத்தமிழர் பிரச்னை பற்றி முதல்வர் கருணாநிதி பேசியிருக்கிறார். திருச்சிக்கு வந்த சோனியாவை இடையில் சென்னையிலேயே சந்தித்து கோரிக்கை மனு கொடுத்தவர், அதையடுத்து இராசபக்சேவுக்கு கோரிக்கை விடுத்து அறிக்கை ஒன்றையும் வெளியிட்டுள்ளார். அடுத்தடுத்து நடக்கும் அவரின் இந்த கருத்துவெளிப்பாடுகள் தமிழ் இன உணர்வாளர்கள் மத்தியில் சலசலப்பை உண்டாக்கியிருக்கிறது. இது பற்றி இலங்கைத் தமிழர் பாதுகாப்பு இயக்கத்தின் ஒருங்கிணைப்பாளர் பழ. நெடுமாறனிடம் பேசினோம்.

''போரால் பாதிக்கப்பட்ட இலங்கைத் தமிழரின் மறுவாழ்வு பற்றி முதல்வர் கருணாநிதி மீண்டும் முக்கி யத்துவம் கொடுத்து பேசியிருக்கிறாரே?''

இலங்கையில் தமிழர்களின் பேரழிவுக்கெல்லாம் காங்கிரசும் தி.மு.க. வும்தான் பொறுப்பு. ஒரு லட்சம் அப்பாவி தமிழர்களை பதைக்கப்பதைக்க படுகொலை செய்ய சிங்கள அரசுக்கு இந்திய அரசு ஆயுதம் தந்தது. மத்திய அரசில் ஒரு அங்கமாக இருந்தும் தி.மு.க. தமிழர் அழிவைத் தடுக்க எதுவுமே செய்யவில்லை. மாறாக, தமிழக மக்களை ஏமாற்ற வரிசையாக நாடகங்கள் மட்டும் அரங்கேற்றியது. முள்வேலி முகாமிலிருந்து மூன்று இலட்சம் தமிழ் மக்களை விடுவிக்குமாறு தமிழகமே... கொதித்துப் போராடியபோது, சர்வகட்சிக் குழுவை அனுப்புமாறு வலியுறுத்தப்பட்டது. ஆனால் கருணாநிதி தி.மு.க. காங். கூட்டணி எம்.பி.க்களை மட்டும் அங்கு அனுப்பி வைத்து அவர்கள் திரும்பி வந்த பிறகு அவரே ஒரு அறிக்கை தந்தார். முகாம்களில் உள்ள மக்கள் 3 மாதங்களில் அவரவர் ஊர்களில் குடியேற்றப்படுவார்கள் என்று இராசபக்சே உறுதி தந்துவிட்டார் என்றும் மக்களுக்குச் செய்யப்படும் உதவிகள் ஓரளவு திருப்தி தருவதாகவும் கூறியவர் கருணாநிதி. ஆனால் இன்ன மும் அந்த மக்கள் பெரும் துன்பத்தில் இருக்கிறார்கள் என அவரே இப்போது இடம் பெயர்ந்த மக்களுக்கு இந்தியா உதவ வேண்டும் எனக் கோரிக்கை வைக்கிறார். காங்கிரசுக்கும்-தி.மு.க.வுக் கும் உறவில் நெருடல் ஏற்படும்போது ஈழத்தமிழர் பிரச்சினையைக் கையில் எடுப்பதும் திராவிடம் பற்றிப் பேசுவதும் உறவு இணக்கமாக இருக்கும்போது அதைப் பற்றி மூச்சுகூட விடாமல் இருப்பதும் கருணாநிதியின் வழக்கம்.

''போர் மேகங்கள் சூழத் தொடங்கியதில் இருந்தே அதை மத்திய அரசு தடுக்கவேண்டும் என முதல்வர் தொடர்ந்து கூறினார்தானே?''

''மன்மோகன் பிரதமராகப் பதவி யேற்ற 2004ம் ஆண்டு முதல் 2009 வரை சிங்கள ராணுவத்தினருக்கு இந்திய ராணுவம் பயிற்சி அளித்தது. சிங்கள இராணுவத்தில் 63 சதவீதம் பேர் இப்படி இந்தியாவில் பயிற்சி பெற்றனர். 2008 - 09 ஆண்டுகளில் விடுதலைப் புலிகளுக்கு உதவிப்பொருள்கள், ஆயுதங்களைக் கொண்டுவந்த 13க்கும் மேற்பட்ட கப்பல்களை இந்தியக் கடற்படையின் உதவியுடன் சிங்களக் கடற்படை அழித்தது. வெளியிலிருந்து விடுதலைப் புலிகளுக்கு எந்தவித ஆயுத உதவியும் வராதவாறு இந்தியக் கடற்படை தடுத்தது. இது மட்டுமல்லாமல் இந்திய இராணுவத்தின் முன்னாள் லெப். ஜெனரல் சதீஷ் சந்திரா நம்பியார், இலங்கை இராணுவத்துக்கு ஆலோசகராகப் பணியாற்றினார். உச்சக்கட்டமாக ஏவுகணைகள், ராடார்களுடன் அவற்றை இயக்க ராணுவப் பொறியாளர்களையும் டெல்லி அரசு அனுப்பிவைத்தது. இதெல்லாம் நடந்தபோது மத்திய அரசில் தி.மு.க. அங்கம் வகித்தது. இவர்களின் தயவில்தான் மன்மோகன் அரசு உயிர்பிழைத்துக்கொண்டு இருந்தது. உண்மையிலேயே ஈழத்தமிழர்கள் மீது கருணாநிதிக்கு அக்கறை இருந்திருந்தால். மத்திய அரசுக்கான ஆதரவை விலக்கியிருக்க வேண்டும். அப்படிச் செய்திருந்தால் மன்மோகன் அரசு கவிழ்ந்திருக்கும். காங்கிரசு உதவியில் பதவியில் இருக்கும் தி.மு.க. அரசை காங்கிரசு கவிழ்த்திருக்கும். தனது அரசைக் காப்பாற்ற ஒரு இலட்சத்திற்கும் மேற்பட்ட தமிழர்களைக் கருணாநிதி பலி கொடுத்தார்.

''போர் நிறுத்த முயற்சி பற்றி எம்.கே. நாராயணனும் சிவசங்கர் மேனனும் அவ்வப்போது பேசிவிட்டுச் சென்றதாக முதல்வர் கூறியிருந்தாரே?''

''இலங்கையில் போர் முடிந்தவுடன் மகிந்த இராசபக்சேவின் தம்பி பசில் இராசபக்சே சில உண்மைகளை வெளியிட்டார். போர் நெருக்கடியான நேரத்தில் இந்திய - இலங்கை அரசுகள் இணைந்து செயல்படுவதற்காகக் குழு அமைக்கப்பட்டது. இந்தியத் தரப்பில் எம்.கே. நாராயணன், சிவசங்கர் மேனன், உள்துறைச் செயலாளர் ஆகியோரும் இலங்கைத் தரப்பில் பசில், கோத்தபாய இராசபக்சே, வெளியுறவுச் செயலாளர் ஆகியோர் இடம் பெற்றனர். அந்தக் காலக்கட்டத்தில் இலங்கை இராணுவத்துக்கு என்னென்ன உதவிகள் வேண்டும் என இக்குழு கூடிப்பேசி அதன்படி இந்திய அரசு உதவிகளைச் செய்தது. இதற் காகவே நாராயணனும் சிவசங்கர் மேனனும் அடிக்கடி கொழும்பு வந்து சென்றனர் என்பது பசில் இராசபக்சேவின் ஒப்புதல் வாக்குமூலம். ஆனால் போர் நிறுத்தத்திற்கு இராசபக்சேவை வலியுறுத்துவதற்காகவே அவர்கள் கொழும்பு சென்றதாக கருணாநிதி உண்மையைத் திரித்துக்கூறி தமிழக மக்களை ஏமாற்றினார்.

''போரில் அப்பாவி மக்கள் கொல்லப்படத்தான் செய்வார்கள் எனப் பேசிய ஜெயலலிதாவிற்கு ஆதரவாக ஈழத் தமிழர் பற்றாளர்கள் குரல் உயர்த்தி பிரச்சாரம் செய்வதாக கருணாநிதி குறிப்பிட்டு இருக்கிறாரே?''

ஜெயலலிதா அவ்வாறு பேசியது மன்னிக்க முடியாததாகும். ஆனால் ஆட்சிப் பொறுப்பில் இருக்கும் இவர் என்ன செய்தார் என்பதுதான் முக்கியமானது. ஈழத்தமிழர் பிரச்னை ஒரு புறம் இருக்க, தமிழ்நாட்டு மீனவர்களை சிங்களக் கடற்படை வேட்டையாடு வதைத் தடுத்து நிறுத்த இவர் என்ன செய்துவிட்டார்? தமிழ்நாட்டின் முதல மைச்சர் பொறுப்பில் இருந்து கொண்டு தன் குடிமக்களைப் பாதுகாக்க முடியாதவர் மற்றவர்கள் மீது குற்றம் சாட்டுவதற்கு அருகதையை இழந்துவிட்டார். இராசபக்சேவைப் பாதுகாப்பதற்கு என்னென்ன செய்யவேண்டுமோ அதை யெல்லாம் தவறாது செய்துகொண்டு இருக்கிறார்.

''உங்கள் குற்றச்சாட்டு கடுமையாக இருக்கிறதே?''

''நடந்ததைத்தான் நான் சுட்டிக்காட்டுகிறேன். ஈழத் தமிழர்களைப் படுகொலை செய்து ரத்தக்கறை படிந்த இராசபக்சேவின் கையைக் குலுக்குவ தற்கு, தி.மு.க. காங்கிரஸ் எம்.பி.க்களை இவர் கொழும்புக்கு அனுப்பினார்.இது எந்தக் கட்டத்தில் என்பதுதான் வர லாற்று முக்கியத்துவம் வாய்ந்தது. பிரிட்டன், பிரான்ஸ் நாடுகளின் வெளி யுறவு அமைச்சர்கள், ஐ.நா. பொதுச் செயலாளரின் சிறப்புப் பிரதிநிதி, சர்வதேச செஞ்சிலுவைச் சங்கப் பிரதி நிதிகள், ஐ.நா. மனித உரிமை ஆணைய அதிகாரிகள், சர்வதேச பத்திரிகையாளர் கள் யாரையும் முள்வேலி முகாம்களில் அடைக்கப்பட்டு இருந்த மக்களைப் பார்க்க இராசபக்சே அனுமதிக்கவில்லை. ஏன், அந்தப் பகுதிக்கான தமிழ் எம்.பி. களையும் அனுமதிக்கவில்லை. ஆனால், கருணாநிதி அனுப்பிய தூதுக்குழுவை மட்டும் இராசபக்சே வரவேற்றது எப்படி? ஏன்? அவர்களுக்கு விருந்து உபச்சாரம் அளித்தது ஏன்? அடுக்கடுக் கான இந்தக் கேள்விகளுக்கு கருணா நிதியின் பதில் என்ன?

தூதுக்குழு சென்று வந்தபிறகு கருணாநிதி வெளியிட்ட அறிக்கை இராசபக்சேவை பெரும் சங்கடத்திலிருந்து காப்பாற்றியது என்பது உண்மை. 27-5-09 அன்று ஜெனீவாவில் ஐ.நா. மனித உரிமை ஆணையக் கூட்டத்தில் இராசபக்சே ராணுவத்தின் மனித உரிமை மீறல் குறித்த விசாரணையில் பேசிய இலங்கையின் பிரதிநிதி, ''எங்கள் நாட்டுக்கு அருகில் இருக்கும் இந்தியா வைச் சேர்ந்த தமிழ்நாட்டு முதலமைச்சர் தூதுக்குழுவை அனுப்பிப் பார்வையிட்டு வன்னி முகாம்களில் சிற்சில குறை களைத் தவிர பெருமளவு முகாம்கள் நல்ல முறையில் நடத்தப்படுவதாகவும் தமிழ் மக்கள் அவரவர்கள் ஊர்களுக்கு அனுப்பப்படுவார்கள் என்பதை நம்பு வதாகவும் அறிக்கை தந்துள்ளார். ஆனால் இலங்கைக்கு தொலைவில் உள்ள மேற்கு நாடுகள்தான் உண்மை தெரியாமல் எங்கள் மீது குற்றம் சாட்டுகின்றன'' என்று கூறினார். ஆக இராசபக்சேவுக்கு ஒவ்வொரு முறையும் இக்கட்டான நிலை ஏற்படும்போ தெல்லாம் அவரைக் காப்பாற்ற இவர் உதவுகிறார் என்பதுதான் அப்பட்டமான உண்மையாகும்.

இராசபக்சேவை உலக நாடுகள் எல்லாம் போர்க்குற்றவாளி எனக் குற்றம் சாட்டுகின்றன. பத்துக்கும் மேற்பட்ட நாடுகளைச் சேர்ந்த நீதிபதிகள் அடங் கிய டப்ளின் மக்கள் தீர்ப்பாயம் இராச பக்சேவைப் போர்க்குற்றவாளி எனப் பகிரங்கமாக அறிவித்துள்ளனது. அவர் நிகழ்த்திய மனித உரிமை மீறல்களை விசாரிக்க ஐ.நா. பொதுச்செயலாளர் பான்கிமூன் அமைத்த விசாரணைக் குழுவை பிரிட்டன், ஐரோப்பிய ஒன்றிய நாடுகள் வரவேற்றுள்ளன. ஆனாலும் அக்குழுவை இலங்கைக்குள் அனு மதிக்க இராசபக்சே மறுத்துவிட்டார். இதுதான் இப்போதைய முக்கிய பிரச்னை. இராசபக்சேவின் செயலைக் கண்டித்தோ ஐ.நா. குழுவை வர வேற்றோ கருணாநிதி ஒரு வார்த்தை கூடப் பேசாதது ஏன்? இராசபக்சேவைக் கண்டிக்க மத்திய அரசுக்கு நிர்ப்பந்தம் தராதது ஏன்?

''இலங்கையில் சகோதர யுத்தம் நடக்காமல் இருந்தால் வரலாறு வேறு வடிவம் பெற்றிருக்கும் என ஆதங் கத்தோடுதானே முதல்வர் சொல்கிறார்?''

சரியாகச் சொன்னால் மதுரை டெசோ மாநாடு முடிந்த பிறகு 1986ஆம் ஆண்டு மே மாதம் ஈழத்தில் மோதல் ஏற்பட்டது. 'ரா' உளவுத்துறைதான் அதற் குக் காரணம். டெலோ இயக்கத்துக்கு ஏராளமான ஆயுதங்களைக் கொடுத்து, தமிழீழ விடுதலைப் புலிகளுடன் மோதும்படி தூண்டிவிட்டது 'ரா'. அதன் படி அவர்கள் ஆங்காங்கே விடுதலைப் புலிகளைச் சுட்டார்கள். சிலரைப் பிடித் துக்கொண்டு போனார்கள். அப்போது விடுதலைப் புலிகளின் சார்பில் இது குறித்து டெலோ தலைவர் சிறீசபாரத்தி னத்திடம் பேச்சு நடத்த கேப்டன்

லிங்கத்தை தளபதி கிட்டு அனுப்பி வைத்தார். சமாதானப் பேச்சு நடத்தச் சென்ற லிங்கத்தின் இரு கண்களையும் தோண்டி எடுத்து, அவரைக் கொடூர மாகக் கொலை செய்தார் சிறீசபாரத்தி னம். இதற்குப் பதிலடியாகத்தான் விடுதலைப்புலிகளின் தாக்குதல் நடந்தது. போராளிகளுக்கு இடையிலான மோதலுக்கு உண்மையான காரணம் 'ரா' உளவுத்துறைதான் என்பதை கருணாநிதி ஆரம்பம் முதலே மறைத்துப் பேசுகிறார்.

தமிழகத்தில் அனைத்து போராளி இயக்கங்களும் இயங்கியபோதுகூட அவர்களுக்கிடையில் பிளவை ஏற்ப டுத்த முயன்றவரும் கருணாநிதி தான். எம்.ஜி.ஆர். முதலமைச்சராக இருந்த போது 1983 சூலையில் எல்லா போராளிக் குழுக்களின் தலைவர்களை யும் அழைத்து ஒற்றுமையை உண்டாக்க முனைந்தார். அவர் அழைத்தது தெரிந்ததும் அதுவரை போராளிகள் குழுக்களைச் சந்திப்பதை தவிர்த்துவந்த கருணாநிதி, அவர்கள் எம்.ஜி.ஆரைச் சந்திப்பதற்கு முந்தைய நாளில் தன்னை வந்து சந்திக்குமாறு கருணாநிதி அழைத் தார். இவரின் அழைப்பை ஏற்று டெலோ, ஈ.பி.ஆர்.எல்.எஃப், ஈரோஸ் குழுவினர் மட்டுமே சென்றனர். இச் சந் திப்பை பத்திரிகைக்கு கருணாநிதி தந்து விளம்பரம் தேடினார். விடுதலைப் புலிகள் மட்டுமே முதலில் அழைத்த எம்.ஜி.ஆரை திட்டமிட்டபடி சந்திக்க வேண்டும் என முடிவெடுத்துச் சந்தித்தனர்.

தமிழ்நாட்டில் தி.மு.க.வுக்கும், அதி.மு.க.வுக்கும் இடையிலான போட்டா போட்டியில் போராளி இயக்கங்களைப் பிளவு படுத்தியவர் கருணாநிதியே ஆவார். பலமுறை தன் கட்சிக் கண்ணோட்டத்தில் ஈழத்தமிழர்களைப் பிளவுபடுத்தியவர் இவரேதான். போராளி களின் சகோதரச் சண்டை பற்றிப் பேசும் இவர். முதலில் தன் குடும்பத்தில் நடக்கும் சகோதரச் சண்டையை நிறுத்தட்டும்'' என்றார் நெடுமாறன்.

மலேசியத் தமிழ் நெறிக் கழக பெங்காளான் உலு கிளையின் ஏற்பாட்டில் நடந்த தமிழ் நெறி இளந்தையர்ப் பயிற்சிப் பாசறை

2010-09-15T05:57:00.000-07:00

மலேசியத் தமிழ் நெறிக் கழக பெங்காளான் உலு கிளையின் ஏற்பாட்டில் நடந்த தமிழ் நெறி இளந்தையர்ப் பயிற்சிப் பாசறை. மலேசியத் தமிழ் நெறிக் கழக தேசியப் பொருளர் மு.தமிழ்வாணன், தேசியப் பொதுச்செயலர் கனல்வீரன், தேசிய அமைப்புச்செயலர் கண்ணித்தமிழன், தேசிய இளஞர் பிரிவு செயலர் தமிழ்ச்செல்வம் முதலானோரால் மிகச்சிறப்பாக இப்பயிற்சிப் பாசறை வழிநடத்தப் பெற்றது.

தொல்காப்பியம் இருக்குவேதத்திற்கு முந்தையது! - முனைவர் க. நெடுஞ்செழியன்

2010-09-08T09:51:00.000-07:00

தொல்காப்பியம் இருக்குவேதத்திற்கு முந்தையது!
- முனைவர் க. நெடுஞ்செழியன்
19-ஆம் நூற்றாண்டின் இறுதி யில் (கி.பி.1875) அறிஞர் பர்னல் இரண்டு ஆய்வு நூல்களை வெளியிட்டார். அவற்றுள் ஒன்று, 'தென்னிந்திய எழுத்தி யல் வரலாறு.' மற்றொன்று 'அய்ந்திரப் பள்ளியைச் சார்ந்த இலக்கண ஆசிரி யர்கள்.' இவ்விரு நூல்களுள், இந்திய எழுத்தியல் வரலாறு எனும் நூலில் 'பிராமி முதலான இந்திய எழுத்து வடிவங்களுக்குத் தமிழே அடிப்படை' என்பதை உறுதி செய்திருந்தார். ஆனால் எழுத்தியல் பற்றி ஆராய்ந்த அறிஞர்கள் இவரின் கருத்தைக் கூடுமானவரை புறக்கணித்தனர். 'அய்ந்திரப் பள்ளியைச் சார்ந்த இலக்கண ஆசிரியர்கள்' (ஒய் ற்ட்ங் ஆய்ண்க்ழ்ஹ நcட்ர்ர்ப் ர்ச் நஹய்ள்cழ்ண்ற் ஏழ்ஹம்ம்ஹழ்ண்ஹய்ள்) என்ற நூலில், 'அய்ந்திரம் என்பது ஒரு சிந்தனைப் பள்ளியே தவிர அது ஒரு தனிமனிதரால் செய்யப்பட்ட இலக்கண நூல் அன்று' என்றார். மேலும் அய்ந் திரம் என்ற இலக்கண நூல் இந்திரன் என்ற கடவுளால் அல்லது தனிமனித ரால் இயற்றப்பட்டது என்பதற்கான எவ்விதச் சான்றும் கிடைக்கவில்லை என்றும் உறுதி செய்திருந்தார். ஆனால் இந்திய அறிஞர்கள், ஏ.சி. பர்னல் அவர் களின் கூற்றை ஒரு தலையாக 'அய்ந் திரம் என்பதைப் பாணினிக்கும் காலத் தால் முற்பட்ட சமற்கிருத இலக்கண நூலாகவே' கருதிவிட்டனர்.

அய்ந்திரத்தைச் சமற்கிருத 'மொழியிலமைந்த இலக்கணப் பள்ளி யாகப் பர்னல் குறிப்பிட்டாலும் கூட, அவர் தரக்கூடிய எடுத்துக்காட்டுகள் அக்கருத்தை வலியுறுத்தக்கூடிய வகை யில் அமையவில்லை. அவர் குறிப்பிடும் அவ் எடுத்துக்காட்டுகளுள் தலையா யவை இரண்டு. ஒன்று பெளத்த இலக்கியமாகிய 'அவதான சாதகத்தில்' புத்தரின் தலைமாணாக்கருள் ஒருவராகிய சாரிபுத்தன் தமிழ்நாட்டில் தன் பிள்ளைப் பருவத்தில் 'அய்ந்திரம் கற்றான்' எனக் குறிப்பிடப்பட்டுள்ளதாகும். இதனை விளக்கும் சக்கரவர்த்தி நயினார், 'அய்ந் திரம் என்பதற்கு உலகாய்தம் எனப் பொருளுரைத்தார் (அ. சக்கரவர்த்தி நயினார், நீலகேசி நூலுக்கான ஆங்கில முன்னுரை (ஆய் ஒய்ற்ழ்ர்க்ன்cற்ண்ர்ய் ற்ர் சங்ங்ப்ஹந்ங்ள்ண்). சக்கரவர்த்தி நயினார், அய்ந்திரத்தை உலகாய்தம் எனக் குறிக்க அவரின் ஆங்கில முன்னுரையைத் தமிழ்ப்படுத் திய பேராசிரியர் நா. வானமாமலை, உல காய்தம் என்பதைப் பூதவாதம் எனக் குறித்தார்.

உலகாய்தம், பூதவாதம் ஆகிய இரண்டும் ஒரு பொருள் குறிப்பன. அவை நிலம், நீர், தீ, வளி, விசும்பு என்ற அய்ந்து பூதங்களின் இயல்பை விளக்கிய அணுக்கோட்பாடுகளாகும். அறிவியலையும் தருக்கவியலையும் இணைத்த இக்கோட்பாடுகள் பேச்சுக் கலைக்குச் சிறப்பிடம் தந்தன. தருக்க முறையினால் உண்மையை நிலைநாட்ட வேண்டிய தேவை இருந்ததால் இக் கொள்கையாளர்கள் பேச்சுக் கலைக்குச் சிறப்பிடம் தந்தனர். இதனை விளக்கும் வகையில் அறிஞர் பர்னல் தரும் மற்றொரு சான்று பாணினி பற்றியதாகும்.

காஷ்மீரைச் சார்ந்த சோமதேவா என்பவர் எழுதிய கதாசரிதசாகரம் எனும் நூலிலிருந்து தரும் எடுத்துக்காட்டு அதுவாகும். இந்நூலில் 'சமற்கிருத இலக் கண ஆசிரியராகிய பாணினி அறிவிலியாக இருந்தார் என்றும், அதனால் வரரு சிகாத்தியாயனார் நடத்திய குருகுலத்திலிருந்து விலக்கப்பட்டார் என்றும், அப்படி விலக்கப்பட்ட பாணினி சிவனை நோக்கித் தவம் இருந்தார் என்றும், சிவன் அருளைப் பெற்றபின் மீண்டும் குருகுலத்திற்கு வந்து அவர்களோடு வாதம் புரிந்தார் என்றும் ஏழுநாட்கள் நடந்த அந்த வாதத்தில் பாணினி தோற்றார் என்றும் தன் அருள்பெற்ற பாணினி தோற்றதனால் ஆத்திரமுற்ற சிவன் குருகுலம் பின்பற்றிய அய்ந்திர நூல்களை எல்லாம் அழித்தான்' என்றும் குறிக்கப்பட்டுள்ளது.

மேற்காட்டிய இரண்டு சான்று களுமே அய்ந்திரம் அணுக்கோட்பாடு என்பதையும், அவ் அய்ந்திரம் தருக்க முறையில் வாதமுறையை விளக்கிய பேச்சுக்கலையின் இலக்கணம் என்ப தையும் வற்புறுத்தக் காணலாம். எனவே பனம்பாரனார் 'அய்ந்திரம் நிறைந்த தொல்காப்பியன்' எனக் குறிப்பது தொல் காப்பியர் பின்பற்றிய மெய்யியலின் அடிப்படை என்பதும், அம்மெய்யியல் தருக்க முறையினை உள்ளடக்கியது என்பதும் தெளிவு. இதனை,

நிலம்நீர் தீவளி விசும்போ டைந்தும்

கலந்த மயக்க முலக மாதலின்

எனும் நூற்பா உறுதிசெய்யும். தொல் காப்பியர் பொருளதிகாரத்தின் இறுதியில் விளக்கும் பத்து அழகு, காட்சி, ஐயம், தெளிவு முதலான தருக்கவியல் இலக்கணங்கள், 32 தந்திர உத்திகள் ஆகிய செய்திகள் யாவும் அக்கருத்தை உறுதிப்படுத்தும் சான்றுகளாகும்.

தொல்காப்பியம் இலக்கண நூலாதலால் அய்ந்திரத்தையும் இலக் கண நூலாகவே கருதிவிட்டனர் அறிஞர் கள். அப்படிக் கருதிய அறிஞர்கள்கூட அய்ந்திரத்தைச் சமற்கிருத நூலாகக் கருதவில்லை. பெளத்த வரலாற்றாசிரி யராகிய தாரநாதர், ''இந்நூல் மிகவும் பழ மையானது; தென்னகத்தில் வழங்கியது; கடவுள் உலகைச் சார்ந்தது; ஆரிய தேசத்தது அன்று'' என உறுதி செய்வார்.

தாரநாதரைப் போலவே இருக்கு வேதத்தையும் தொல்காப்பியத்தையும் ஒப்பாய்வு செய்த எம். சுந்தர்ராஜ், அய்ந் திரத்தைத் தமிழ் இலக்கண நூலாகக் கருதினாலும், அது இருக்கு வேதத்திற்கு முந்தையது என்று உறுதிசெய்கிறார் (ஓங்ம்ள் எழ்ர்ம் டழ்ங்லிஐண்ள்ற்ர்ழ்ண்c டஹள்ற்). எனவே அய்ந்திரம் என்பது இலக்கண நூலன்று. அது அணுவியலும் தருக்கவியலும் சார்ந்த அறிவுமரபுக்குரியது என்பது தெளிவாகும். ஒருவேளை அதை இலக் கண நூலாகக் கருதினாலும் கூட அது இருக்குவேதத்துக்கு முந்தைய தமிழ் மரபுக்குரியது என்பதே மாற்று உண்மை. இருக்குவேதம் எழுதாக்கிளவியாக வாய்மொழியாகவே வழங்கப்பட்டுள்ளது. சமற்கிருதத்திற்கு இன்றைய வரிவடிவம் அமைந்ததே மிகவும் பிற்காலத்தில்தான். எனவே எழுத்துமுறையே இல்லாத ஒரு மொழியில் எழுத்துகள் பற்றிய இலக் கணம் எப்படி இருந்திருக்க முடியும்?

மேலும் பானம்பாரனார், தொல் காப்பியரை 'முந்துநூல் கண்டு முறைப் பட எண்ணிப் புலம் தொகுத்தவராகப்' புகழ்கின்றார். இங்கு சொல்லப்படும் 'முந்துநூல்' என்பதில் தொல்காப்பியரின் இலக்கணப் புலமையும் அடங்கிவிடும். அதனால் அய்ந்திரம் என்பதை நாம் இலக்கண நூலாகக் கருதவேண்டியது இல்லை. அப்படிக் கருதினால் பனம்பார னார் 'கூறியது கூறல்' எனும் குற்றம் புரிந்தவராகிவிடுவார்.

நான்மறை

அதங்கோட்டாசான் நான்மறை முற்றியவர். இந்நான்மறை என்பது நச் சினார்க்கினியர் குறிப்பிடும் தைத்திரியம், பெளடிகம், தலவகாரம், சாமவேதம் எனும் கருத்தும் அண்மைக்கால ஆய்வு களால் மாற்றம் பெற்றுள்ளன. இருக்கு, யஜுர், சாம, அதர்வணம் என நான்காக எண்ணப்படும் முறை மிகவும் பிற்கால வழக்காகும். சாணக்கியரின் பொருள்நூல், வேதங்கள் மூன்று மட்டுமே என்ற பொரு ளில் ''திரையீ'' எனக் குறிப்பிடுகின்றது. அதனால், நான்மறை முற்றிய அதங் கோட்டாசான் என்ற தொடர்கூட ஆய் வுக்குரியதாகிறது. மாகறல் கார்த்திகேய னார், 'நான்மறை என்பதற்கு மூலமறை' எனப் பொருள்கொள்வதையும் இங்கே எண்ணிப்பார்க்க வேண்டும்.

மயங்காமரபின் எழுத்துமுறை காட்டி

பனம்பாரனாரின் பாயிரம் அரிய கருத்துப்புதையலின் திறவுகோலாகும். அறத்தைப் பரப்பும் இயல்பும், வேதப் புலமையில் தேர்ச்சியும் உடைய அதங் கோட்டாசானுக்குத் தொல்காப்பியர், 'மயக்கம்தராத மரபினை உடைய தமிழ் எழுத்துமுறையினைக் காட்டினார்' எனக் குறிப்பது மிகுந்த கவனத்துடன் ஆராயத் தக்கதாகும். வேதத்தில்வல்ல அதங்கோட் டாசானுக்குத் தொல்காப்பியர் தமிழ் எழுத்துமுறையைக் காட்ட வேண்டிய தேவை ஏன் வந்தது? இக் கேள்விக்கான நுட்பத்தை அறிஞர் டி.டி. கோசாம்பி விளக்கக் காணலாம். அவர் தம் நூலில்,

'கி.மு. 14ஆம் நூற்றாண்டின் பிற் பகுதியின்போது, தென்னிந்தி யாவில் இருக்குவேதப் பாசுரங் கள் சரியானபடி தொகுத்து ஒழுங்கு செய்யப்பட்டதுடன் எழுத்து வடிவம் பெற்றுக் குறிப் புரையும் வழங்கப்பட்டது. அதற்கு முன்னர் இருக்குவேத மூலத்தைச் செவிவழியே கேட்டு அப்படியே அசை உச்சரிப்புடன் ஒப்பிக்கும் வழக்கமே இருந்தது.... ஆனால் பொதுவாக இது எழுத்து வடிவத் தில் பத்திரப்படுத்தி வைக்கப்பட வில்லை.'

எனக் குறிக்கின்றார். இருக்குவேதம் கி.மு. 14ஆம் நூற்றாண்டில் தொகுக்கப்பட்டு எழுத்து வடிவில் கொண்டுவரப்பட்டது தென்னாட்டில்தான் எனும் டி.டி. கோசாம் பியின் கூற்றைப் பனம்பாரனாரின் மயங்காமரபின் எழுத்துமுறை காட்டி என்ற கூற்றோடு எப்படிப் பொருத்திப் பார்க்காமல் இருக்கமுடியும்?

வேதத்தை உச்சரிக்கும் முறை

தமிழ் எழுத்துமுறையின் சிறப்பை அறியாத ஒருவருக்கு எழுத்துக்களின் எண்ணிக்கை, அவை பிறக்கும் இடம் ஆகியவற்றை விரிவாக விளக்கக்கூடிய வகையிலேயே தொல்காப்பியர் எழுத்த திகாரத்தின் பிறப்பியலை அமைத் துள்ளார். அதங்கோட்டாசான் வேதம் வல்லவராதலால் வேதத்தை ஒலிக்கும் உச்சரிப்பு முறையை எடுத்துக்காட்டி, அப்படி உச்சரிக்கும் முறைக்கும், தமிழ் எழுத்துக்களுடைய பிறப்பிடம், அவற்றின் மாத்திரை (உச்சரிக்கும் கால அளவு) ஆகியவற்றுக்கும் இடையே உள்ள வேறுபாட்டை விளக்கக்கூடிய வகையில் இரு நூற்பாக்களை அமைத் துள்ளார். அவை,

எல்லா வெழுத்தும் வெளிப்படக் கிளந்து

சொல்லிய பள்ளி யெழுதரு வளியின்

பிறப்பொடு விடுவழி உறழ்ச்சி வாரத்(து)

அகத்தெழு வளியிசை யரில்தப நாடி

அளபிற் கோடல் அந்தணர் மறைத்தே - நூற்பா - 102.

அஃதிவண் நுவலா தெழுந்துபுறத் திசைக்கும்

மெய்தெரி வளியிசை அளபுநுவன் றிசினே

- நூற்பா - 103.

என்பனவாம். இந் நூற்பாக்கள் இரண்டும் சமற்கிருத ஒலிப்புமுறை, தமிழ் எழுத்து முறைக்கு மாறானது என்பதைப் புலப்படுத்துகின்றன. 'வேதத்தின் ஒலிப் புமுறை பற்றி நான் விளக்க வரவில்லை; மாறாகப் பொருண்மை தெரிகின்ற காற்றினால் ஆகிய தமிழ் எழுத்தின் (மாத்திரையின்) அளவினைக் கூறினேன்' என உறுதி செய்கின்றார். தொல்காப்பியத்தின் அந்நூற்பாக்களுக்கு 'வேதத்தின் ஒலிப்புமுறை பொருள்தெரியா நிலைமை ஆகலின் அவற்றிற்கு அளவு கூறமாட்டார்கள்' என்று உரையாசிரியர் இளம்பூரணார் தரும் விளக்கமும் எண்ணத்தகும். இதனால், அதங்கோட்டாசான் காலத்தில் வேதம் எழுத்து வடிவைப் பெறவில்லை என்பதும், அதன் காரணமாகவே தொல்காப்பியர் மயக்கம் தராத மரபினை உடைய தமிழின் எழுத்துமுறையைக் காட்டினார் என்பதும் உறுதியாகின்றது.

தமிழ் எழுத்துகளின் எண்ணிக்கையும் வேதக் கடவுளரின் எண்ணிக்கையும்

வேதக் கடவுள்களின் எண் ணிக்கை 33 என்பதை இருக்குவேதம், அதர்வண வேதம் ஆகியவையும் அவற் றின் வழியாகத் தோன்றிய பிராமணங் களும் உறுதிசெய்கின்றன. அவை,

ஆதித்தியர்கள் 12

வசுக்கள் 8

உருத்திரர்கள் 11

வசத்காரர் 1

பிரஜாபதி 1

என்பன. 33 என்ற எண்ணிக்கை வேதநூல்களில் வரையறுக்கப்பட்ட தற்கான காரணத்தை ஆராயும் சுந்தர்ராஜ் அம் முப்பத்து மூன்றும் தொல்காப்பியர் குறிப்பிடும்

உயிரும் உடம்புமாம் முப்பது முதலே

சார்ந்துவரல் மரபின் மூன்றலங் கடையே.

எனும் நூற்பாவின் அடிப்படையில் உருவாக்கப்பட்டவை என்பதைத் தம்நூலில் (தண்ஞ் யங்க்ண்c நற்ன்க்ண்ங்ள் ஆக்க்ங்ய்க்ஹம்) விரிவாக விளக்கியுள்ளார். ஆதித்தியர்கள் 12 என்பது தமிழின் 12 உயிர் எழுத் துக்களே என உறுதி செய்யும் அவர், வசுக்கள் பற்றியும் தக்க சான்றுகளுடன் ஆராய்ந்துரைக்கிறார். 'வழு' என்னும் தமிழ்ச்சொல்லே 'வசு' என ஆகியதை அறிஞர்கள் எமனோ, பர்ரோ தொகுத்த 'திராவிட வேர்ச்சொல் அகராதி'யிலிருந்து (உங்க்.4336) எடுத்துக்காட்டி நிறுவு வார். இந்த வசுக்கள் மொழிக்கு முத

லில் வாரா தமிழ் மெய்யெழுத்துக்கள் என்பதும் இந்த எட்டும் தொல் காப்பியருக்குப் பிந்திய வழக்கு என்பதும் இங்கே எண்ணத்தகும்.

'க' எனும் மெய்யெழுத்து

இருக்குவேதக் கடவுள்களில் ஒன் றாகக் குறிக்கப்படுவது 'க' என்பதாகும். இக்கடவுளைப் பற்றிய வரலாறு தெரி யாமல் அறிஞர்கள் குழம்பியுள்ளனர். (இராகுல சாங்கிருத்தியாயன், ரிக்வேத கால ஆரியர்கள்) பிரஜாபதியாகக் கருதப் படும் 'க' என்பது தமிழ் உயிர் மெய் எழுத்தான 'க' வேயாகும். சங்க காலத்தில் 'க' என்பது ற் என எழுதப்பட்டது. இவ் வடிவத்தையே மனித உருவிலிருக்கும் 'க' வே என இருக்குவேதம் போற்று வதை ஆய்வுகள் உறுதிசெய்கின்றன.

இந்திரனும் வருணனும்

இருக்குவேதத்தில் இரட்டைக் கடவுளராகக் குறிக்கப்படுபவர்கள் இந்தி ரனும் வருணனும் ஆவர். இருவருள் ளும் இந்திரனே போர்க் கடவுளாகவும், மழைக்கடவுளாகவும் போற்றப்படு கின்றான். ஏறத்தாழத் தலைமைத் தெய்வ மாக வணங்கப்படும் இந்திரன் இருக்கு வேதத்தின் இடைப்பகுதியில் அறிமுக மாகித் திடீரெனக் காணாமல் போய் விடு கிறான். இவ்வாறு இந்திரன் புறக்கணிக் கப்படுவதற்கான காரணம் பெரும்புதிராக இருப்பதாக அறிஞர் அம்பேத்கர் (அம் பேத்கர் சிந்தனைகள்-8) குறிப்பிடுவார். திடீரென்று மறைந்துவிடுவது மட்டு மின்றி அகலிகை, இந்திரன் தொடர்பின் வாயிலாக இந்திரனுடைய ஒழுக்கமும் சிதைக்கப்படுகிறது. இந்திரனுடைய புகழ் சிதைக்கப்படும் அதே நேரத்தில், வைதிக எதிர்ப்பை அடிப்படையாகவும் ஆரியர் வருகைக்கு முற்பட்ட சிந்தனை மரபைச் சார்ந்தனவாகவும் கருதப்படும் ஆசீவக, சைன, பெளத்த சமயங்கள் இந்திரனை அறிவுமரபின் மூல வடிவமாகப் போற்றுகின்றன.

தொல்காப்பியரும் இந்திரனை யும், வருணனையும் மருத, நெய்தல் திணைகளின் கடவுள்களாகப் போற்று வார். தொல்காப்பியர் குறிப்பிடும் அதே பொருளிலேயே அதாவது மழைத் தெய்வமாக இந்திரனும் கடல் தெய் வமாக வருணனும் குறிக்கப்படுவதைப் போலவே இருக்குவேதமும் அவர் களைப் பற்றிக் குறித்துள்ளது. இவை எல்லாவற்றையும்விட இருக்குவேதம் இந்திரனையும் வருணனையும் அசுரர் களாகவே (இருக்குவேதம்: முதல் மண்டலம் 174-1, 7-36:2) குறித்துள்ள தும் எண்ணத்தகும். இருக்குவேதத்தில் குறிக்கப்படும் அசுரர்கள் வைதிக எதிர்ப்பாளர்கள் என்பதை அறிஞர்கள் (தருமானந்த கோசாம்பி, தேவிபிரசாத் சட்டோபாத்தியாயா) உறுதி செய் துள்ளனர். எனவே தொல்காப்பியர் குறிப்பிடும் தமிழ் மக்களின் நிலத்தெய் வங்களான இந்திரனையும் வருண னையும் இருக்கு வேதம் அப்படியே தழுவி அதே பொருளில் அமைத்துக் கொண்டது என்பது உறுதியாகிறது. கடல் வழிப்பயணத்தை அறியாத இருக்குவேதப் புலவர்கள் வருணனைக் கடற்பயண வழிகாட்டியாகக் குறிப் பதைப் பாவாணர் சுட்டிக்காட்டி விளக்குவதும் இங்கே எண்ணத்தகும்.

ஆறுபருவங்கள்

தமிழ்மரபில் பன்னிரண்டு மாதங்கள் கொண்டது ஓராண்டாகும். இதனை இரண்டு இரண்டு மாதங்கள் கொண்ட ஆறு பருவங்களாக வகைப் படுத்துவார் தொல்காப்பியர். இருக்கு வேதத்தில் பதின்மூன்று மாதங்கள் கொண்டு ஆண்டுமுறை ஒன்றும் பன்னிரண்டு மாதங்கள்கொண்ட ஆண்டுமுறை ஒன்றுமாக இரண்டு வகையான ஆண்டுமுறைகள் குறிக்கப் பட்டுள்ளன. இவற்றுள் பன்னிரண்டு மாதங்களையும் ஆறு பருவங்களையும் கொண்ட ஆண்டுமுறை தமிழர்களிட மிருந்து இருக்குவேதம் கடன் கொண்டது என்பதை இருக்குவேத ஆராய்ச்சியாளராகிய கிரிஃபித் (ஏண்ழ்ண்ச்ச்ண்ற்ட்) உறுதி செய்துள்ளார். இருக்குவேதத்தில் குறிக்கப்படும் விஷ்ணு, பூசன் ஆகிய புகழ்மிக்கக் கடவுள்களின் பெயர்கள் யாவும் தமிழ் வேர்ச்சொல்லின் அடி யாகப் பிறந்தவை என்பதைச் சொல்லியல் அறிஞர்கள் எமனோவும் பர்ரோ வும் விளக்கியுள்ளனர் (உஊஉ) இருக்கு. வேதத்தில் பொருள்தெரியாத பல சொற்களுக்கும் தமிழே மூலமாக இருப்பதை அக்கினிகோத்திரம் தாத்தாச்சாரியர் (ஒய்ற்ழ்ர்க்ன்cற்ண்ர்ய் ற்ர் தண்ஞ் யங்க்ண்c ள்ற்ன்க்ண்ங்ள்) தெளிவுபடுத்தியுள்ளார். இருக்கு வேதம் எனும் பெயரில் உள்ள முதல் எழுத்தான 'ரி' தமிழின் சிறப்பெழுத்துக் களில் ஒன்றான (ற) 'றி' எனும் எழுத் தின் திரிபே என்பார் எம். சுந்தர்ராஜ்.

இவ்வாறு, பல்வேறு சான்று களைக் கொண்டு காணும்போது இருக்குவேதம் தமிழியற் சூழலிலேயே தொகுக்கப்பட்டது என்பது தெளி வாகும். இக்கருத்தினை,

'தமிழுக்கும் இருக்குவேதத் திற்கும் இடையே காணப்படும் நெருக்கத்திற்கான காரணம் ஏதோ தற்செயலாக ஏற்பட்ட ஒற்றுமை என்று யாரும் கருதி விடக் கூடாது. தமிழ்ப் பண் பாட்டுக் கூறுகள்தாம் மாறு வேடம் அணிந்தோ, அல்லது முகமூடி போட்டுக் கொண்டோ இருக்குவேதத்தில் உள்ளன என்பதற்கு நாம் வெளிப்படை யான சான்றுகளைக் கொண் டுள்ளோம்...

சமற்கிருத மொழியும் அதன் இலக் கிய மரபுகளும் தமிழியத்தையே அடிப்படையாகக் கொண்டவை. இதன் விளைவாக ஒரு கலப்பு மொழி (ஙண்ஷ்ங்க் கஹய்ஞ்ன்ஹஞ்ங்) தோற்றம் கொண்டது. அதைத்தான் நாம் இப்போது சமற்கிருதம் என்று அழைக்கின்றோம். இந்த மொழி யில் அமைந்த இலக்கியங்களுக்கு உரிய உள்ளடக்கத்தை வழங்கிய ஆசிரியர்கள் அனைவரும் தமிழர் களே', என வரையறை செய்வார் எம். சுந்தர்ராஜ்.

இருக்கு வேதத்தில் தமிழியக் கூறுகள் மிகுதியாக இடம் பெற்றமைக் கான காரணம் அது தென்னாட்டில் தொகுக்கப்பட்டது மட்டுமல்ல; தொல் காப்பியர் விளக்கிக்காட்டிய தமிழ்எழுத்து முறையில் அது தொகுக்கப்பட்டதே ஆகும். ஓர் இனத்தின் எழுத்து முறை யைக் கடன்பெறும் இனம், எழுத்தை மட்டுமல்லாது அவ் எழுத்துமுறைக்குரிய பண்பாட்டுக் கூறுகளையும் கடன்பெறு வது இயல்பு. ஜப்பானியப் பண்பாட்டில் தமிழ்ப் பண்பாட்டுத் தாக்கம் மிகுதியாக இருப்பதற்கான காரணமும், ஜப்பானிய எழுத்துமுறை, தமிழ் எழுத்துமுறையைப் பின்பற்றி அமைந்ததால்தான் என்பதையும் இங்கே நாம் எண்ணிப்பார்கக வேண்டும்.

தொல்காப்பியத்தின் பழமை

இருக்கு வேதம் முதன்முதலாகத் தென்னாட்டில் எழுத்து வடிவில் தொகுக் கப்பட்டு குறிப்புரைகளும் எழுதப்பட்டன எனவும், அக்காலம் கி.மு. 14 ஆம் நூற் றாண்டு எனவும் டி.டி. கோசாம்பி கூறுவ தாலும், இருக்குவேதம், தொல்காப்பியர் கூறும் தமிழ் எழுத்திலக்கணம் முதலான இலக்கணக் கூறுகளைத் தழுவி அமைந் துள்ளதாலும், இருக்குவேதம் தொகுக்கப் பட, அதாவது தொல்காப்பியர் விளக்கிய எழுத்துமுறையை வேதமொழிக்குரிய வகையில் வடிவமைத்து, அதனடிப்படை யில் வேதத்தை எழுத்துவடிவில் கொண்டுவரக் கொஞ்சம் கால இடை வெளி தேவைப்பட்டிருக்கும். எனவே, தொல்காப்பியம் இருக்கு வேதத்திற்கு முற்பட்டது என்பது தெளிவு.

தொல்காப்பியர் குறிப்பிடும் வழி பாட்டு முறைகளான கொடிநிலை, கந்தழி, வள்ளி எனும் மூன்றும் தந்திர வழி பாட்டுக்குரியன என்பதையும், அவை முறையே சிந்துவெளி அகழாய்வில் கண்டெடுக்கப் பெற்ற லதாசாதனம் (லதா - கொடி, சாதனம் - நிலை) இலிங்கம், பகயாகம் எனும் சகம்பரி (ஆறு வகையான செல்வங்களை வழங்கும் வள்ளன்மை மிக்க தந்திரச் சடங்கு) எனவும் அடையாளம் காணப் பட்டுள்ளன. சிந்துவெளி எழுத்துமுறை பற்றி ஆராய்ந்த உருசிய நாட்டு அறிஞர்கள், அவ்எழுத்துமுறை தொல்காப்பியர் காட்டும் இலக்கண அமைதியோடு மட்டுமே பொருந்துகிறது என்பதை முப்பது ஆண்டுகளுக்கு முன்பே உறுதி செய்தனர். (பட்ங் ஐண்ய்க்ன்

15லி4லி80).

கி.மு. எட்டாம் நூற்றாண்டில் பிரா மணங்கள், ஆரண்யங்கள், தர்மசாத்திரங் கள் முதலான வைதிக இலக்கியங்கள் தோன்றின. இவை உருவாக்கிய சமூகக் கோட்பாடுகளுக்கு மறுப்பாக ஓர் அறிவுப் புரட்சி தோன்றியது. அப்புரட்சியைப் பரிவிராசகர் அமைப்பு நாடுமுழுவதும் கொண்டு சென்றது. அவ் அமைப்பின் மூலவர் எண்ணியக் கோட்பாட்டின் நிறுவனராகிய கபிலர் ஆவார். எண்ணியம் (சாங்கியம்) தொல்காப்பிய அய்ந்திர மரபிலிருந்து கிளைத்தது. வேத வேள்வி எதிர்ப்பும், அணுவியலும், கடவுள் மறுப்பும், எண்ணியத்தின் கூடுதல் அடிப்படை. இவ் எண்ணியம் கி.மு. ஆறாம் நூற்றாண் டில் ஆசீவகத்தோடு இணைந்தது. அதனால் கி.மு. 8ஆம் நூற்றாண்டிலோ, அல்லது அதற்குப் பின்போ தொல் காப்பியம் இயற்றப்பட்டிருக்குமானால் எண்ணியத்தின் தாக்கம் அல்லது ஆசீவகத்தின் தாக்கம் அதில் இருந்தாக வேண்டும். ஆனால், அப்படி ஒரு சுவடே தொல்காப்பியத்தில் இல்லை.

எனவே மெய்யியல், பண்பாட்டி யல், தருக்கவியல், எழுத்தியல், தொல்லியல் முதலான அனைத்துத் துறைகளின் அடிப்படையில் ஆராய்கின்றபோது, இருக்குவேதத்திற்கு மட்டுமல்ல. உலகில் எழுதப்பெற்ற நூல்கள் அனைத்திற்கும் தொல்காப்பியமே முந்தையது என்பதில் எள்ளளவும் ஐயமில்லை; உண்மை வெறும் புகழ்ச்சியில்லை.

(மேலும் கூடுதல் செய்திகளுக்கு கட்டுரையாசிரியரின் 'தொல்காப்பியம் - திருக்குறள் காலமும் கருத்தும்' எனும் நூலினைக் காண வேண்டுகிறோம்)

நன்றி தென்செய்தி